ಪರ ಭಾಷೆಗಳ ಗೀತೆಗಳ ಅರ್ಧಂಬರ್ಧ ಅನುವಾದ / ಭಾವಾನುವಾದ - ಭಾಗ 35
315) ಮೂಲ ಹಾಡು : ತೇರೆ ಪಾಸ ಆನೆ ಸೆ ಮೇರಾ ವಕ್ತ ಗುಜರ ಜಾತಾ ಹೈ
ನನ್ನ ಅನುವಾದ:
ನಿನ್ನ ಬಳಿಗೆ ನಾನು ಬರಲು
ನನ್ನ ಸಮಯ ಕಳೆದು ಹೋಗುವದು
ಆ ಎರಡು ಗಳಿಗೆ
ದುಃಖ ಹೋಗುವುದು ಎಲ್ಲಿ ನಾ ಅರಿಯೆ
316)ಮೂಲ ಹಾಡು : ಇಶ್ಕ ಛುಪ್ತಾ ನಹೀ ಛುಪಾನೇ‌ಸೇ
ನನ್ನ ಅನುವಾದ:
ಪ್ರೀತಿ ಮರೆಯಾಗದು ಮರೆಮಾಚಿದರೂ
ನಿನ್ನ ಪ್ರೇಮಿ ನಾ ಬಹುಕಾಲದಿಂದ
ನೀ ತಡೆಯಬೇಡ ನಾ ಸನಿಯ ಬರುವುದನು
317) ಮೂಲ ಹಾಡು : ಮತ ಪೂಛೋ ಮೇರೆ ಮೆಹಬೂಬ ಸನಮ್
ನನ್ನ ಅನುವಾದ:
ಕೇಳಿದೆ ಇರು ನೀ ನನ್ನ ನಲ್ಲೆ
ನಾ ಪ್ರೀತಿಸುವೆ ನಿನ್ನ ಎಷ್ಟೆಂದು
ನಿನ್ನ ಪ್ರೀತಿಯಲ್ಲಿ ಬದುಕುವೆನು ಮತ್ತೆ ಸಾಯುವೆನು
318)ಮೂಲ ಹಾಡು : ಆಪ ಕೋ ದೇಖಕರ್ ದೇಖತಾ ಹೀ ರಹ ಗಯಾ
ನನ್ನ ಅನುವಾದ:
ನಿನ್ನನು ನೋಡಿ ತಾ
ನೋಡುತ ಉಳಿದೆನು
ಹೇಳಲಿ ಏನನು
ಉಳಿಯಿತು ಏನು ಹೇಳಲು
319)ಮೂಲ ಹಾಡು : ಮುಝೇ ತೇರೀ ಮೊಹಬ್ಬತ್ ಕಾ
ನನ್ನ ಅನುವಾದ:
ಸಿಗುತಲಿತ್ತು ನಂಗೇ ನಿನ್ನ ಪ್ರೇಮದ ಆಸರೆ
ಒಂದ್ ವೇಳೆ ಬಾರದೆ ಇರಲು ಈ ಬಿರುಗಾಳಿ
ಸಿಗುತಲಿತ್ತು ಸುಖದ ತೀರ
320)ಮೂಲ ಹಾಡು : ಸುನಯನಾ, ಆಜ ಇನ್ ನಜಾರೋಂ ಕೋ
ನನ್ನ ಅನುವಾದ:
ಸುನಯನಾ ಸುನಯನಾ
ಈ ದೃಶ್ಯಾವಳಿ ನೀ ನೋಡು
ನೀ ನೋಡುತಿರುವುದನು
ನಾ ನೋಡುವೆ
ಹೂವುಗಳ ದಳಗಳು ಚಂದಾ ಕಣೆ
ಆದರೆ ನಿನ್ನ ಕಣ್ಣೆವೆಗಳೇ ಚಂದ
ಹೂವುಗಳ ಬಣ್ಣಗಳು ಚಂದಾ ಕಣೆ
ಆದರೆ ಮಿಗಿಲು ನಿನ ಬಣ್ಣವೇ
ಸುನಯನಾ ಸುನಯನಾ
ಈ ಅರಳಿರುವ ಹೂ ನೋಡು
ನೀ ನೋಡುತಿರುವುದನು ನಾ ನೋಡುವೆ
ಎತ್ತರದ ಮಹಲುಗಳ ಕಿಟಕೀಲಿ ಕೂತು
ಆಗಸದ ಬಣ್ಣ ಕಣ್ ತುಂಬಿಕೋ
ಬಗೆ ಬಗೆಯ ಬಣ್ಣಗಳ ಈ ಮೇಳವ
ಕಣ್ಣಿಂದ ಮನಕೆ ನೀ ಇಳಿಸಿಕೊ
ಸುನಯನಾ ಸುನಯನಾ
ದೂರದ ಆಗಸವ ನೀ ನೋಡು
ನೀ ನೋಡುತಿರುವುದನು ನಾ ನೋಡುವೆ
ಅದೊ ಸಂಜೆ ಸರಿದು ಇರುಳಾಯಿತು
ತಾರೆಗಳ ಲೋಕದಲಿ ನೀ ಕಳೆದುಕೋ
ಎಚ್ಚರ ನಾನಿದ್ದು ನಿನ ನೋಡುವೆ
ಮಲಗಿಕೋ ಕೊಂಚ ನೀ ಮಲಗಿಕೊ
ಸುನಯನಾ ಸುನಯನಾ
ಬಾ ನನ್ನ ಕನಸನ್ನು ನೀ ನೋಡು ಬಾ
ನೀ ನೋಡುತಿರುವುದನು ನಾ ನೋಡುವೆ
321) ಮೂಲ ಹಾಡು : ರಾತ್ ಔರ್ ದಿನ್ ದಿಯಾ ಜಲೇ
ನನ್ನ ಅನುವಾದ:
ಹಗಲಿರುಳು ಬೆಳಗಿದೆ ದೀಪ
ಆದರೂ ಕತ್ತಲು ನನ್ನೊಳಗೆ
ಎಲ್ಲಿರುವೆ ನೀ ಈಗ
ನೀ ಬರಲು ಬೆಳಕು ನನ್ನ ಬಾಳಿನಲಿ
322) ಮೂಲ ಹಾಡು : ಸಜನವಾ ಬೈರೀ ಹೋಗಯೀ ಹಮಾರಿ
ನನ್ನ ಅನುವಾದ:
ನನ ನಲ್ಲಾ ನನಗೇ ವೈರಿ ಆದಂತಿದೆ
ಹಂಚ್ಕೋಬಹುದು ಬೇರೆ ಎಲ್ಲ
ಹಣೆಬರಹ ಮಾತ್ರ ಅಲ್ಲ
ಮಾಡಿದ್ದ ಕರ್ಮ ವೈರಿ ಆದಂತಿದೆ
ಹೋಗಿ ನೆಲೆಸಿ ಪರದೇಶದಲ್ಲಿ
ಸವತೀಯ ಮಾತಿಗೆ ಮರುಳಾದನು
ಸಂದೇಶವಿಲ್ಲ ಸುದ್ದಿಯೂ ಇಲ್ಲ
ಕಾಲ ಸರಿದು ಹೋಯಿತು
ಮುಳುಗೇ ಹೋದೆ ಸುಳಿಗೆ ಸಿಲುಕಿ
ಹದಿನಾರರ ಹರೆಯ ದಾಟಿದೆ
ಖಾಲೀ ಶಯ್ಯೆ, ನನ ಮಡಿಲೂ ಬರಿದು
ನನ್ನ ಮನಸ ಯಾರೂ ತಿಳಿಯರು
ಒಂದೇ ಸಮನೆ ಗೋಳಾಡುತ್ತ
ಹರಿಯುತಿದೆ ಕಂಬನಿಯ ಧಾರೆ
ಯಾರೂ ಇಲ್ಲ ಆ ಕಡೆ ನನಗೆ
ಯಾರೂ ಇಲ್ಲ ಈ ಕಡೆ
323)ಮೂಲ ಹಾಡು : ರಹತೇ ಹೈ ಹಂ ಖೋಯೆ ಖೋಯೆ ಗುಮ್ ಶುಮ್
ನನ್ನ ಅನುವಾದ:
ನಾನಿರುವೆ ಎಲ್ಲೋ
ನನ ಗಮನಾನು ಎಲ್ಲೋ
ಯಾಕಂದ್ರೆ
ಕಣ್ಮುಂದೆ ನೀನು
ಎದೆಯಲ್ಲಿ ಬಡಿತ
ಡವ ಡವ ಅಂತ
ಯಾಕಂದ್ರೆ
ಕಣ್ಮುಂದೆ ನೀನು
324)ಮೂಲ ಹಾಡು : ಮುಝಸೇ ಮುಹಬ್ಬತ್ ಕಾ ಇಕರಾರ ಕರತಾ
ನನ್ನ ಅನುವಾದ:
ನನ್ನಲ್ಲಿ ಪ್ರೀತಿ ಇದೆ ಅಂತ ಹೇಳೋ
ಹುಡುಗಾ ಒಬ್ಬಾತ ಇದ್ರೆಷ್ಟು ಚೆನ್ನ
ನನ್ನಲ್ಲಿ ಪ್ರೀತಿ ಇದೆ ಅಂತ ಹೇಳೋ
ಹುಡುಗಿ ಒಬ್ಬಾಕೆ ಇದ್ರೆಷ್ಟು ಚೆನ್ನ