ಅದೆಷ್ಟು ಕಷ್ಟವೇ ಸಖಿ............!

ಅದೆಷ್ಟು ಕಷ್ಟವೇ ಸಖಿ ನಿನ್ನ ಮರೆಯಲು!
ಅದೆಷ್ಟು ಸುಲಭ ಉಡಾಫೆಯ ಮಾತಾಡಲು!

ಮರೆತೇನೆ೦ದರೆ ನೀನದೆಲ್ಲಿ ಹಾರಿ ಹೋದೆ ?
ತಿರುಗಿದರೆ ಇರುವೆ ನೆರಳಿ೦ತೆ ನನ್ನ ಹಿ೦ದೆ ಹಿ೦ದೆ!

ಬದುಕುವೆನೆ೦ದೆ ಸಾಗರವನೇಕ ದಾಟಿ ದೂರದಲ್ಲಿ!
ಬದುಕಿದರೂ ಅಲ್ಲಿ ಚಿಗುರಿರುವೆಯಲ್ಲೇ ಇಲ್ಲಿ ಈ ಮನದಲ್ಲಿ!

ನೀನಿನ್ನದೆ೦ಥ ತು೦ಟಿಯೇ,  ಸರಿ ದೂರ ನನ್ನಿ೦ದ
ಮುಕ್ತಿ ಬೇಕಿದೆ ನನಗೆ ನಿನ್ನಿ೦ದ ನಿನ್ನ ನಿನಪುಗಳಿ೦ದ!

ನೀ ಸರಿಯದಿದ್ದರೇನು ನಾ ನಟಿಸಬಲ್ಲೆ ನಿನ್ನ ಮರೆತ೦ತೆ
ಆದರೆ ಮಿಡಿಯುವ ಹೃದಯ ನಿ೦ತೀತು ನಾ ಮರೆತ೦ದು ನಿನ್ನ!!!!!!