ನಮ್ಮೂರ ಸರಕಾರವೆಂದರೇ, ನಮ್ಮ ಗ್ರಾಮ ಪಂಚಾಯತಿ

ಗಾಂಧೀಜಿಯವರ ರಾಮ ರಾಜ್ಯ ಅಥವಾ ಗ್ರಾಮ ರಾಜ್ಯದ ಕನಸಿನಂತೆ ನಮ್ಮನ್ನಾಳುವ ಪ್ರಭುಗಳು ಎಂದು ಹೇಳುವ ಎರಡು ಹಂತದ ಸರಕಾರದ ಪ್ರತಿನಿಧಿಗಳಲ್ಲಿ ಕೆಲವು ಪ್ರಮಾಣಿಕರ ಪ್ರಯತ್ನದಿಂದ ಕೇಂದ್ರಿಕೃತವಾದ ಅಧಿಕಾರವನ್ನು ಸಂವಿಧಾನದ ತಿದ್ದುಪಡಿಯೊಂದಿಗೆ ವಿಕೇಂದ್ರಿಕಣಗೊಳಿಸಿ ಗ್ರಾಮೀಣ ಭಾರತದಲ್ಲಿ ಮೂರು ಹಂತದ ಪಂಚಾಯತ್ ಅಥವಾ ಸ್ಥಳಿಯ ಸರಕಾರವನ್ನು ಕೆಳಹಂತದಲ್ಲಿ ಜಾರಿಗೆ ತಂದಿರುವುದು ಪ್ರಜಾಪ್ರಭುತ್ವ ರಾಷ್ಟ್ರದ ಹೆಗ್ಗಳಿಕೆ ಹಾಗೂ ಪ್ರಶಂಸನಿಯವಾಗಿದೆ. ಸಂವಿಧಾನದ 73, 74 ನೇ ತಿದ್ದುಪಡಿಯು ವೀಕೆಂದ್ರಿರಣ ಹಾಗೂ ಸ್ಥಳಿಯ ಸರಕಾರ ಅಥವಾ ಗ್ರಾಮೀಣ ಭಾರತದ ಬಗ್ಗೆ ಕಳಕಳಿಯಿರುವ ಬುದ್ದಿವಂತರು,ಹೋರಾಟಗಾರರು,ಸಮಾಜವಾದಿಗಳು, ಇತರ ಗ್ರಾಮೀಣ ಕಳಕಳಿಯಿರುವರು ಅಧಿಕಾರ ವಿಕೇಂದ್ರಿಕರಣದ ಜೋತೆಗೆ ಆರ್ಥಿಕ ವಿಕೇಂದ್ರಿಕರಣ ಹಂಚಿಕೆಯಾಗಲಿ ಎನ್ನುವ ನಿಲುವಿಗೆ ಸ್ವಲ್ಪಮಟ್ಟಿಗೆ ರಾಜ್ಯ ಹಾಗೂ ಕೇಂದ್ರಸರಕಾರಗಳು ಸ್ಥಳಿಯ ಸಂಸ್ಥೆಗಳಿಗೆ ಹಣಹಂಚಿಕೆಗಾಗಿ ಹಣಕಾಸು ಆಯೋಗಗಳನ್ನು ರಚಿಸಿ ಅದರನ್ವಯ ದೇಶದಲ್ಲಿ ಹಾಗೂ ಕರ್ನಾಟಕ ರಾಜ್ಯದಲ್ಲಿ ಚಾಲ್ತಿಯಲ್ಲಿರುವ ಮೂರು ಹಂತದ ಪಂಚಾಯತ ಸಂಸ್ಥೆಗಳು ಕಾರ್ಯನಿರ್ವಹಿಸುತ್ತಿರುವುದು ಗಾಂಧೀಜಿಯವರ ರಾಮರಾಜ್ಯದ ಕನಸಿನೆಡೆಗೆ ನಮ್ಮ ಸರಕಾರಗಳು ಇಟ್ಟ ಉತ್ತಮ ಹೆಜ್ಜೆಯಾಗಿದೆ. ಸದರಿ ಮೂರು ಹಂತಗಳ ಪಂಚಾಯತ ವ್ಯವಸ್ಥೆಯಲ್ಲಿ ಸ್ಥಳಿಯ ಸರಕಾರವೆಂದು ಗುರುತಿಸಲ್ಪಡುವ ಗ್ರಾಮ ಪಂಚಾಯತಿಗೆಳಿಗೆ 1993 ರ ಪಂಚಾಯತ್ ರಾಜ್ ಕಾಯಿದೆಯನ್ವಯ ಹಾಗೂ  ನಮ್ಮ ರಾಜ್ಯ ಸರಕಾರ ಪಂಚಾಯತ್ ರಾಜ್ ಕಾಯಿದೆಯ ತಿದ್ದುಪಡಿಗಾಗಿ ಮಾಜಿ ಸ್ಪೀಕರ್, ಹಾಲಿ ಶಾಸಕರಾದ  ಶ್ರೀ ರಮೇಶಕುಮಾರ ನೆತೃತ್ವದ ಪಂಚಾಯತ ರಾಜ್ ಕಾಯಿದೆ ತಿದ್ದುಪಡಿ ಸಮೀತಿಯ ವರದಿಯಲ್ಲಿನ ಕೆಲವು ಅಂಶಗಳನ್ನು ತೆಗೆದುಕೊಂಡು ಸಮಯಾನುಸಾರ ಚುನಾವಣೆಯನ್ನು ನಡೆಸಿ ಇಂದು ದಿನಾಂಕ:05-06-2015 ರಂದು ಮತ ಎಣಿಕೆಯನ್ನು ಮುಗಿಸಲಾಯಿತು. ಇನ್ನೇನು ಅಧ್ಯಕ್ಷರ/ಉಪಾಧ್ಯಕ್ಷರ ಮಿಸಲಾತಿ ನಿಗದಿಪಡಿಸಿ ಚುನಾವಣೆ ಮೂಲಕ ಆಯ್ಕೆಯೊಂದೆ ಬಾಕಿಯಿರುವ ವಿಷಯವಾಗಿದೆ. ನಮ್ಮ ದೇಶದಲ್ಲಿ ನನಗೆ ಗೊತ್ತಿರುವ ಮಟ್ಟಿಗೆ ಅಧಿಕಾರಯುತವಾಗಿ ಕಾನೂನುಗಳನ್ನು,ಆದೇಶಗಳನ್ನು ರಚಿಸಿ ಆದೇಶ ಹೊರಡಿಸಿ ಜಾರಿಗೆ ತರುವ ಅಧಿಕಾರ ಕೇಂದ್ರ ಮತ್ತು ರಾಜ್ಯ ಸರಕಾರಗಳಿಗೆ ಇದೆ ಆದರೇ ಹಣಕಾಸು ವಿಷಯದಡೆಗೆ ನೋಡಿದಾಗ ಗ್ರಾಮ ಪಂಚಾಯತಿಯ ಅಧ್ಯಕ್ಷರಿಗೆ ಇರುವ ಆರ್ಥಿಕ ಅಧಿಕಾರದನ್ವಯ ಗ್ರಾಮ ಪಂಚಾಯತಿಯ ಎಲ್ಲಾ ಹಣಕಾಸು ವ್ಯವಹಾರಗಳ ಪ್ರಕಾರ ಬಿಲನ್ನು ಪಾಸುಮಾಡಿ ಚಕ್ ಗಳಿಗೆ ಸಹಿಮಾಡುವ ಅಧಿಕಾರವಿರುವುದು ಕೇವಲ ಗ್ರಾಮ ಪಂಚಾಯತಿಗ ಅಧ್ಯಕ್ಷರಿಗೆ ಮಾತ್ರ  ಆರ್ಥಿಕ ವಿಕೇಂದ್ರಿಕರಣಕ್ಕೆ ಹಿಡಿದ ಕನ್ನಡಿಯಾಗಿದೆ. ಮೇಲೆ ತಿಳಿಸಿದ ರೀತಿಯಲ್ಲಿಯೇ ಸದ್ಯ ಕರ್ನಾಟಕದಲ್ಲಿ ಚಾಲ್ತಿಯಲ್ಲಿರುವ ಅಧಿಕಾರ ವಿಕೇಂದ್ರಿಕರಣ ವ್ಯವಸ್ಥೆಯಾಗಿದೆ.

ನಮ್ಮ ರಾಜ್ಯ ಸರಕಾರವು ಎರಡು ಹಂತಗಳಲ್ಲಿ ಚುನಾವಣೆಯನ್ನು ಘೋಷಣೆಮಾಡಿದಾಗ ಹಾಲಿ ರಾಜ್ಯ ಸರಕಾರವು ಸೇರಿ ಪ್ರತಿಪಕ್ಷಗಳು ನಮ್ಮ ಪ್ರತಿನಿದಿಗಳನ್ನು ಹೆಚ್ಚಿನ ಸಂಖ್ಯೆಯಲ್ಲಿ ಅರಿಸಿತನ್ನಿ ಎನ್ನುವ ಸಂದೇಶವನ್ನು ಎಲ್ಲಾ ಪಕ್ಷಗಳ ಮುಖಂಡರು ಅನೇಕ ಸಭೆ ಸಮಾರಂಬಗಳಲ್ಲಿ ಜಗಜಾಹಿರಪಡಿಸಿದರು, ವಾಸ್ತವವಾಗಿ ಗ್ರಾಮ ಪಂಚಾಯತಿ ಚುನಾವಣೆ ಪಕ್ಷರಹಿತವಾದ ಚುನಾವಣೆಯಾಗಿದೆ ನಮ್ಮ ಚುನಾವಣಾ ಅಯೋಗ ಶಿಸ್ತುಬದ್ಧವಾಗಿ ಚುನಾವಣೆಯನ್ನು ನಡೆಸಿತು ಆದರೇ ನಮ್ಮ ಪಕ್ಷದ ಬೆಂಬಲಿತ ಅಬ್ಯರ್ಥಿಗಳನ್ನು ಆಯ್ಕೆಮಾಡಿ ತನ್ನಿ ಎಂದು ಬಹುತೇಕ ಎಲ್ಲಾ ಸಂಸದರು ಹಾಗೂ ಶಾಸಕರು ಹೇಳಿಕೆ ನೀಡಿದರು ಹಲವು ಕಡೆ ಚುನಾಣೆಗೆ ಸ್ಪರ್ದಿಸದೆ ಅವಿರೋದ ಆಯ್ಕೆಯಾಗಬೇಕಾದರೆ ಆಯಾ ಗ್ರಾಮದ ಮುಖಂಡರು ಹೇಳಿದಷ್ಟು ಮೊತ್ತವನ್ನು ಗ್ರಾಮದ ದೇಗುಲಕ್ಕೆ ಅಥವಾ ಇನ್ನಾವುದೋ ಸಂಸ್ಥೆಗೆ ಹರಾಜು ಹಾಕುವ ಮೂಲಕ ವಿಕೇಂದ್ರಿಕರಣ ವ್ಯವಸ್ಥೆ ಹರಣಮಾಡಲಾಯಿತು. ಕೆಲವು ಕಡೆ ಶಾಸಕರ ರಾಜಿ ಪಂಚಾಯತಿಯ ಮೂಲಕ ಎರಡು ಬಣಗಳಿಗೆ ಹಂಚಿಕೆ ಮಾಡಿ ಅವಿರೋದ ಅಯ್ಕೆ ಮಾಡಿಕೊಳ್ಳಿ ಎನ್ನುವ ಸಲಹೆಯಂತೆ ನಂತರ ಇನ್ನಾರೋ ಸ್ಪರ್ದಿಸದಲ್ಲಿ ಅವರಿಗೆ ಇಂತಿಷ್ಟು ಹಣವನ್ನು ನೀಡಿ ನಾಮಪತ್ರ ಹಿಂತೆಗೆದುಕೊಳ್ಳುವಲ್ಲಿ ಸಫಲಾರಾದರು ಒಂದಂತು ಸತ್ಯ ಸಣ್ಣ ಸಣ್ಣ ಗ್ರಾಮಗಲ್ಲಿ ಚುನಾವಣೆಯಿಂದ ಎಂಥೆಂತಾ ವೈಷಮ್ಯಗಳಾಗುತ್ತವೇಂದರೇ ಆಸ್ತಿಗಾಗಿ,ಹಣಕ್ಕಾಗಿ,ಮಹಿಳೆಯರ ವಿಷಯದಲ್ಲಾಗುವ ಕೋಲೆಗಳಂತೆ ಗ್ರಾಮ ಪಂಚಾಯತ ಚುನಾವಣೆಗಾಗಿ ಹುಟ್ಟಿಕೊಂಡ ವೈಷಮ್ಯದಿಂದ ಇಲ್ಲು ಕೂಡಾ ಕೋಲೆಯಲ್ಲಿ ಅಂತ್ಯವಾದ ಘಟನೆಗಳು ಅನೇಕ ಮೊನ್ನೆಯ ಚುನಾವಣಾ ಪೂರ್ವದಲ್ಲಿ ಚುನಾವಣಾ ಪ್ರಕ್ರಿಯೇಯಲ್ಲಿಯ ಅವಧಿಯಲ್ಲಿ ರಾಜ್ಯದ ಹಲವುಕಡೆ ಅಮಾಯಕರ ಕೋಲೆಗಳಾದವು ಇಲ್ಲಿ ಸೂಕ್ಷಮವಾಗಿ ಗಮನಿಸಿದಾಗ ಕಾರಣಗಳು ಹಲವಾರು ಇರಬಹುದು ಚುನಾವಣೆಯೇ ಜಗಳಕ್ಕೆ ವೇದಿಕೆಯಾಗಿರುವದು ಮಾತ್ರ ಸತ್ಯ. ನಮ್ಮ ರಾಜ್ಯದಲ್ಲಿ ಸುಮಾರು 1 ಲಕ್ಷ ಗ್ರಾಮ ಪಂಚಾಯತ ಸದಸ್ಯರನ್ನು ಈ ಚುನಾಣೆ ಮೂಲಕ ನಾವು ಅಯ್ಕೆ ಮಾಡುಬೇಕಾಗಿರುವುದು ಪಟ್ಟಣ ಮತ್ತು ನಗರಗಳನ್ನು ಹೊರತುಪಡಿಸಿ ರಾಜ್ಯ ಗ್ರಾಮೀಣರ ಕೆಲಸವಾಗಿದೆ. 1 ಲಕ್ಷ ಜನ ಸದಸ್ಯರಲ್ಲಿ ಕೆಲವರು ನ್ಯಾಯಯುತವಾಗಿ ಮತ್ತು ಕೆಲವರು ವ್ಯಕ್ತಿಗತವಾಗಿ ಉತ್ತಮ ಕೆಲಸಗಳನ್ನು ನಿರ್ವಹಿಸುವದರೊಂದಿಗೆ ಆಯ್ಕೆಯಾಗಿರಬಹುದು ಬಹುತೆಕ ಉಳಿದ ಸದಸ್ಯರುಗಳು ಹಣ-ಹೆಂಡ-ಜೋತೆಗೆ ಆಯ್ಕೆಯಾಗಿ ಬಂದಮೇಲೆ ಮಾಡುವ ಸುಳ್ಳು ಬರವಸೆಯೊಂದಿಗೆ ಆಯ್ಕೆಯಾಗಿ ಬಂದಿರುತ್ತಾರೆ. ಇಂಥವರಿಂದ ನಾವು ನೀರಿಕ್ಷಸಿದ ಯಾವುದೆ ಕೆಲಸ ಕಾರ್ಯಗಳು ಆಗದೇ ಹೋದಾಗ ನಾವುಗಳು ಹಲವರನ್ನು ಶಪಿಸುತ್ತಾ ಐದು ವರ್ಷಗಳವರೆಗೆ ದಿನದೂಡುತ್ತೇವೆ.

(ಮುಂದುವರೆಯುವುದು)