ಮೌನರೋದನ

4.25

ಮಿಂಚಾಗಿ ಬಂದಿಳಿದು ಸುಖದ ಸಿಂಚನವಾದೆ

ಬರಡಾದ ಜೀವನದಿ ಸಿರಿಹಸಿರ ಕೊನರಿಸಿದೆ

ಏರುಪೇರಿನ ದಾರಿಯಲಿ ಬಸವಳಿದು ಬೀಳುತಿರೆ

ಸಂತೈಸಿ ಜೊತೆಯಾದೆ ಸಿಹಿನೀರ ತೊರೆಯಂತೆ

ಪಯಣಮುಗಿಯುವ ಮುನ್ನ ಮರೆಯಾದೆ ಮಿಂಚಂತೆ

ಕರಗಿ ಹೋದುದು ಬೆಳಕು ಕಾರಿರುಳೆ ದಾರಿಯಲಿ

ನಿನ್ನ ನೆನೆಪಿನ ನೋವು ನಮ್ಮ ಕಣ್ಣ ಕಂಬನಿಗಳಲಿ

ನಿನ್ನ ನೆನೆಪಿನ ರೂಪ ನಮ್ಮ ಕಣ್ಣ ಕನ್ನಡಿಯಲಿ

ಚರಮ ಸೀಮೆಯಲಿನ್ನು ಚಿರಶಾಂತಿ ನಿನಗಿರಲಿ

ನಿನ್ನ ನೆನೆಪಿನ ನೋವಿನಲೆಗಳ ಹೊಡೆತ

ಎನ್ನೆದೆಯಾಳದ ಮೌನರೋದನದ ಮೊರೆತ.

ಸರಣಿ: 
‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4.3 (4 votes)
To prevent automated spam submissions leave this field empty.