ಅಂಚಿನ ಜೀವನ

ಕತ್ತಲು ಬೆಳಕುಗಳ ನಡುವೆ ಜೀವನ
ದುಖಃ ಸುಖಗಳ ಸಮ್ಮಿಶ್ರಣ
ಸಾವು ಬದುಕುಗಳ ನಡುವಿನ ಪಯಣ
ಮಿಂಚಿ ಮರೆಯಾಗುವ ಯೌವನ
ಭೋಗ ಯೋಗಗಳ ಅಂಚಿನ ಸಮನ್ವಯ
ಪ್ರಕೃತಿಗೊಂದಿಹ ಮೈ ಮನ
ಎಚ್ಚರು ನಿದ್ರೆಗಳಲಿ ಹಂಚುತ ಪ್ರತಿದಿನ
ಸಾಗುತ ಬಹುದೂರದ ಪಯಣ

ನನ್ನವರೆನ್ನುವ ಬೆಚ್ಚನೆ ಭಾವನೆ
ತಿಳಿಯದೆ ನಿರ್ಮಿತ ಭಾಂದವ್ಯದ ಬೆಸುಗೆ
ಕತ್ತಲೆ ಅಂಚಿನ ಬೆಳಗಿನ ಕಿರುನಗೆ
ಬೆಳಕೊಳು ಹೊಕ್ಕಿಹ ನೆರಳುಗತ್ತಲೆ
ನಮ್ಮೊಳಗಿಹ ನಿಮ್ಮನು ಅರಿಯದೆ
ಕತ್ತಲು ಬೆಳಕೊಳು ನಡೆಸುತ ಜೀವನ
ದುಖಃ ಸುಖಗಳ ಸಮ್ಮಿಲನ