ಉಡುಪಿ: ಮತ್ತಷ್ಟು ಚಿತ್ರಗಳು

ಉಡುಪಿಯ ಮತ್ತಷ್ಟು ಚಿತ್ರಗಳು - ಡಿಸೆಂಬರ್ ಆರ್ಕೈವಿನಿಂದ:

ಮಠಗಳ ಫೋಟೋ ಹೊಡೆಯುತ್ತ ಉತ್ತರಾದಿ ಮಠಕ್ಕೆ ಬಂದಾಗ ಅದೇನೋ ಒಳ ಹೋಗಿ ಒಂದೆರಡು ಫೋಟೋ ಹೊಡೆಯೋಣ ಅನ್ನಿಸಿತು. ಉತ್ತರಾದಿ ಮಠದಲ್ಲಿ ನಮ್ಮ ಅಜ್ಜ ಡ್ರೈವರ್ ಆಗಿದ್ದರಂತೆ. ಹೀಗಾಗಿ ಯಾವ ಮಠ ಇದು ಎನ್ನುವ ಕುತೂಹಲವಿತ್ತು.

ಅಲ್ಲಿತ್ತು ಈ ಕರು.

ಕನಕ ಗೋಪುರ. ವಿವಾದಗಳ ಸುಳಿಯಲ್ಲಿ ಸಿಕ್ಕಿಹಾಕಿಕೊಂಡಿತ್ತು ಅಂತ ಅಶೋಕ್ ಹೇಳುತ್ತಿದ್ದರು. 

ಉಡುಪಿಯ ತೇರು (ತೇರು ಅಂತಾರೆ ತಾನೆ ಅಲ್ಲೂ?)

ಈ ಫೋಟೋ ತೆಗೆಯೋಕೆ ಬಹಳ ಕಷ್ಟ ಆಯ್ತು. ಹಿಂದೆ ಗಮನಿಸಿ ನೋಡಿ, ಶೌಚಾಲಯದ ಬೋರ್ಡು ಕೂಡ ಬಂದುಬಿಟ್ಟಿದೆ! ಅದು ಕಾಣದಂತೆ ಮಾಡಬೇಕೆಂದು ಫೋಕಸ್ ಮೂಲಕ ಪ್ರಯತ್ನಿಸಿದೆ... ಮುಂದಿರುವ ಕಲ್ಲು ಬ್ಲರ್ ಆಯ್ತು. ಹಿಂದೆ ಸೌಧೆಗಳನ್ನು ಒಟ್ಟುಗೂಡಿಸಿ ರಥದಂತೆ ಮಾಡಿರುವುದೂ ಫೋಟೋನಲ್ಲಿ ಬರಬೇಕು! ಅರೆ, ಎಂಥ ಮಾಡೋದು? ಹಾಗೇ ಕ್ಲಿಕ್ಕಿಸಿದೆ! 

ಕೊನೆಗೂ ಸ್ವಲ್ಪ ರಿಫ್ಲೆಕ್ಷನ್ ಕಟ್ ಆಗಿ ಹೋಯ್ತು. ಫ್ರೇಮ್ ಸ್ವಲ್ಪ ಕೆಳಗೆ ಇಟ್ಟುಕೊಂಡಿದ್ದರೆ ಚೆನ್ನಾಗಿರುತ್ತಿತ್ತು. 

ಸಾಗದ ದೋಣಿ. ಆ ದಿನ ಉಡುಪಿಯಲ್ಲಿ ತೆಗೆದ ಎಲ್ಲ ಫೋಟೋಗಳಲ್ಲಿ ನನಗೆ ಬಹಳ ಇಷ್ಟವಾದ ಫೋಟೋ ಇದು. 

ಸರಿ, ಕೆಳಗಿನ ಫೋಟೋದಲ್ಲಿ ಇರೋದು ಏನು ಅಂತ ಹೇಳ್ತೀರ? ನನಗಂತೂ ಈ ಫೋಟೋ ಹೊಡೆದಾಗ ಅದು ಹೊಸತು!