ಭಾವಾಭಿಷೇಕ

ಭಾವಾಭಿಷೇಕ

ಬಂದುಬಿಡು ನಲ್ಲೆ
ನೀನೊಮ್ಮೆ ಕನಸಿನಲಿ ನನ್ನ
ಆ ಸೂರ್ಯರಶ್ಮಿಗಳು ಸೋಕಿ
ನಾ ಎಚ್ಚರಾಗುವ ಮುನ್ನ
ಹೇಗೆ ನಾ ಅರಿಯಲಿ
ನೀ ಅಡಗಿರುವ ಮೂಲೆ
ಹೀಗೆ ನೀ ಕಾಡದಿರು
ಆಡುತ ಕಣ್ಣಾಮುಚ್ಚಾಲೆ

ಬರುವೆಯೊ, ಬಾರೆಯೊ
ನೀ ನನ್ನ ಕನಸಿನಲಿ
ನನ್ನ ಏಕಾಂತದೊಡತಿಯ
ನೆನಪುಗಳ ನಾ ಹೇಗೆ ಮರೆಯಲಿ?
ಬಂದುಬಿಡು ಓ ನಲ್ಲೆ
ನೀನೊಮ್ಮೆ ನನ್ನೆದೆಗೆ
ನಿನಗಾಗಿ ನಡೆದಿಹ
ಈ ಭಾವಗಳ ಜಾತ್ರೆಗೆ.

ವಿಧವಿಧದ ಭಾವಗಳು
ಕಾದಿಹವು ನಿನಗಾಗಿ
ನನ್ನೊಲವ ದೇವತೆಯ
ಪೂಜಾರತಿಗಾಗಿ
ಹೃದಯ ದೇವತೆಗೆ
ಭಾವಗಳ ಅಭಿಷೇಕವಿಂದು
ಎಂದರಸಿ ಕಾಯುತಿರುವೆ ದಿನವೂ
ನಲ್ಲೆ, ನೀ ಬರುವೆಯಾದರೂ ಎಂದು?

-- ಅರುಣ ಸಿರಿಗೆರೆ