ಕುಡಿಯುವ ನೀರಿನ ಖಾಸಗೀಕರಣ -ವಿಶ್ವ ಬ್ಯಾಂಕ್ ತಾಳಕ್ಕೆ ತಕ್ಕ ಹಾಗೆ ಕುಣಿತ .. ;((

ಬಹಳ ದಿನಗಳಿಂದ ನಮ್ಮ ಸಪ್ತಗಿರಿವಾಸಿಯ ಲೇಖನವಿಲ್ಲ ಎಂದು ಆಲೋಚಿಸುವಾಗಲೇ "ಸದ್ದಿಲ್ಲದ ಸುದ್ದಿ"ಯೊಂದಿಗೆ ಪ್ರತ್ಯಕ್ಷರಾಗಿದ್ದಾರೆ. ಪ್ರೈವೆಟ್‌ನವರು ಬಂದು "ಮೊಬೈಲ್ ರಂಗದಲ್ಲಿ ಕ್ರಾಂತಿ"ಯೇ ಆಯ್ತು, ಕುಡಿಯುವ ನೀರಿನ ವಿಷಯದಲ್ಲೂ ಕ್ರಾಂತಿಯಾಗಲಿದೆ ಎಂದು ಈ ಬುದ್ಧಿವಂತರು ತಿಳಿದಿದ್ದಾರೆ ಕಾಣುತ್ತದೆ. ನೀರಿನ ವಿಷಯದಲ್ಲಿ ಒಬ್ಬಳೇ ’ಜಯಲಲಿತಾ’ ನಮ್ಮನ್ನು ಹೇಗೆ ಆಡಿಸಿದಳು! ರಕ್ತ ಕೊಟ್ಟೇವು ನೀರು ಬಿಡೆವು ಎಂದವರೆಲ್ಲಾ ಎಲ್ಲಿ ಹೋದರು? ಪುಣ್ಯಕ್ಕೆ ಮಳೆ ಬಂದು ಬದುಕಿಕೊಂಡೆವು. ಇನ್ನು ನೀರಿನ ವಿಷಯಕ್ಕೆ ಈ ಕಾರ್ಪೊರೇಟ್ ಮಂದಿ ಕಾಲಿಟ್ಟರೆ ಕೆರೆ ನದಿ ಎಲ್ಲದಕ್ಕೂ ಬೇಲಿ ಹಾಕಲಿದ್ದಾರೆ. ಹೇಗೆ ಬಡ ರೈತರ ಗದ್ದೆ ತೋಟಗಳನ್ನು ರೋಡ್, ಗಣಿ, ಸೈಟು ಮಾಫಿಯಾ ವಶಪಡಿಸಿಕೊಳ್ಳುತ್ತಿವೆಯೋ ಹಾಗೇ ಮುಂದೆ ನಿಮ್ಮ ನಿಮ್ಮ ಮನೆ ಬಾವಿ ಬೋರ್ವೆಲ್‌ಗಳನ್ನೂ ವಶಪಡಿಸಿ ಬೀಗ ಹಾಕಲಿದ್ದಾರೆ. ಒಂದೋ ವಿರೋಧಿಸಬೇಕು, ಇಲ್ಲಾ ಚಾತಕ ಪಕ್ಷಿಯಂತೆ ಮಳೆನೀರಿಗೆ ಆಕಾಶಕ್ಕೆ ಬಾಯಿತೆರೆದು ಕುಳಿತುಕೊಳ್ಳಬೇಕು.