ಕರಗಿಹೋಗಲಿ ನಿರಾಶೆಯ ಕಾರ್ಮೋಡ

ಮತ್ತೆ ಹುಟ್ಟಿಬರಲಿ ನವಜೀವನೋತ್ಸಾಹ
ಕರಗಿಹೋಗಲಿ ನಿರಾಶೆಯ ಕಾರ್ಮೋಡ

ಆಗದೆಂದೆನುವ ಮಾತು ನೀನಾಡಬೇಡ
ನೀ ಮಾಡದ ಹೊರತು ಸಾಗದು ಕೆಲಸನೋಡ

ನಿನ್ನ ಕನಸುಗಳಿಂದು ಗರಿಬಿಚ್ಚಿ ಹಾರಲಿ
ಕೀಳುರಿಮೆಯ ಕೊಳೆ ತೊಳೆದುಹೊಗಲಿ

ಮುಂದೆಸಾಗಲಿ ಹೀಗೆ ಗುರಿಯೆಡಗೆ ಪಯಣ
ತಿರುಗಿ ನೋಡದಿರು ಹಿಂದೆ,ನಡೆ ಮತ್ತದೇ ಪಯಣ

ಸೋಲಿನಲಿ ಗೆಲುವಿನಲಿ ಆ ದೇವ ಜೊತೆಗುಂಟು
ಚಿಂತೆಯಾಕಿನ್ನು ಬಿಡು, ಮನಕುಗ್ಗಿಸುವ ಮಾತು

ಗುರಿ ತಲುಪುವ ಭರದಿ ಗುರಿಯೆಡೆಗೆ ಸಾಗು
ಬೀಳುಗಳ ಕಡೆಗಣಿಸಿ ಮುನ್ನುಗ್ಗಬೇಕು

ಹಾಕು ಹೆಜ್ಜೆಯ ಹಾಕು,ಹುಟ್ಟಿಬರಲಿ ನವಜೀವನೋತ್ಸಾಹ
ಕರಗಿಹೋಗಲಿ ನಿರಾಶೆಯ ಕಾರ್ಮೋಡ.

********************
ಎಮ್.ಡಿ.ಎನ್.ಪ್ರಭಾಕರ
********************