ಡೈರಿ :: ಭಾಗ- 3

೯
ದಾಮೋದರ್ ಅವರಿಂದ ವಿಷಯ ತಿಳಿದ ನಂತರ ಅವಳೇ ನನ್ನ ಸಹನಾ ಅಂತ ಖಾತ್ರಿ ಆಯಿತು, ಮುಂದೆ ಅವಳ ಅಂತರಾಳದ ಮಾತು ತಿಳಿಯುವ ಕುತೂಹಲ ಇನ್ನೂ ಹೆಚ್ಚಾಯಿತು, ಮಡಚಿಟ್ಟ ಡೈರಿ ಪುನಃ ಕೈಗೆತ್ತಿಕೊಂಡೆ, ಜನವರಿ ೨೯ ರ ನಂತರ ನನಗೆ ಮುಂದಿನ ಕೆಲವು ದಿನ ಕೆಂಪು  ಮಾರ್ಕ್ ಕಾಣಲಿಲ್ಲ,ನಾನು ಇವಳಿಗೆ ಬರೇ ಒಂದೇ ದಿನದಲ್ಲಿ ಪ್ರೀತಿ ಕಮ್ಮಿ ಆಯಿತೇ ಅಂದು ಕೊಂಡೆ. ನನ್ನಲ್ಲೇ ನಾನು ಪ್ರಶ್ನಿಸಿದೆ ನಾನು ಆ ಫೆಬ್ರವರಿ ಯ ಮೊದಲ ವಾರ ಯಾಕೆ ಅವಳನ್ನು ಸಂಪರ್ಕಿಸಲಿಲ್ಲ..? ಆಗ ನನಗೆ ಇಂಟರ್ನಲ್ಸ್ ಇತ್ತು. ನಾನು ನನ್ನ ಓದಿನಲ್ಲಿ ಬ್ಯುಸಿ ಇದ್ದಾಗ ಇವಳ್ಯಾಕೆ ನನ್ನ ಬಗ್ಗೆ ಬೆರೆಯಲಿಲ್ಲ, ನಾನು ಇವಳನ್ನು ನೆನಪಿಸಿದ ದಿನವಷ್ಟೇ ಇವಳು ನನ್ನ ಆಲೋಚನೆ ಮಾಡುತ್ತಾಳೆಯೇ..?

ನನ್ನನ್ನು ಒಮ್ಮೆ ಬೇಟಿ ಯಾಗಿದ್ದೆ ಅಂದಿದ್ದಳು, ಎಲ್ಲಿ ಬೇಟಿ ಯಾಗಿರಬಹುದು? ಕಾಲೇಜ್ ಹುಡುಗಿ ಅಲ್ಲ ಅಂತ ಅವಳ ಆ ಮೆಸ್ಸೇಜ್ ನಿಂದ ತಿಳಿದ ಹಾಗೆಆಯಿತು, ಆದರೆ ನನ್ನ ಮತ್ತು ಅವಳ ಮೊದಲ ಬೆಟಿಯಲ್ಲೇ ಅವಳು ನನಗೆ ಮನಸ್ಸು ಕೊಟ್ಟಳೇ, ನಾನೂ ಆ ಬೇಟಿಯಲ್ಲಿ ಅವಳರೂಪ ರೇಖೆಗೆ ಮಾರಿಹೋಗಿದ್ದರು ಇರಬಹುದು, ಆದರೆ ಆ ಬೇಟಿ ಎಲ್ಲಿ ಆಗಿರ ಬಹುದು..? ಅವಳು ತನ್ನ ಗೆಳತಿ ಸ್ನೇಹಾ ಅಂತಿದ್ದಾಳೆ, ಆ ಸ್ನೇಹಾ ಯಾರಿರಬಹುದು..? ನನ್ನ ಅತ್ತೆ ಮಗಳಿರಬಹುದೇ ..? ಅವಳಾಗಿರಲು ಸಾಧ್ಯ ವಿಲ್ಲ, ಏಕೆಂದರೆ ನಾನೂ ತುಂಬಾ ಹಿಂದೇನೆ ಅವಳನ್ನು ನಿರಾಕರಿಸಿದ್ದೆ. ಕಾಲೇಜ್ ನಲ್ಲಿ ನಮ್ಮ  ಜೂನಿಯರ್ ಆಗಿರಬಹುದೇ ...? ಇಲ್ಲ ಇದು ಆ  ಸ್ನೇಹಾ ಆಗಿದ್ದರೆ ಅವಳು ನನ್ನನ್ನು ದಿನ ನೋಡುತಿದ್ದಳು, ಹೀಗೆ ಒಂದು ಬೇಟಿಗಾಗಿ ಮಂಗಳೂರಿನ ಬಸ್ ಸ್ಟಾಪ್ ನಲ್ಲಿ ನನ್ನನ್ನು ಕಾಯುತಿರಲಿಲ್ಲ.ಮತ್ತೆ ಕೆಲವು ತಿಂಗಳಿಂದ ನನ್ನ ಆರ್ಕುಟ್ ನಲ್ಲಿ ಗೆಳತಿಯಾದ ದಿನಕ್ಕೆ ೧ ಗಂಟೆ online chaat ಮಾಡುವ ಮೈಸೂರಿನ ಸ್ನೇಹಾ ನಾ...? ಅಲ್ಲಾ ಅವಳೂ ಅಲ್ಲ ಮೈಸೂರಿನ ಸ್ನೇಹಾ ಆಗಿದ್ದರೆ ಮೈಸೂರು ಸುತ್ತಲು ಯಾಕೆ ಹೋಗುತಿದ್ದಳು...

ಯಾರಿರಬಹುದು ನನ್ನ ಸಹನಾ ..? ಅವಳ ಗೆಳತಿ ಆ ಸ್ನೇಹಾ   ..? ನನ್ನನ್ನು ಕಳಕೊಳ್ಳುತ್ತೇನೆ ಎನ್ನುವ ಭಯ ಅವಳಲ್ಲಿ ಮೂಡಿದ್ದಾದರು ಯಾಕೆ ..?ನನಗರಿವಿಲ್ಲದಂತೆ ನನ್ನನ್ನು ಪ್ರಿತಿಸುತ್ತಿರುವ ಸ್ನೇಹಾಳಾದರು ಯಾರು ...?ಎಂಬೆಲ್ಲಾ ಪ್ರಶ್ನೆ ನನ್ನಲ್ಲಿ ಕಾಡಲಾರಂಬಿಸಿದವು.ಅವಳ ಬಗೆಗಿನ ಕಾತುರ ಇನ್ನೂ ಹೆಚ್ಚ ತೊಡಗಿತು, ಅವಳ ದೈನಂದಿನ ದಿನಚರಿ ಓದಲು ಈಗ ಮನಸಿರಲಿಲ್ಲ, ಮುಂದಿನ ಕೆಂಪು ಮಾರ್ಕ್ ಮಾಡಿರುವ ಪುಟಕ್ಕಾಗಿ ನಾನೂ ಪುಟ ತಿರುವುತಲಿದ್ದೆ, ನಡುವಲ್ಲಿ ಪ್ರತಿದಿನದ ಕೆಳಗೆ ಅವಳು "ನೀನು ನನ್ನಿಂದ ದೂರವಾಗುತ್ತ ಇದ್ದಿಯಾ ...?" ಎಂದು ಕೆಂಪಿನ ಶಾಯಿಯಲ್ಲಿ ಬರೆದಿದ್ದಳು,ಕೆಂಪು ಬಣ್ಣದಲ್ಲಿ ಇದ್ದುದರಿಂದ ನನಗೆ ನೇ ಆ ಮಾತು ಅಂದಂತಿತ್ತು , ನನಗೂ ಅವಳಿಂದ ನಿಜವಾಗಲು ದೂರವಾದಂತಾಯಿತು. ಕೊನೆಗೆ ಕೆಂಪು ಬಣ್ಣದಿಂದ ಮಾರ್ಕ್ ಮಾಡಿರುವ ದಿನ ಕಣ್ಣಿಗೆ ಬಿತ್ತು.



೧೦

"ಫೆಬ್ರವರಿ ೧೩ "
ಗೆಳತಿ ಸ್ನೇಹಾ ಳ ಹುಟ್ಟಿದ ಹಬ್ಬ, ತುಂಬಾ ಖುಷಿಯಲ್ಲಿದ್ದಳು, ಬೆಳಗ್ಗಿನಿಂದ ಒಬ್ಬರ ಹಿಂದೆ ಒಬ್ಬರು ಅವಳಿಗೆ ಕರೆ ಮಾಡುತಿದ್ದರು, ಅರ್ಧ ನಗೆಯಲ್ಲೇ ಅವರೆಲ್ಲರಿಗೂ ಉತ್ತರಿಸುತಿದ್ದಳು, ಪ್ರತಿ ಬಾರಿಯು ಕರೆ ಬಂದಾಗ ಹೆಸರು ನೋಡಿ ನಿರಾಶೆ ಪಡುತಿದ್ದಳು, ಅವಳೂ ತನ್ನ ಮಾವನ ಮಗನಾದ ನನ್ನ ಪ್ರಿಯಕರ ನಿಂದ ಮೊದಲ ಶುಭಾಷಯ ಪಡೆಯಬೇಕು ಎಂದು ಕೊಂಡಿದ್ದಳು, ಆದರೆ ಅವ ನನ್ನದೇ ಆಲೋಚನೆಯಲ್ಲಿ ತುಂಬಿರುವಂತೆ ಕಾಣುತಿತ್ತು, ಮದ್ಯಾಹ್ನ ಕಾಲೇಜ್ ನಲ್ಲಿ ಕೂತು ಕೊಳ್ಳಲು ಅವಳಿಗೆ ಮನಸಿರಲಿಲ್ಲ, ರೂಂ ಗೆ ಬಂದಿದ್ದಳು.
ನಾನೂ ನನ್ನ ಪ್ರಕ್ಟಿಕಾಲ್ ಮುಗಿಸಿ ರೂಂಗೆ ಬಂದಾಗ, ಜನ್ಮ ದಿನದ ಸಡಗರ ಬಿಟ್ಟು ಮನಸ್ಸಿನ್ನಲ್ಲೇ ಬಿಕ್ಕಿ ಬಿಕ್ಕಿ ಅಳುತಿದ್ದಳು, ಅವಳ ಈ ಪರಿ ನೋಡಿ ನನಗೆ ನಾನೂ ಮಾಡಿದ್ದು ತಪ್ಪು, ಯಾಕಾದರೂ ನಾನೂ ಅವನಿಗೆ ಮೆಸ್ಸೇಜ್  ಮಾಡಿದೆ, ಒಂದು ಕ್ಷಣ ಅಂದು ನನ್ನ ಮನಸು ಹಿಡಿತಲ್ಲಿದ್ದರೆ ನಾನೂ ಸ್ನೇಹಾ ಳ  ಇಂದಿನ ಈ ಅವತಾರಕ್ಕೆ ಕಾರಣ ನಾಗಿರುತಿರಲಿಲ್ಲ ಎಂದು ನನಗೆ ನನ್ನಲ್ಲೇ ದ್ವೇಷ ಹುಟ್ಟಲಾರಂಬಿಸಿತು.

ಅವನಬಗ್ಗೆ ಚಿಂತಿಸಬೇಡ ಎಂದು ಬಾರಿ ಬಾರಿ ನಾನೂ ಮನಸ್ಸಿಗೆ ಹೇಳುತಿದ್ದರು ಈಗ ನನ್ನನ್ನು ಅವನ ಬಗ್ಗೆ ಚಿಂತಿಸದೆ ಇರದವುದು ಕಷ್ಟ ಎನ್ನುವಷ್ಟು ಅವ ನನಗೆ , ನನ್ನ ಮನಸ್ಸಿಗೆ ಹತ್ತಿರವಾಗಿದ್ದ, ಹೇಗೆ ಅವನಿಂದ ನಾ ದೂರವಾಗುವುದು...? ಅವನೂ ನನ್ನನ್ನು ಪ್ರಿತಿಸುತಿದ್ದ, ಆದರೆ ಇಲ್ಲಿ ಗೆಳತಿ ಸ್ನೇಹಾ ಅವನನ್ನು ತನ್ನ ಜೀವ ಕಿಂತ ಹೆಚ್ಚಾಗಿ ಪ್ರಿತಿಸುತಿದ್ದಳು ಎಂದು ಅವಳನ್ನು ಇಂದು ನೋಡಿದರೆಯೇ ತಿಳಿಯುತಿತ್ತು.

ಹಾಗೆ ಸರಿಯಿಲ್ಲದ ಮನಸ್ಸಿನೊಂದಿಗೆ ಮೊಬೈಲ್ ನಲ್ಲಿ ವಿರಹ ಗೀತೆ ಕೇಳುತ್ತಲೇ ಇದ್ದೆ, ಅವನೂ ತುಂಬಾ ದಿನದ ಬಳಿಕ ಇಂದು ಮೆಸ್ಸೇಜ್ ಗಳ ಹಿಂದೆ ಮೆಸ್ಸೇಜ್ ಕಳುಹಿಸುತ್ತಲೇ ಇದ್ದ, ಮನಸನ್ನು ಹಿಡಿತಲ್ಲಿ ಇಟ್ಟು ಕೊಂಡೆ, ಉತ್ತರಿಸಲು ಮನಸಾಗಲಿಲ್ಲ, ಅವನಿಂದ ಅವನಿಗರಿವಾಗದಂತೆ ದೂರ ಆಗುವ ಅಂದುಕೊಂಡೆ.ಇಲ್ಲಿ ಸ್ನೇಹಾ  
"ಶ್ರಾವಣಿ ಯಾಕೋ ಕಣೆ ಇಂದು ನನಗೆ ತುಂಬಾ ದುಖಃ ಅಗ್ತಾ ಇದೆ, ಮನಸು ಬಿಚ್ಚಿ ಕೂಗ ಬೇಕನಿಸುತ್ತಾ ಇದೆ,ಅವನಿಗೆ ನಾನೂ ಇಷ್ಟ ಇಲ್ಲ ಕಣೇ, ಅವ ನನ್ನನ್ನು ಸಂಪೂರ್ಣವಾಗಿಯೇ ಮರೆತಿದ್ದಾನೆ, ಯಾರ್ಯಾರಿಗೋ ಅವರ ಜನ್ಮ ದಿನದಂದು ರಾತ್ರಿಯ ೧೨ ಕ್ಕೆ ಕರೆ ಮಾಡುವ ಅವನು ಇನ್ನೂ ನನಗೆ ಕರೆ ಮಾಡಲಿಲ್ಲ , ಕಳೆದ ೨ ತಿಂಗಳಿಂದ ಮೆಸ್ಸೇಜ್ ಮಾಡುವುದನ್ನು ನಿಲ್ಲಿಸಿ ಬಿಟ್ಟಿದ್ದಾನೆ, ಅವನಿಲ್ಲದೆ ನಾನೂ ನನ್ನ ಜೀವನ ಕಲ್ಪಿಸುವುದೇ ಅಸಾದ್ಯ ನನಗೆ.... ಎರಡು ವರುಷದ ಹಿಂದೆ ನಾನೂ ಅವನಿಗೆ ನನ್ನ ಪ್ರೀತಿಯ ಕುರಿತು ಹೇಳಿದಾಗ ನನ್ನ ನಿರಾಕರಿಸಿದ್ದ , ಆದರೆ ಅನಂತರ ದಿನ ಕಳೆದಂತೆ ನಡ ನಡುವಲ್ಲಿ ಕಾಲ್ ಮಾಡುತಿದ್ದ, ದಿನಾ ನಾ ಕಳಿಹಿಸಿದ ಮೆಸ್ಸೇಜ್ ಗೆ ಉತ್ತರಿಸುತಿದ್ದ ... ಇದರಿಂದ ನಾನೂ ಅವ ನನಗೆ ಹತ್ತಿರವಾಗುತಿದ್ದಾನೆ ಎಂದು ಕೊಂಡಿದ್ದೆ , ಆದರೆ ೨ ತಿಂಗಳಿಂದ ಪುನಃ ನನ್ನ ಬಗ್ಗೆ ಅವನಿಗೆ ಅದ್ಯಾಕೋ ಆಲಸ್ಯ ಹೆಚ್ಚಾಯಿತೋ ನಾ ಕಾಣೆ ... ಒಬ್ಬ ವ್ಯಕ್ತಿಯನ್ನು ನಾವು ಪ್ರಿತಿಸಿದರೆ ಅವ ನಮ್ಮನ್ನು ಪ್ರಿತಿಸಿದರೆ ಅದೇ ನಿಜವಾದ ಸ್ವರ್ಗ ... ಆದರೆ ಇಲ್ಲಿ ಅವನಿಗೆ ನನ್ನ ಬಗ್ಗೆ ಅಂತಹ ಭಾವ ಹುಟ್ಟಲಿಲ್ಲ ಅಂತ ಕಾಣುತ್ತೆ ... ಅವನಿಗೆ ನನ್ನಲ್ಲಿ ಪ್ರೀತಿ ಬಲವಂತದಲ್ಲಿ ಹುಟ್ಟಿಸುವುದಾದರು ಹೇಗೆ ...? ನನಗಾಗಿ ಅವನು ಬೇರೆಯವರನ್ನು ಪ್ರೀತಿಸ ಬಾರದು ಎನ್ನುವ ಸ್ವಾರ್ಥ ನನ್ನಲ್ಲಿ ಯಾಕೋ ..."ಅಂದು ಗೊಳ್ಳನೆ ಅತ್ತಳು.

ನನಗೆ ಇದ ಕೇಳುತಿದ್ದಂತೆ, ನಾನೂ  ಅವನಿಂದ ದೂರ ಹೋಗುವುದೇ ಸೂಕ್ತ , ಎಂದೆನಿಸಿತು. ನಾನೂ ಅವನಿಗೆ ಪ್ರತಿಕ್ರಿಯಿಸಿಯೇ ಇರಲಿಲ್ಲ, ಅವನಿಗೆ ಆಗ ಅವನ ಹಳೆ ಪ್ರೇಯಸಿಯ ಜನ್ಮ ದಿನ ನೆನಪಿಗೆ ಬಂತು ಅಂತ ಕಾಣುತ್ತದೆ, ಸ್ನೇಹಾಳ ಮೊಬೈಲ್ ಗೆ ಅವ ಕರೆ ಕೊಟ್ಟಿದ್ದ, ಸ್ನೇಹಾ ಸ್ವರ್ಗವೇ ತನ್ನ ಪಾಲಿಗೆ ಬಂದಂತೆ ಸಂಭ್ರಮಿಸುತ್ತಿದ್ದಳು, ನನಗೂ ಅವನ ಸ್ವರ ಕೇಳಬೇಕು ಎಂದೆನಿಸಿತು. ನಾನೂ ಸ್ನೇಹಾಳಿಗೆ ಮೊಬೈಲ್ ಲೌಡ್ ಸ್ಪೀಕರ್ ಮೋಡ್ ಗೆ ಹಾಕು ಎಂದು ಸನ್ನೆ ಮಾಡಿದೆ, ಅವಳೂ ನನ್ನಲ್ಲಿ ಎಲ್ಲ ವಿಚಾರ ಹೇಳಿರುವುದರಿಂದ ಯಾವುದೇ ಮುಚ್ಚು ಮರೆ ಇಲ್ಲದೆ ಅದನ್ನು ಲೌಡ್ ಸ್ಪೀಕರ್ ಗೆ ತಿರುಗಿಸಿದಳು.