ಹಿಂದಿರುಗಿ ನೋಡಿದಾಗ
ಕವನ
ಶಾಲೆಯ ದಿನಗಳಲಿ
ಪುಸ್ತಕದ
ಕೊನೆಯ ಪುಟದಲ್ಲಿ
ರಟ್ಟಿನ ಮೇಲೆ
ಬರೆದಿರುವ ಅವಳ ಹೆಸರು
ಹಲವು ಬಾರಿ ಬರೆದು
ಅವರಿವರು ನೋಡಿಯಾರು
ಎಂಬ ಅಳುಕಿನಲಿ
ಕಾಟು, ಗೀಟು ಹೊಡೆದು...
ಅಳುಕಿಸಲೆತ್ನಿಸಿ
ಅದರಲ್ಲಿಯೇ
ನವ್ಯಕಲೆಯನ್ನೂ ಮೀರಿಸುವ
ಚಿತ್ರವನೂ ಬಿಡಿಸಿ
ಅಕ್ಕ-ಪಕ್ಕ
ಯಾರೂ ಇಲ್ಲದಾಗ
ಮನದಲ್ಲಿ ಸಂಚಲನ ಮೂಡಿಸಿದ
ಚಂಚಲೆಯ ನೆನೆಯುತಾ
ಏಕಾಗ್ರಚಿತ್ತದಿಂದ
ರವಿವರ್ಮನಂತೆ ಅವಳ
ಚಿತ್ರವನೂ ಬಿಡಿಸಿ....
ಕಾಲೇಜು ಕಟ್ಟೆಯನು
ಹಲವಾರು ಸಲ ಎಡವಿ
ಬಾಳ ಕಟ್ಟಿಕೊಳ್ಳುವ
ಹಂಬಲದಲಿ ಹಗಲಿರುಳು
ಅಲೆದಾಡಿ
ಹಸಿವು-ಬಾಯಾರಿಕೆಗಳ
ಹೊತ್ತು ತಿರುಗಿ
ಮರಳಿ ಗೂಡಿಗೆ ಬಂದಾಗ
ಕಿಲುಬು ಕಾಸು ಕಾಣದಿರುವಾಗ
ಹಗಲಿರುಳೂ ಉರುಹೊಡೆದು
ಗಳಿಸಿದ ಪದವಿಯನೆ ನೆನೆದು
ಹಳೆಯ ಪುಸ್ತಕಗಳನು
ರದ್ದಿ ಹಾಕುವ ಸಮಯದಿ
ಮತ್ತೆ ಪ್ರತ್ಯಕ್ಷವಾಯಿತು
ಕೊನೆಯ ಪುಟ
ಕಣ್ಮುಂದೆ ಮೂಡಿದ
ಅವಳು
ಪಿಸುಮಾತಿನಲಿ ಉಲಿದಳು
ಗೆಳೆಯಾ ಮರೆಯದಿರು
ಇದು ಬದುಕಿನ ಮೊದಲ ಪುಟ
ಕೊನೆಯ ಪುಟದಲ್ಲಿ
ರಟ್ಟಿನ ಮೇಲೆ
ಬರೆದಿರುವ ಅವಳ ಹೆಸರು
ಹಲವು ಬಾರಿ ಬರೆದು
ಅವರಿವರು ನೋಡಿಯಾರು
ಎಂಬ ಅಳುಕಿನಲಿ
ಕಾಟು, ಗೀಟು ಹೊಡೆದು...
ಅಳುಕಿಸಲೆತ್ನಿಸಿ
ಅದರಲ್ಲಿಯೇ
ನವ್ಯಕಲೆಯನ್ನೂ ಮೀರಿಸುವ
ಚಿತ್ರವನೂ ಬಿಡಿಸಿ
ಅಕ್ಕ-ಪಕ್ಕ
ಯಾರೂ ಇಲ್ಲದಾಗ
ಮನದಲ್ಲಿ ಸಂಚಲನ ಮೂಡಿಸಿದ
ಚಂಚಲೆಯ ನೆನೆಯುತಾ
ಏಕಾಗ್ರಚಿತ್ತದಿಂದ
ರವಿವರ್ಮನಂತೆ ಅವಳ
ಚಿತ್ರವನೂ ಬಿಡಿಸಿ....
ಕಾಲೇಜು ಕಟ್ಟೆಯನು
ಹಲವಾರು ಸಲ ಎಡವಿ
ಬಾಳ ಕಟ್ಟಿಕೊಳ್ಳುವ
ಹಂಬಲದಲಿ ಹಗಲಿರುಳು
ಅಲೆದಾಡಿ
ಹಸಿವು-ಬಾಯಾರಿಕೆಗಳ
ಹೊತ್ತು ತಿರುಗಿ
ಮರಳಿ ಗೂಡಿಗೆ ಬಂದಾಗ
ಕಿಲುಬು ಕಾಸು ಕಾಣದಿರುವಾಗ
ಹಗಲಿರುಳೂ ಉರುಹೊಡೆದು
ಗಳಿಸಿದ ಪದವಿಯನೆ ನೆನೆದು
ಹಳೆಯ ಪುಸ್ತಕಗಳನು
ರದ್ದಿ ಹಾಕುವ ಸಮಯದಿ
ಮತ್ತೆ ಪ್ರತ್ಯಕ್ಷವಾಯಿತು
ಕೊನೆಯ ಪುಟ
ಕಣ್ಮುಂದೆ ಮೂಡಿದ
ಅವಳು
ಪಿಸುಮಾತಿನಲಿ ಉಲಿದಳು
ಗೆಳೆಯಾ ಮರೆಯದಿರು
ಇದು ಬದುಕಿನ ಮೊದಲ ಪುಟ
- Log in to post comments