ಚರ್ಚೆ-ಸಂಧಾನ

"ನಮಿತ ನಿಂಗೆ ಎಷ್ಟು ಸಲ ಹೇಳಿದ್ದೇನೆ ನಂಗೆ ಈ ಬ್ರೆದ್ ಜಾಮ್ ತಿನ್ನೋಕೆ ಇಷ್ಟ ಇಲ್ಲ ಅಂತ . ಯಾಕೆ ಬೆಳಗೆ ಹೊತ್ತು ಬೇರೇನಾದರೂ ಮಾಡಿ ಕೊಡ್ಬಾರದಾ?" ಜೋರು ದನಿ

"ಗಿರಿ ನಿಂಗೆ ಗೊತ್ತಿದೆ ನನ್ನ ಸ್ಟೇಜ್ ಏನು ಅಂತ ಹಾಗಿದ್ದ್ದರೂ ಕೇಳ್ತೀಯಲ್ಲ. ನಿಂಗೆ ತಿಂಡಿ, ಪಾಪುಗೆ ರೆಡಿ ಮಾಡಿ ಕಳಿಸೋಷ್ಟರಲ್ಲಿ ಸಾಕು ಸಾಕಾಗಿ ಹೋಗುತ್ತೆ ನಾನೇನು ಸುಮ್ಮನೆ ಇರ್ತೀನಾ. 9 ಘಂಟೆಗೆ ಆಫ್ಹೀಸ್ನಲ್ಲಿ ಸೈನ್ ಇನ್ ಮಾಡಿಲ್ಲ ಅಂದರೆ ಎಷ್ಟು ಕಷ್ಟ ಗೊತ್ತಾ."

" ಅದಕ್ಕೆ ನಾನು ಹೇಳೋದು ಸುಮ್ಮನೆ ಕೆಲಸ ಬಿಟ್ಟು ಬಿಡು. ನಾನು ದುಡಿದು ತಂದು ಹಾಕೋದೇ ಬೇಕಾದಷ್ಟು ಆಗುತ್ತೆ."

"ಆ ಮಾತನ್ನ ವಾಪಸ್ ತಗೋ . ನಾನು ನಿನ್ನ ಮದುವೆ ಆಗೋಕಿಂತ ಮುಂಚೆ ಕೆಲಸದಲ್ಲಿ ಇದೀನಿ . ಇನ್‌ಫ್ಯಾಕ್ಟ್, ನೀನು ನನ್ನ ಮದುವೆಯಾದದ್ದೇ ನಾನು ಕೆಲಸದಲ್ಲಿ ಇದೀನಿ ಅಂತ. ನಾನು ಏನು ಮಾಡಿದ್ರ್ರೂ ಕೆಲಸ ಬಿಡಲ್ಲ. ಈಗಲೆ ಇಷ್ಟೊಂದು ದಬ್ಬಾಳಿಕೆ ನಡೆಸ್ತೀಯ. ಆಮೇಲಷ್ಟೆ"

" ನಮಿ ಅವಾಗಿನ ಪರಿಸ್ತಿತಿ ಹಾಗಿತ್ತು. ಇವಾಗ ನಮಗೇನು ಕಡಿಮೆಯಾಗಿದೆ ಹೇಳು.ಹಣ ಇದೆ . ನೆಮ್ಮದಿ ಒಂದೆ ನಮಗೀಗ ಬೇಕಿರೋದು.
ಜಾಬ್ ರೆಸೈನ್ ಮಾಡಿಬಿಡು. "

"ಬೇಕಿದ್ರೆ ನೀನೆ ಕೆಲಸ ಬಿಟ್ಟುಬಿಡು. ನಾನೆ ದುಡಿದು ತಂದು ಹಾಕುತ್ತೇನೆ . ನೀನು ಮನೇಲಿದ್ದು ರುಚಿರುಚಿಯಾಗಿ ಅಡಿಗೆ ಮಾಡ್ಕೊಂಡು ಪಾಪುನ ನೋಡಿಕೊಂಡು ಹಾಯಾಗಿರು"

"ಎಂಥ ಮಾತಾಡ್ತೀಯ ನೀನು. ನೋಡು ನಮಿತ ನಾನು ನಿನ್ನ ಒಳ್ಳೆದಕ್ಕೆ ಹೇಳ್ತೀನಿ. ಮುಂದೆ ಇದು ತುಂಬ ಕಷ್ಟ ಆಗುತ್ತೆ."

"ಏನು ಬ್ಲಾಕ್ ಮೇಲ್ ಮಾಡ್ತೀಯ . ನಾನು ಎಲ್ಲಾದಕ್ಕೂ ರೆಡಿ . ಈಗಲೆ ಹೇಳಿಬಿಡು ನಿನ್ನ ಮನಸಿನಲ್ಲಿ ಏನಿದೆ ಅಂತ . ನಾನು ಲಾಯರ್ ನ ನೋಡ್ತೀನಿ"

" ಇಷ್ಟು ದೂರ ಯಾಕೆ ಮಾತಾಡ್ತೀಯ. ನಾನೆಲಿ ಹಾಗೆ ಹೇಳಿದ"

" ಬೇಡ ನಂಗೆ ಏನೂ ಬೇಡ................................ ನನ್ನನ್ನ ಮುಟ್ಭೆಡ......................... ಮೊದಲು ನಂಗೆ ಡೈವೋರ್ಸ್ ಬೇಕು"

"ಸರಿ ನಿನ್ ಆಸೆ ಏನಿದ್ಯೊ ಹಾಗೆ ಆಗಲಿ"

"ಆಯ್ತು ಬಿಡು"

ಸ್ವಲ್ಪ ಹೊತ್ತು ಮುಸಿ ಮುಸಿ ಅಳು

ಕೊಂಚ ಹೊತ್ತಿನ ನಂತರ

" ನಮಿ ಸ್ವಲ್ಪ ಕಾಫಿ ಕೊಡೆ. ತುಂಬಾ ತಲೆ ನೋವ್ತಿದೆ"

"............" ಮೌನ

" ಪ್ಲೀಸ್ ಕಣೇ. "

"-------" ಮೌನ

" ಅಮ್ಮಾ ತುಂಬಾ ತಲೆ ನೋವು. ಅಮ್ಮನ್ನ ಕರೆಸಿಕೊಳ್ಖ್‌ಬೇಕು"

" ಅತ್ತೆನ್ ಯಾಕೆ ಕರೆಸಿಕೊಳ್ತೀಯ. "

" ಮತ್ತೆ ನೀನು ಬಿಟ್ಟು ಹೋದರೆ ಯಾರಿದಾರೆ ನಂಗೆ"

"ಯಾಕೆ ಮತ್ತೆ ಬೇರೆ ಮದುವೆ ಯಾಗಬಹುದಲ್ಲವಾ?"

" ಬರೋರು ನಿನ್ನ ಥರ ಇರಲ್ಲವಲ್ಲಾ "

" ........ " ಮೌನ

"ಸಾರಿ ನಮಿತಾ"

"---------" ಮೌನ

"ಸಾರಿ ಕಣೆ"

"ಹೋಗಲಿ ಬಿಡು ನಿಂಗೆ ಕಾಫಿ ತಾನೆ ಕೊಡ್ತೀನಿ"

"ಆಮೇಲೆ"

" ನಿಂಗೆ ನವರತ್ನ ಪಲಾವ್ ಮಾಡಿಕೊಡ್ತೀನಿ ಆಯ್ತಾ"

"ಆಮೇಲೆ"

"ಅಮೇಲಿನ ಎಲ್ಲಾನು ಆಮೇಲೆ"

ಅರ್ಥಗರ್ಭಿತ ನಗುವಿನ ಅಲೆ