ಹಲಸಿನ ಬೀಜದ ಮಸಾಲೆ ಸಾರು

ಹಲಸಿನ ಬೀಜಗಳನ್ನು ಕುಕ್ಕರ್ ನಲ್ಲಿ ಮೂರು ವಿಸಿಲ್ ಹಾಕಿಸಿ ಕೆಳಗಿಳಿಸಬೇಕು. ಆರಿದ ಮೇಲೆ ಮೇಲಿನ ಮತ್ತು ಒಳಗಿನ ಸಿಪ್ಪೆ ತೆಗೆದು ಕಿವುಚಿಡಿ. ಒಣಮೆಣಸು(ಬ್ಯಾಡಗಿ), ಚಿಟಿಕೆ ಅರಸಿನಹುಡಿ, ಇಂಗು, ಜೀರಿಗೆ, ಕೊತ್ತಂಬರಿ, ಮೆಂತೆ ಕಾಳು, ಕಾಳುಮೆಣಸು, ಸ್ವಲ್ಪ ಹುಣಿಸೇಹಣ್ಣು ಎಲ್ಲಾ ಹುರಿದು ಮಿಕ್ಷಿಯಲ್ಲಿ ಹುಡಿ ಮಾಡಿ, ಕಿವುಚಿಟ್ಟ ಹಲಸಿನ ಬೀಜಕ್ಕೆ ಸೇರಿಸಿ, ಕಾಯಿಮೆಣಸು ಹಾಕಿ. ನೀರು ಬೇಕಾದಷ್ಟು ಸೇರಿಸಿ. ಉಪ್ಪು, ಸ್ವಲ್ಪ ಬೆಲ್ಲ ಹಾಕಿ ಚೆನ್ನಾಗಿ ಸಣ್ಣ ಉರಿಯಲ್ಲಿ ಕುದಿಸಿ, ಬೆಳ್ಳುಳ್ಳಿ ಒಗ್ಗರಣೆ ಕೊಡಬೇಕು. ಕರಿಬೇವು ಸೊಪ್ಪು ಹಾಕಿ ಮುಚ್ಚಿ, ಹತ್ತು ನಿಮಿಷ ಕಳೆದು ಉಪಯೋಗಿಸಬಹುದು. ಹಲಸಿನ ಬೀಜ ಸಿಹಿ ಇರುವ ಕಾರಣ ಬೆಲ್ಲ ಸ್ವಲ್ಪ ಸಾಕು. ತುಂಬಾ ರುಚಿಯಾದ ಸಾರು ಇದಾಗಿದೆ.

-ರತ್ನಾ ಕೆ.ಭಟ್, ತಲಂಜೇರಿ