ವಾಹ್ ರೇ ಸಂಪದ!

ಪ್ರಿಯರೇ,

ಬಹುದಿನಗಳ, ಅಲ್ಲಲ್ಲ... ಬಹು ಮಾಸಗಳ ನಂತರ ಸಂಪದಕ್ಕೆ ಪುನಃ ಭೇಟಿ ನೀಡಿದ್ದೇನೆ... ಹೊಸ ಬಣ್ಣ, ಹೊಸ ಲಾವಣ್ಯ ತುಂಬಿ ನಿಂತಿದ್ದಾಳೆ ಸಂಪದ (ದಾ)...!!! ಸಂತೋಷವಾಗ್ತಿದೆ...

ಈಗ ನಾನು ಬ್ಯಾಂಕಾಕಿನಿಂದ ಅಲ್ಲ, ಭಾರತದ ಮಂಗಳೂರಿನಿಂದ ಈ ಅಕ್ಷರಗಳನ್ನು ಟೈಪಿಸುತ್ತಿದ್ದೇನೆ! ಹೌದು, ನಾನು ಭಾರತಕ್ಕೆ ಮರಳಿ ಬಂದಿದ್ದೇನೆ. :)

ಆಯುರ್ವೇದ ಪಾಠ, ಚಿಕಿತ್ಸೆ ಮತ್ತು ಫೋಟೋಗ್ರಫಿಯ ಜೊತೆಗೆ ರಿ/ಮ್ಯಾಕ್ಸ್ ಎಂಬ ಸಂಸ್ಥೆಯ ಫ಼್ರ್ಯಾಂಚೈಸಿಯನ್ನು ನಡೆಸುತ್ತಿದ್ದೇನೆ. ಅದರಲ್ಲಿ ಜನರಿಗೆ ಎಲ್ಲಾ ಬಗೆಯ ಆಸ್ತಿ (ರಿಯಲ್ ಎಸ್ಟೇಟ್) ಗೆ ಸಂಬಂಧಿಸಿದ ವ್ಯವಹಾರಗಳನ್ನು ನಡೆಸಲು ಅನುಕೂಲ ಮಾಡಿಕೊಡುತ್ತಿದ್ದೇವೆ. :)

ಇದನ್ನು ಕೇಳಿ ಕೆಲವರಿಗೆ ತಮಾಷೆ ಅನಿಸಬಹುದು, ಕೆಲವರಿಗೆ ಆಶ್ಚರ್ಯವಾಗಬಹುದು ಅಥವಾ ಇನ್ನು ಕೆಲವರಿಗೆ ಈ ವೈದ್ಯರಿಗೆ ಮರುಳೇ ಅಂತ ಅನಿಸಲೂಬಹುದು. :) ವೈವಿಧ್ಯವಿರುವ ಜೀವನ ಚೆನ್ನ ಅಂತ ನನ್ನ ಅನಿಸಿಕೆ, ಅದೇ ನನ್ನ ಸ್ವಭಾವ ಕೂಡ, ಏನು ಮಾಡೋಣ!

ಇನ್ನು ಮುಂದೆ ಸಾಧ್ಯವಾದಷ್ಟು ಸಂಪದದಲ್ಲಿ ಸಕ್ರಿಯನಾಗಿರಬೇಕು ಅಂದುಕೊಂಡಿದ್ದೇನೆ... ಹಾಗೆಯೇ ಆಗುತ್ತದೆ ಅಂತ ನಂಬಿದ್ದೇನೆ!

ಪುನಃ ಭೇಟಿಯಾಗೋಣ... :)