ನನ್ನ ಮಗ ರಾಮನಾಗಲಿಲ್ಲ - ಲಕ್ಷ್ಮೀಕಾಂತ ಇಟ್ನಾಳ

ನಮಸ್ಕಾರ ಲಕ್ಷ್ಮಿಕಾಂತ ಇಟ್ನಾಳರೆ,
ತೇತ್ರಾಯುಗ, ದ್ವಾಪರಯುಗದ ಕುದುರೆ ಹತ್ತಿಸಿ ಕೊನೆಗೆ ಕಲಿಯುಗಕ್ಕೆ ಕರೆತಂದು, ಮಗನೂ ರಾಮನಾಗಲಿಲ್ಲ ಅಂದುಬಿಟ್ಟಿರಿ. ನಮ್ಮಮ್ಮನಿಗೊ ನಾನೆ ರಾಮನಾಗಲಿಲ್ಲ ಅನ್ನೊ ಖೇದವಂತೆ!(ಮಗನ ವಿಷಯ ಬಿಡಿ, ರಾಮನಾಗದಿದ್ದರು ಸರಿ, ಕೌರವನಾಗದಿದ್ದರೆ ಸಾಕಪ್ಪ ಅಂತ ಬೇಡಿಕೊಳ್ಳುವ ಸ್ಥಿತಿ!). ಮಾತೃಭಾವದ ಒಳನೋವನ್ನು ಹೆತ್ತವರ ಮೂಕವೇದನೆಯನ್ನು ಕವನ ಚೆನ್ನಾಗಿ ಬಿಂಬಿಸಿದೆ, ಧನ್ಯವಾದಗಳು.
- ನಾಗೇಶ ಮೈಸೂರು, ಸಿಂಗಪುರದಿಂದ

ಇಟ್ನಾಳರೆ,
ರವಿ ಬೆಳೆಗರೆಯವರು ಮುಕ್ತ ಮುಕ್ತ ಧಾರವಾಹಿಯಲ್ಲಿ ಜಡ್ಜ್ ಪಾರ್ಟ್ ಮಾಡಿದ ವಿಷಯದ ಕುರಿತು ಸಾರ್ವಜನಿಕ ಸಭೆಯೊಂದರಲ್ಲಿ ಮಾಡುತ್ತಿದ್ದರು. ಆಗ ಅವರು ಹೇಳಿದ್ದು ಸ್ವಾರಸ್ಯಕರವಾಗಿದೆ. ಅವರಮ್ಮ ಅವರಿಗೆ ಹೇಳುತ್ತಿದ್ದಳಂತೆ, ರಾಮನ ಹಾಗಂತೂ ಆಗಲಿಲ್ಲ, ಕಡೇ ಪಕ್ಷ ನಾಟಕದಲ್ಲಿಯಾದರೂ ರಾಮನ ಪಾತ್ರ ಮಾಡು ಅದನ್ನಾದರೂ ನೋಡಿ ಖುಷಿ ಪಡ್ತೀನಿ ಅಂತ. ಹಾಗಾಗಿ ಈ ಒಳ್ಳೆಯ ಜಡ್ಜ್ ಪಾತ್ರವನ್ನು ನೋಡಿದ್ದರೆ ತನ್ನಮ್ಮ ಖುಷಿ ಪಡುತ್ತಿದ್ದಳು ಎಂದು ಹೇಳಿದ್ದರು. ಈ ಪ್ರಸಂಗವನ್ನು ನಿಮ್ಮ ವಿಚಾರ ಪ್ರಚೋದಕ ಕವಿತೆ ನೆನೆಪಿಸಿಕೊಳ್ಳುವಂತೆ ಮಾಡಿತು.

ಸುಂದರ ಭಾವ! ಮಾಯೆಯ ಆಟ, ಸಹವಾಸ ದೋಷದ ಕಾರಣಗಳು ಸಣ್ಣವೇನಲ್ಲ! ಉತ್ತಮ ಸಂಸ್ಕಾರ ನೀಡುವ ಶಿಕ್ಷಣದ ಕೊರತೆ ಪ್ರಮುಖ ಕಾರಣವಿರಬಹುದು! ಬಂದಾನು, ರಾಮ!!! ನಿರೀಕ್ಷಿಸೋಣ!

ಲಕ್ಷ್ಮೀಕಾಂತ ಇಟ್ನಾಳರಿಗೆ ವಂದನೆಗಳು

' ನನ್ನ ಮಗ ರಾಮನಾಗಲಿಲ್ಲ' ಒಂದು ಅದ್ಭತ ಸಾರ್ವಕಾಲಿಕ ಕವನ. ಈ ಜಗಕೆ ರಾಮನಿಗೆ ರಾಮನೆ ಸರಿಸಾಟಿ, ಆತನಿಗೆ ಸರಿ ಸಮಾನ ಮತ್ತೊಬ್ಬ ಜನಿಸಲಾರ. ಆದರೂ ' ನನ್ನ ಮಗ ರಾಮನಾಗಬೇಕೆಂಬ ನಿಮ್ಮ ಆಶಯ ' ಒಳ್ಳೆಯದೆ, ರಾಮನಾಗದಿದ್ದರೂ ಪರವಾ ಇಲ್ಲ, ಆದರೂ ಆ ದಿಶೆಗಿನ ಪ್ರಯತ್ನ ಸಮಾಜವನ್ನು ಸ್ವಾಸ್ಥ್ಯವಾಗಿಡುತ್ತದೆ. ತುಂಬ ಒಳ್ಳೆಯ ಕವನ ನೀಡಿದ್ದಿರಿ ಧನ್ಯವಾದಗಳು.