ಹನಿಗಳ ಮಧುರ ಲೋಕ !
ಕೆಲವು
ಮಾತುಗಳು
ಕಾಡುತ್ತವೆ
ಹೇಗೆಂದರೆ
ಹೀಗೆ
ಕಾಡು
ಬಾ
ಎಂದರೂ
ನಾಡಿನ
ಲ್ಲೇ
ಉಳಿಯುತ್ತೇವೆ !
***
ತೋರಣಗಳ
ನಡುವೆ ಅರಳಿತು
ನವ ಯೌವನ !
***
ಹೃದಯ
ಆತ್ಮ
ಸಮ್ಮಿಲನ
ಸಂಬಂಧಗಳ
ನಡುವಿನ
ಬಿಂದು !
***
ಮೌನಗಳಿಂದು
ಮನಸುಗಳ ಜೊತೆ
ಸೇರುವುದಿಲ್ಲ
ವೈರಿಗಳಂತೆ ಬಾಳಿ
ಮಸಣ ಸೇರುತ್ತವೆ !
***
ದುಃಖದ ಹೊಳೆಯಲ್ಲಿ
ತೇಲಿ ಸಾಗುತ್ತಿರುವೆ
ಹಾಯಿ ದೋಣಿಗಳಿಲ್ಲ
ಸವಿಯೆ
ದಡಸೇರುವ ತವಕದಲ್ಲಿರುವೆ !
***
ಯೌವನ ಓಡೋಡಿ ಬಂದಿತು
ಶೃಂಗಾರ ಪ್ರೀತಿಯ ತಂದಿತು
ಸುಖದ ಕಡಲು ಎದ್ದಾಗ
ಪ್ರೇಮವು ಉಕ್ಕುತ ನಿಂದಿತು
***
ಹುಟ್ಟು ಸಾವಿನ ನಡುವೆ ಪ್ರೀತಿಯಿದೆ
ಮೋಹ ಪಲ್ಲವಿ ಜೊತೆಗೆ ತಾಳ್ಮೆಯಿದೆ
ಗಂಡನು ಕೈಯನು ಹಿಡಿದಾಗ
ಹೆಂಡತಿ ಹತ್ತಿರ ಸೇರಿದಾಗ
ಜೀವನ ಪಾಠಕೆ ಸನಿಹ ಏಣಿಯಿದೆ
***
ಬಾಳಿನೊಲುಮೆಯೊಳು
ಸವಿ ಹರಡುತಿರೆ
ಬದುಕಿನಾಟವದು
ಹಾಳಾಗದು ನೋಡೆಂದು !
***
ಬಂಡೆಗಪ್ಪಳಿಸುವಂತೆ ಬಟ್ಟೆ ಒಗೆಯುತಲಿಹಳು
ರಪ ರಪನೆ ಹಪ್ಪಳ ಸಂಡಿಗೆ ಮಾಡುತಲಿಹಳು
ಬೋಸ ನೀನೆಂದು ನನ್ನ ಹಂಗಿಸುತಲಿಹಳು
ಬಾಸು ನಾನೆಂದು ವೀಣಾ ಹೇಳುತಲಿಹಳು
***
ಕೆಲವು
ಮಾತುಗಳು
ಕಾಡುತ್ತವೆ
ಹೇಗೆಂದರೆ
ಹೀಗೆ
ಕಾಡು
ಬಾ
ಎಂದರೂ
ನಾಡಿನ
ಲ್ಲೇ
ಉಳಿಯುತ್ತೇವೆ !
***
ಚಂದ್ರನಂತೆಯೇ
ನಾನಿದ್ದೆ
ರಾಹು
ಬಂದಂತೆ
ಬಂದಳು
ನನ್ನಲಿದ್ದ
ಎಲ್ಲವನ್ನೂ
ದೋಚಿ
ಕೊಂಡೊಯ್ದಳು !
***
ನರ್ತನವನು ಮಾಡುತಿರುವೆ ನಿನ್ನೊಳಿಂದು
ಅರ್ಥವನು ಹುಡುಕುತಿಹೆ ನನ್ನೊಳಿಂದು
ಬಿಳಿಯಿರಲು ಮೈಯಲ್ಲಿ ಮನದೊಳಗೆ ಆಸೆಗಳು
ಬರದಿರಲಿ ಬದುಕಲ್ಲಿ ನಾನೆಂಬ ಮೋಹಗಳು
***
ಮನ್ನಿಸು ಗುರುದೇವಾ ನಿನ್ನಯ ಜೊತೆಗಿರುವೆ
ಬಣ್ಣದ ಮಾತಿಗೆ ಮರುಳಾಗಿ | ಹೋಗದೆಲೆ
ಸುಖವಾಗಿ ಇರುವೆನು ನನ್ನೊಡೆಯಾ
***
ಎಚ್ಚರಿಕೆ ಇಹುದಯ್ಯ ನಮ್ಮೊಳಗೆ ನಿಮ್ಮೊಳಗೆ
ಸರಕಾರ ನೋಡಯ್ಯ ಕಣ್ಮುಚ್ಚಿ ಒಳಗೆ
ಕುಳಿತಿರುವ ಚಂದವನು ಬಡವರದು ನೋಡುತ
ಹೈರಾಣ ಆಗಿಹರು ಮನೆಯೊಳಗೆ ಬಾಡುತ
***
ಮನದೊಳಗೆ ಎನಿದೆಯೊ ಹೇಳು
ಬಾಳಿನ ಪಲ್ಲವಿ ಮುದುಡದಂತೆ
ನಡೆಯೋಣ
ಕೈಹಿಡಿದು ಮರ ಸುತ್ತಿರುವುದ ಕೇಳು
ಈಗಲಾದರೂ ಹೂವಿನ ಪರಿಮಳದಂತೆ
ಬೆರೆಯೋಣ
***
ನನ್ನೊಲವಿನ
ಸವಿಗನಸಿನೊಳು
ನಿನ್ನೊಲವನು
ಸೇರಿಸುತಿರುವಂತೆ
ನನಸಾಯಿತು ಬಾಳು !
-ಹಾ ಮ ಸತೀಶ ಬೆಂಗಳೂರು
ಚಿತ್ರ ಕೃಪೆ: ಇಂಟರ್ನೆಟ್ ತಾಣ
