ಜೀವಕಳೆಯ ನಿರೀಕ್ಷೆಯಲ್ಲಿ ನಿರಂತರ....

              ನಾನು ಬೋಳುಮರ ನಿಂತಿದ್ದೇನೆ ಬರಿದಾಗಿ

               ಆಗಸಕೆ ಮುಖಮಾಡಿ ಬೆತ್ತಲೆಯಾಗಿ 

               ಸವೆಸಿದ ವಸಂತಗಳ ಸಾಕ್ಷಿಯಾಗಿ .....

               ಬರಡಾಗಿ, ಬೆಂಡಾಗಿ, ಬಸವಳಿದು 

               ಕವಿಯ ಕಲ್ಪನೆಗೆ ಸ್ಪೂರ್ತಿಯಾಗದ

               ಕಲಾವಿದನ ಕುಂಚದಲ್ಲಿ  ಬಣ್ಣ ಮುಡಿಸದ 

              ಪಕ್ಷಿಸಂಕುಲಕ್ಕೆ ನೆಲೆಯಾಗದ ದುರ್ದೈವಿಯಾಗಿ ....

                ಅಕ್ಕರೆಯ  ಮಾತಿಲ್ಲ ,

                ಸಕ್ಕರೆಯ ನಗುವಿಲ್ಲ 

                ಹಕ್ಕಿಗಳ ಚಿಲಿಪಿಲಿಯಿಲ್ಲ 

                 ಹಸಿರ ಉಸಿರೇ ಇಲ್ಲ ....

                 ಜೀವಕಳೆಯ  ನಿರೀಕ್ಷೆಯಲ್ಲಿದ್ದೇನೆ 

                ಮತ್ತೊಮ್ಮೆ ಮಗದೊಮ್ಮೆ ಬರುವ ವಸಂತನಿಗಾಗಿ 

                 ಕಾಯುತ್ತಿರುತ್ತೇನೆ  ಹಸಿರ ಉಸಿರಿಗೆ,ಇನಿದನಿಗೆ ನಿರಂತರ...... 

                       ಕಮಲಬೆಲಗೂರ್