ಹನಿಗಳು ಹತ್ತು ಹಲವು ರೀತಿ…

ಯಾರೂ

ಕು-ಕವಿಗಳು

ನಾಡಿನಲಿಲ್ಲ 

ಬರೆದವನಿಗೆ

ತಲೆ ಸರಿ

ಇಲ್ಲ !

*

ಕಣ್ಣ ಸನ್ನೆಗೆ

ಬಂದಳು

ಬಾಹು ಬಂಧನಕೆ

ಸಿಕ್ಕಳು

ತಾಳಿ ಹಿಡಿದು

ನಿಂತಳು

ನೋಡುವುದೇನು

ಈಗ

ಅವಳ ಸುತ್ತಲೂ

ಮಕ್ಕಳು !

*

ಜೀವನದ ದಾರಿಯಲಿ ಹಲವಾರು ತೊಂದರೆಯು

ಪಾತಾಳ ಸೇರಿದರೂ ಬಿಡದಾದ ಚಂದಿರೆಯು

ಹರಿದಿರುವ ಮನಸ್ಸಿನ ಹಿಂದೆಯೇ ಬರುವಳು

ಬೇಡವೆಂದರೂ ನನ್ನನ್ನೇ ನೋಡುತಲೆ ತಬ್ಬುವಳು

*

ನನ್ನ ಮನೆಯಂಗಳದ ರಾಣಿ

ಬಲ್ಲವರಿಗೆ ಗೊತ್ತು ಅವಳ ವಾಣಿ

ರಾತ್ರಿಯಾದರೆ ಬೊಬ್ಬೆ

ಹಗಲಲ್ಲಿ ಬರಿ ನಿದ್ದೆ

ಉಳಿದವರಿಗೆ ದಿನ ದಿನವು ಜಾಗರಣಿ

*

ಮದುವೆಯ ದಿನದ ಬಂಧನವು 

ಸಂಭ್ರಮದೊಳಗೆ ಜೀವಸೌಧವು

ಕೈಯನು ಹಿಡಿದು ನಡೆಯುತಲೆ

ಮುಂದಿನ ಬದುಕಿಗೆ ಚೇತನವು

*

ಸುಖದ ಅಮಲಿನಲಿ

ಮುಂದೆ ಮುಂದೆ ಸಾಗುತಿರುವೆ

ದಾರಿಯಲಿ ಏನೋ ತಿಳಿಯೆನು

ಸವಿಯೆ !

ಮಕ್ಕಳಾದರೆಂಬ ಭಯವೂ ಇದೆ 

*

ಸಾವಿಗೆಲ್ಲಿದೆ

ಭಯವು ಜೀವಾತ್ಮನೆ

ಉಸಿರು ನಿಂತ

ಗಳಿಗೆಯಲ್ಲಾಗಲೆ

ದೇಹ ನಶ್ವರ !

*

ಬದುಕೊಳಗೆ

ಸಾಧನೆಯು ಬರಲು

ಶರತ್ಕಾಲವು !

*

ಬರಹ

ಕ್ಕೆ

ಬರ

ಬಾರದು !

*

ಕಳೆದು ಹೋಗಿರುವ

ವರುಷಗಳೆಂದಿಗೂ

ಹಳತಲ್ಲವು ತಿಳಿ

ಬಾಳಿಗೆ ಮುನ್ನುಡಿಯು !

*

ಮಾಳಿಗೆಯಲ್ಲಿ

ಕುಳಿತ ಹುಡುಗಿಯು

ನೆಲ ನೋಡುವಳೇನು !

*

ಮೂಡುತ್ತಿರುತ್ತವೆ ಹುಡುಗನ

ಮೈಮನಸ್ಸುಗಳಲ್ಲಿ ಸದಾ ಮದನನ ಚಿಹ್ನೆಗಳು !

ಕಾರಣವೂ ಇಲ್ಲದಿಲ್ಲ ತಾರೆಯಂತೆ

ಚೆಲುವಾಗಿಯೇ ಹೆಣ್ಣುಮಗು ಮೈನೆರೆದಳು !

*

ಮನ್ನಿಸು ಗುರುದೇವಾ ನಿನ್ನಯ ಜೊತೆಗಿರುವೆ

ಬಣ್ಣದ ಮಾತಿಗೆ ಮರುಳಾಗಿ ಹೋಗದೆಲೆ

ಸುಖವಾಗಿ ಇರುವೆನು ನನ್ನೊಡೆಯಾ

*

ಮನದೊಳಗೆ ಏನಿದೆಯೋ ಹೇಳು

ಬಾಳಿನ ಪಲ್ಲವಿ ಮುದುಡದಂತೆ ನಡೆಯೋಣ

ಕೈಹಿಡಿದು ಮರ ಸುತ್ತಿರುವುದ ಕೇಳು

ಈಗಲಾದರೂ ಹೂವಿನ ಪರಿಮಳದಂತೆ ಬೆರೆಯೋಣ !

*

ಬಂಡೆಗಪ್ಪಳಿಸುವಂತೆ ಬಟ್ಟೆ ಒಗೆಯುತಲಿಹಳು

ರಪ ರಪನೆ ಹಪ್ಪಳ ಸಂಡಿಗೆ ಮಾಡುತಲಿಹಳು

ಬೋಸ ನೀನೆಂದು ನನ್ನ ಹಂಗಿಸುತಲಿಹಳು

ಬಾಸು ನಾನೆಂದು ಸವಿ ಹೇಳುತಲಿಹಳು

-ಹಾ ಮ ಸತೀಶ ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ