ಹೊಸ ವರುಷವೆ ಬಾ ಹೊಸ ಹಸೆಗೆ ...
ಕವನ
ಹೊಸ ವರುಷವೆ ಬಾ
ಹೊಸ ಹಸೆಗೆ ...
ಹರಿಯಲಿ ಗಾನ ಸಂತಸ ತಾನ
ಸುಖ ಸುಮ್ಮಾನ ದಿಶೆ ದಿಶೆಗೆ ;
ಬಾಳಲಿ ತುಂಬಿದೆ ಬರಿ ನೋವು
ತರದಿರು ಮತ್ತೆ ಕಹಿ ಬೇವು;
ಮನ ಮನಗಳಲಿನ ಕತ್ತಲು ತೊಲಗಲಿ
ಹೂವಿನ ಪರಿಯಲಿ ಜೀವನವರಳಲಿ
ಜೀವಕೆ ಬೇಕು ಸಿಹಿ ಮಾವು...
ಹಸಿರಾಡಲಿ ನೆಲ ಹರಿದಾಡಲಿ ಜಲ
ವರುಷ ಪೂರ್ತಿ ಸುಖವಿರಲಿ ಜನ;
ದ್ವೇಷದ ಛಲದುರಿಯಲಿ ಬೆಂದಿದೆ ನೆಲ
ಒಲವು ಮೂಡಿಸುವ ವೃಷ್ಟಿಯಾಗಿಸು
ಸಂತುಷ್ಟವಾಗಲಿ ಸಕಲಮನ...
-ಮಾಲು
- Log in to post comments