ಸಮೋಸ

ಮಸ್ತ್ ಮಸ್ತ್ ಆಟಂಬಾಂಬ್

ಗುಂಡ ತನ್ನ ಅಮ್ಮನ ಜೊತೆ ಮಾರುಕಟ್ಟೆಯ ಕಡೆ ಹೊರಟಿದ್ದ. ದಾರಿಯಲ್ಲಿ ಒಂದು ದೊಡ್ಡ ಕಟ್ಟಡದ ಮುಂದೆ ನಿಂತ

ಗುಂಡ: ಅಮ್ಮಾ... ಈ ಸಾರಿ  ದೀಪಾವಳಿಗೆ ಬಾಂಬ್, ಆಟಂಬಾಂಬ್, ಸುರ್ ಸುರ್ ಬತ್ತಿ ತಗೊಂಡು ಹೋಗೋಣ

ಅಮ್ಮ: ಇದು ಪಟಾಕಿ ಅಂಗಡಿ ಅಲ್ಲ, ಹುಡಗಿಯರ ಹಾಸ್ಟಲ್ ಮಗಾ..

ಗುಂಡ: ಮತ್ತೆ, ಅಪ್ಪ ಇಲ್ಲಿ ಮಸ್ತ್ ಮಸ್ತ್ ಆಟಂಬಾಂಬ್ ಇವೆ ಅಂತಿರ್ತಾರೆ...

ಸೈಕಲ್ ಇಳಿಯೋದೆ ಹೀಗೆ...

ಗುಂಡ ಸೈಕಲ್ ಹತ್ತಿ ಒಂದು ದಿನ ಸಂಚಾರಕ್ಕೆ ಹೊರಟ, ಇಳಿಯುವ ಸಂದರ್ಭದಲ್ಲಿ ದಢಾರನೆ ಬಿದ್ದ. ಆಗ ಸುತ್ತಲಿನ ಜನರೆಲ್ಲಾ ನೆರವಿಗೆ ಬಂದರು

ಗುಂಡ: ಅರೆ! ನೀವೆಲ್ಲ ಯಾಕೆ ಬಂದ್ರೀ ?

ಜನ: ನೀನು ಬಿದ್ಯಲ್ಲಾ ಮಾರಯ ಅದಕ್ಕೆ ಎತ್ತಲು ಬಂದೆವು.

ಗುಂಡ: ದಯವಿಟ್ಟು ಬೇಜಾರ್ ಆಗಬೇಡಿ ನಾನು ಸೈಕಲ್ ಇಳಿಯೋದೇ ಹೀಗೆ.....

ಪಾರ್ಕಿಂಗ್ ಫಾರ್ ಟೂ ವ್ಹೀಲರ್ ಓನ್ಲಿ...

ಗುಂಡ ಶಾಪಿಂಗ್ ಮಾಡಲು ಸ್ನೇಹಿತನ ಜೊತೆಗೆ ಮೆಜೆಸ್ಟಿಕ್ ಗೆ ಕಾರಿನಲ್ಲಿ ಹೋಗಿದ್ದ. ಪಾರ್ಕಿಂಗ್ ಜಾಗದಲ್ಲಿ ಕಾರನ್ನು ನಿಲ್ಲಿಸಿ, ತಕ್ಷಣ ಕಾರಿನ ಎರಡೂ ಚಕ್ರ ಕೀಳಲು ಶುರು ಮಾಡಿದ. ಇದನ್ನು ನೋಡಿದ ಸ್ನೇಹಿತ ಒಮ್ಮೆಲೆ ಕಕ್ಕಾಬಿಕ್ಕಿಯಾದ.

ಸ್ನೇಹಿತ: ಯಾಕೋ ಕಾರಿನ ಚಕ್ರ ಒಂದೇ ಸಮನೇ ಕೀಳ್ತಾ ಇದ್ಯಾ?

ಗುಂಡ: ದಡ್ದಾ, ಅಷ್ಟು ಗೊತ್ತಾಗಲ್ವಾ? ಅಲ್ಲಿ ಬೋರ್ಡ್ ನೋಡು, "ಪಾರ್ಕಿಂಗ್ ಫಾರ್ ಟೂ ವ್ಹೀಲರ್ ಒನ್ಲಿ".