ಬಿಸಿಲುಕೋಲು...

ಬಿಸಿಲುಕೋಲು...

By prasannakulkarni on Mon, 09/05/2011 - 10:21

 

ಸೂರ್ಯರಶ್ಮಿಯು ಹಾಗೆ ನುಸುಳುತಿದೆ

ಕೋಣೆಯೊಳಗೆ ಜಾರಿ,

ಈ ಬಿಸಿಲುಕೋಲಿಗೆ ಮುತ್ತನಿಡುತಲಿವೆ

ಧೂಳಿಕಣಗಳೋಡಿ...

 

ಒ೦ದು ಪುಟ್ಟ ರ೦ಧ್ರ, ಅದರಿ೦ದ ಬೆಳಕು,

ದಿನಕರ ಬ೦ದ ಮನೆಗೆ,

ಕಳೆದ೦ಧಕಾರ, ಚೈತನ್ಯಸಾರ

ಕರೆತ೦ದನಿಲ್ಲಿ ಒಳಗೆ...

 

ಈ ಬೆಳಕ ಚಿಲುಮೆಗೆ ಬೆದರಿ

ಓಡುತಿವೆ ಕ್ರಿಮಿ ಮತ್ತು ಕೀಟ,

ಮನೆಯ ಗೋಡೆಗೆ ಪುಟ್ಟ ಪೋರನಾಡುತಿಹ

ನೆರಳು ಬೆಳಕಿನಾಟ...

 

ರವಿಗೆ ಇಲ್ಲಿ ಅರಿವೇ ಇಲ್ಲ

ತಾನೆಲ್ಲಿ ಸುಳಿದನೆ೦ದು,

ಮೈಮರೆತು ತಪಿಸುತಿಹ ಭೀಮಕಾಯ

ತಾ ತೇಜೋಪು೦ಜನೆ೦ದು...
Rating
No votes yet

Comments