ನಿರೀಕ್ಷೆ
ಬಾನಿನಂಗಳದಲ್ಲಿ ಜಾರಿಹ
ಚಿತ್ರ ಶೇಖರ ತರಣಿಯು
ಅವನೊಲವ ರಾಗದಿ ಮಿಂದಳು
ಲಜ್ಜೆಯಿಂದಲಿ ತರುಣಿಯು||
ಮುಗಿಲ ಹಕ್ಕಿಗಳೆಲ್ಲ ಹಾರಿವೆ
ಗೂಡು ಸೇರುವ ತವಕದಿ
ಅದಿಗೋ ಜೋಡಿಯ ರಾಸುಗಳೋಡಿವೆ
ಮನೆಯ ಸೇರುವ ಹರುಷದಿ||
ಬಾನಿನೆಲ್ಲೆಡೆ ಕೆಂಪು ಏರಿದೆ
ದಿನಪ ನಡೆದಿಹ ತವರಿಗೆ
ಹಗಲವರೆಗೂ ಕಾಯಬೇಕಿದೆ
ಮತ್ತೆ ಮೂಡುವ ಕಿರಣಗೆ||
ಇತ್ತ ತರುಣಿಯು ಕಾಯ್ದು ನಿಂದಳು
ಸಂಜೆಯಾಗುತ ಮೆಲ್ಲಗೆ
ಹಗಲ ಸೂರ್ಯನು ಮೂಡೋ ಮುನ್ನವೆ
ಹೊರಗೆ ಹೋಗಿಹ ನಲ್ಲಗೆ||
ಏಕೋ ಏನೋ ಇನ್ನೂ ಬಾರದ
ನಲ್ಲಗೆಂದೇ ಕಾಯ್ದಳು
ಎನಿತೋ ಏನೋ? ಏನು ಶಕುನವೋ
ಮನದಲೇ ನಿಡುಸುಯ್ದಳು||
Rating
Comments
ಉ: ನಿರೀಕ್ಷೆ
In reply to ಉ: ನಿರೀಕ್ಷೆ by umeshhubliwala
ಉ: ನಿರೀಕ್ಷೆ