ಹನಿಗಳು ಒಂದಿಷ್ಟು...

ಮಧುವನದ

ತುಂಬೆಲ್ಲಾ ಸವಿಯೊಲುಮೆ

ಈಕೆಯಿದ್ದಳು !

ಜೀವನದಲ್ಲಿ

ಜೀವ ಕೈಯಲ್ಲಿಡಿದು

ಏಣಿ ಹತ್ತಿದೆ !

ಉಪ್ಪಿರದಿಹ

ದೇಹದಲ್ಲಿ ಖಾರವೇ

ಹುಳಿಯೆಲ್ಲಿಯೋ ?

ಅಪ್ಪುಗೆಯಲ್ಲಿ

ಮನೆಯನ್ನೇ ಮರೆತೆ

ಪರರ ಕೂಡಿ !

***

ಹೀಗೆ - ಹೀಗೆಯೆ

ತಪ್ಪನ್ನು ತಪ್ಪು ಅನ್ನುವುದರಲ್ಲಿ ತಪ್ಪಿಲ್ಲ, 

ಆದರೆ ತಪ್ಪೇ ಇಲ್ಲದ ವಿಷಯಗಳನ್ನು ತಪ್ಪು 

ಅನ್ನುವುದು ಮಹಾ ತಪ್ಪು. 

ಹಾಗೆನ್ನುವವರ ಸಂಕುಚಿತ ಮನೋಭಾವನೆಯನ್ನ 

ಅದು ತೋರಿಸುವುದರ ಜೊತೆಗೆ ಆ ವಿಷಯಗಳಲ್ಲಿ 

ತಾನು ಪರಿಪೂರ್ಣನಲ್ಲವೆಂಬುವುದನ್ನೂ ತೋರಿಸಿಕೊಡುತ್ತದೆ.

***

ಮುಕ್ತಕ 

ತನುವಿನೊಳು ಸೊಗಸಿಹುದು ಎಂದೆನುತ ನಲಿಯದಿರು

ಮನದೊಳಗೆ ಒಲವಿರಲಿ ತಿಳಿಯೆನ್ನ ಕೂಸೆ |

ಜನಬಲವು ಇದೆಯೆಂದು ಸುವಿಚಾರ ಕಲಿಯದಿರೆ

ನನಸದುವು ವಿಷವಕ್ಕು -- ಛಲವಾದಿಯೆ ||

***
ಕಾರಣರು

ಸ್ವಾತಂತ್ರ್ಯ

ಸಿಕ್ಕ ನಂತರ

ಭ್ರಷ್ಟಾಚಾರದ

ಬೇರುಗಳು

ಆಳವಾಗಿ

ಈ ದೇಶದಲ್ಲಿ

ಹಬ್ಬಿದ್ದು

ಹಳ್ಳಿಯಿಂದಲ್ಲ

ಡೆಲ್ಲಿಯಿಂದ !

-ಹಾ ಮ ಸತೀಶ ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ