ಪ್ರೀತಿಸಿರೋ...

ಬಿಸಿರಕ್ತವೆಂಬುದನು ಮರೆತು
ಅಹಂಕಾರವೆಂಬ ಕೆಂಪಾಂಬುದಿಯಲಿ
ಮುಳುಗಬೇಡಿರೋ ಯುವಕರೇ...
ಅಂತರಾಳದ ಸದ್ಗುಣವನೇ ತೆರೆಯಿರೋ...ಮೆರೆಯಿರೋ...

ಬಿಸಿರಕ್ತವೆಂಬ ತವಕದಲಿ
ಅನುರಕ್ತತೆಯನು ತೋರದಿರಿ
ನಮ್ಮಯ ಸದ್ಗುಣ ಯುವಕರೇ

ಬಿಸಿರಕ್ತದಲಿ ಹಿಂದೆಸಗಿದ
ಪಾಪವನು ಮತ್ತೆಸಗದಿರಿ
ಮತ್ತೆಸಗಿ ಮರಳಿ ನರಕಕ್ಕೇ ಬೀಳದಿರಿ...
ನಮ್ಮಯ ಸಾಹಸಿ ಯುವಕರೇ...

ಬಿಸಿರಕ್ತವೆಂಬುದನು ಮರೆತು
ಪೊಸಚೆಲ್ವಿನ ಪ್ರೀತಿಸುವ ಪರಿಯಲ್ಲಿ
ನಮ್ಮಯ ನಾಡು-ನುಡಿಗಳನು ಪ್ರೀತಿಸಿರೋ...
ಪ್ರೀತಿಸಿ ಪಡೆಯಿರೋ...ಅನಂತ ಧನ್ಯತೆಯಾ...

-ಶ್ರೀನಾಥ್.ಎಸ್