ಹೀಗೊಂದು ಯುದ್ಧದ ಕಥೆ...

ಒಂದು ದಿನ ನಾಡು ಮಲಗಿದ ರಾತ್ರಿಯಲಿ

ಮಧ್ಯರಾತ್ರಿದಟ್ಟ ಕಾರಿರುಳಲಿ ನಿರೀಕ್ಷೆಯಲಿ

ಕಟ್ಟುತಿಹ ಹೊಸ ಮನೆಯ ಮುಂಭಾಗದಲಿ

ಅದೇನೋ ಹೊಡೆದಾಟ ಕೂಗಾಟದ ಸದ್ದು....

ಮತ್ತಿನಲಿದ್ದ ಇಬ್ಬರು ಅವಾಚ್ಯ ಯುದ್ಧದಲಿ

ಕೈ-ಕೈಯ ಮಿಗಿಲಾಯಿಸಿ ಘೋರ ಜಗಳದಲಿ

ಸಿಕ್ಕಿದ್ದರಲೇ ಪರಸ್ಪರ ಹಾರಾಟ ಹೊಡೆದಾಟ;

ದಾರಿ ಹೋಕರು ಸಂಬಂಧವಿರದಂತೆ ಓಡಾಟ....

ಬಾಗಿಲ ತೆಗೆದು ಆ ಭಯಾನಕ ದೃಶ್ಯ ನೋಡೆ

ವಿಶ್ವ ಮಾನವ ಪ್ರಜ್ಞೆ ಎನ್ನಲಿ ಜಾಗೃತಗೊಂಡು:

ಬಳಿಸಾರಿ ಘರ್ಜಿಸಿ ; ಆರಕ್ಷಕರನು ನೆನಪಿಸಿ

ಘೋರ ಸಾವಿನ ಹೊಡೆದಾಟವ ನಿಲ್ಲಿಸಿದೆನಲ್ಲ!

ಇಂದು ನಡೆಯುತಿರುವ ಉಕ್ರೇನ್-ರಷ್ಯಾಗಳ

ರಣ ಘೋರ ಯುದ್ಧ; ಎಲ್ಲರ ತಟಸ್ಥ ವೀಕ್ಷಣೆ!

ವಿಶ್ವ ರಾಷ್ಟ್ರ ಪ್ರಜ್ಞೆ ಯಾರಲೂ ಕಾಣುತಿಲ್ಲವೇ

ವಿನಾಶವನು ನೋಡುತಲಿ ಎಲ್ಲರ ಕಾಲಹರಣ!

ಖಂಡಿತ ಮೂರನೇ ಮಹಾಯುದ್ಧಕೆ ಹೋಗದಿರಿ

ಎಲ್ಲಾ ರಾಷ್ಟ್ರನಾಯಕರೇ: ಶಾಂತಿ ಧ್ವಜವ ಹಿಡಿದು

ರಷ್ಯಾದೊಳಗೆ ಒಮ್ಮೆಗೇ ನೀವೆಲ್ಲರೂ ನುಗ್ಗಿ ಬಿಡಿ

ಪ್ರಾಣ-ದೇಶದ ರಕ್ಷಣೆಯನು ನೀವು ಮಾಡಿ ಬಿಡಿ!

ದಯವಿಟ್ಟು...  ವಿಶ್ವ ರಾಷ್ಟ್ರ ಪ್ರಜ್ಞೆಯನು ಬಡಿದೆಬ್ಬಿಸಿ ಬಿಡಿ!!

 -ಕೆ ನಟರಾಜ್, ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ