'ರಾಮಕೃಷ್ಣ ಕಾಟುಕುಕ್ಕೆಯವರ ಭಕ್ತಿ ಸಂಗೀತ ಕಾರ್ಯಕ್ರಮ', ಮುಂಬೈನ ಮೈಸೂರ್ ಅಸೋಸಿಯೇಷನ್ ನಲ್ಲಿ !

'ಮೈಸೂರ್ ಅಸೋಸಿಯೇಷನ್, ಮುಂಬೈ', ಹಾಗೂ 'ಕನ್ನಡ ಕಲಾಕೇಂದ್ರ ಮುಂಬೈ', ಇವರ ಸಂಯುಕ್ತ ಆಶ್ರಯದಲ್ಲಿ ’ಭಕ್ತಿ ಸಂಗೀತ’ಕಾರ್ಯಕ್ರಮ,  ದಿನಾಂಕ, ೧೮.೧೨.೨೦೧೧ ರಂದು ರವಿವಾರ ಅಂಜೆ ೬-೩೦ಕ್ಕೆ, 'ಅಸೋಸಿಯೇಷನ್ ನ, ಕಿರು ಸಭಾಗೃಹ’ ದಲ್ಲಿ ಜರುಗಿತು. ಭಜನೆ ಹಾಗೂ ಸಂಗೀತಾಸಕ್ತರು ಸಾಕಷ್ಟು ಸಂಖ್ಯೆಯಲ್ಲಿ ಆಗಮಿಸಿ ಕಾರ್ಯಕ್ರಮದ ಕೊನೆಯತನಕ ಹಾಜರಿದ್ದು ಭಜನೆಯ ಸವಿಯುಂಡು ಧನ್ಯರಾದರು.  

ಕಾರ್ಯಕ್ರಮಕ್ಕೆ ಮೊದಲು, 'ಮೈಸೂರ್ ಅಸೋಸಿಯೇಷನ್ ನ ಹಿರಿಯ ಕಾರ್ಯಕರ್ತ', ಸಂಘಟಕ, ಹಾಗೂ ಉತ್ತಮ ನಾಟಕನಿರ್ದೇಶಕ ಶ್ರೀ. ಕೆ. ಮಂಜುನಾಥಯ್ಯನವರು, ಸಂಜೆಯ ಮುಖ್ಯ ಅತಿಥಿಗಳನ್ನು ಎಲ್ಲಾ ಸಭಿಕರಿಗೆ ಪರಿಚಯಿಸಿ, ಆತ್ಮೀಯ ಸ್ವಾಗತ ಕೋರಿ ಕಾರ್ಯಕ್ರಮಕ್ಕೆ ವಿಧ್ಯುಕ್ತ ಚಾಲನೆನೀಡಿದರು. ನಂತರ ಬಾಲಚಂದ್ರರಾಯರು, ಕಾಟುಕುಕ್ಕೆಯವರ ಬಗ್ಗೆ ಹೆಚ್ಚಿನ ಮಾಹಿತಿಗಳನ್ನು ನೀಡಿದ್ದಲ್ಲದೆ ಕಾರ್ಯಕ್ರಮದುದ್ದಕ್ಕೂ ಹಾಜರಿದ್ದು, ಪ್ರತಿಗೀತೆಗಳನ್ನು ಹಾಡುವಾಗ ಬಳಸುವ  ವಿಭಿನ್ನ ಶೈಲಿಯನ್ನು ರಸಿಕರಿಗೆ ಪರಿಚಯಿಸಿದರು.