ವಿರಹ ಗೀತ

ನೆನಸಲೊಲ್ಲೆಯ ಕನಸಿನೊಳಾದರು ನೀ ಮರೆತುಹೋದ ಹಾಡನ್ನು|

ಬಿಕ್ಕಳಿಸುತ್ತಲೇ ನಾ ನೆನಸುತ್ತಿಹ ಪ್ರೇಮದ ಕವಿತೆಯ ಅಂತ್ಯವನು|

ತೊರೆದು ಹೋದರೂ ನೀನೀ ಕವಿತೆಯ ನೆನಸಲೊಲ್ಲೆಯ ಈಗ|

ತುಂಬಿದ ಒಡಲಿನ ಉಗುರೊತ್ತುಗಳ ಅಳಿಸಬಲ್ಲೆಯ ಈಗ-

ಬೆರಳಿನ್ದ್- ಅಳಿಸಬಲ್ಲೆಯ ಈಗ|

ಉದುರಿದ ಎಲೆಗಳ ಹೆಕ್ಕುತ್ತಿಹೆನು, ಕಟ್ಟುತಿಹೆನು ಗೂಡುಗಳ|

ಬಿರಿದಿಹ ಹೂವೊಳು ಉದುರಿದ ಹನಿಗಳ ಬಯಸುತ್ತಿಹೆ ನಾನಿನ್ದು-

ಇನ್ದಿಗೂ ಬಯಸುತ್ತಿಹೆ ನಾನೆನುತ|

ನೆನಸಲೊಲ್ಲೆಯ ಕನಸಿನೊಳಾದರು ಮರೆತುಹೋದ ಹಾಡನ್ನು|

ಬಿಕ್ಕಳಿಸುತ್ತಲೇ ನಾ ನೆನಸುತ್ತಿಹ ಪ್ರೇಮದ ಅನ್ತಿಮ ಚರಣವನು|