ಬ್ರೇಕ್ ಔಟ್ ಏರಿಯ..... ಭಾಗ ೨

 

ಇನ್ನು ನವೆಂಬರ್ ಮತ್ತು ಡಿಸೆಂಬರ್ ನಲ್ಲಿ ಶುರವಾದ ಚಳಿ, ಮುಂಜಾನೆ ಬೇಗ ಎದ್ದೇಳಕ್ಕೆ ಮನಸಾಗದೆ ಇದ್ದರು ಕ್ಯಾಬನಲ್ಲಿ ಮಲಿಗದರೆ ಆಯ್ತು ಅಂತ ಎದ್ದು ಆಫೀಸಿಗೆ ಹೋದಮೇಲೆ, ದಿನದ ೧೦ ಘಂಟೆಯ  scrum ಮೀಟಿಂಗ್ ಮೊದಲು ಸ್ನೇಹಿತರಲ್ಲ ಕಾಫಿ ಚಹಾ ಬಿಸ್ಕೆಟ್ ನೊಂದಿಗೆ ನಮ್ಮ ಬ್ರೇಕ್ ಔಟ್ ಏರಿಯದಲ್ಲಿ ಭೇಟಿ. ಕೆಲಸದ ಬಗ್ಗೆ, ದಿನದ ವಿಶೇಷತೆ ಬಗ್ಗೆ, ಆಫೀಸ್ ನ ಗೊಸ್ಸಿಪ್ ಬಗ್ಗೆ ಮಾತಾಡ್ತಾ ಕೆರೆಯ ಅವಲೋಕನ ಮಾಡಿದರೆ, ನನ್ನ ಸ್ನೇಹಿತರಿಬ್ಬರು ಹೊಳೆಯುವ ಕರೆಯ ನೋಡಿ - ಮಾಯಾಮೃಗ   ಧಾರವಾಯಿಯ ಶೀರ್ಷಿಕೆ ಹಾಡಿನ ಸಾಲನ್ನು ಸುಮಧುರವಾಗಿ ಹಾಡುತಾರೆ - " ಬಲು ದೂರದಿ  ಹೊಳೆಯುತ್ತಿದೆ  ಬಾನೀಲಿಯ  ಕೆಳಗೆ  ಹೊಳೆಯುತ್ತಿವೆ  ಕಣ್ಣ೦ದು ಬಿಳಿ ವಜ್ರದಾಗೆ". ಹೀಗೆ ಅವರಿಗೆ ಅ ಕೆರೆ ಸೂರ್ಯನ ಕಿರಣಗಳಿಗೆ ಹೊಳೆಯುವ ಬಿಳಿ ವಜ್ರಗ ರಾಶಿಯಾಗೆ ಕಾಣುತ್ತವೆ. 

 

ಹೀಗೆ ಆ ಕೆರೆಯ ಮೇಲೆ ಬಾನಾಡಿಗಳು ಬಂದರೆ ನಮ್ಮ ಹರ್ಷ ಹೆಚ್ಚಾಗುತ್ತದೆ, ಹಕ್ಕಿಗಳು ಬಂದು ಕಿರುದೆರೆದರೆ ಎಂಥ ಸೊಗಸು. ಹೀಗೆ ಕೆಲಸ ಹಾಗು ಜೀವನದ ನೂರಾರು ಜಂಜಾಟದಲಿ ನಾವುಗಳು ಈ ನೀರಿನ ಅಲೆಗೊಳಂದಿಗೆ ನಲಿಯುತ್ತೇವೆ. ಈ ನಿಸರ್ಗದಲ್ಲಿ ನೀರು ಹಸಿರು ಮೋಡ ಬೆಳಕು ಕಣ್ಣಾಮುಚ್ಚಾಲೆ ಆಡುವಾಗ ನೋಡೋಕೆ ಎಷ್ಟು ಚಂದ :)