'ಸಾಫ್ಟ್' ಸಂಕಟಗಳು

ಇಂರ್ಟನೆಟ್ ಇದೆ , ಯಾರು ಅಲ್ಲ ದೂರ ,
ಆದರೆ ಯಾಕೋ ಗೊತ್ತಿಲ್ಲ ಯಾರೂ ಬರುತ್ತಿಲ್ಲ ಹತ್ತಿರ..!

*************************

 ಕೊಳೆತು ನಾರುತ್ತಿವೆ , ಸತ್ತು ಮಲಗಿದ ಸಂಬಂದಗಳು ,
ಸ್ವಚ್ಛಗೊಳಿಸಬೇಕಿದೆ ಹೃದಯವನ್ನು !

*************************

ಯಾರೋ ಹೇಳಿದ್ದರು ,
ಕುಟ್ಟುತ್ತಿರುವದು ಕೀ ಬೋರ್ಡನ ಕೀಗಳನ್ನಲ್ಲ
ಅಂಗಾತನೆ ಬಿದ್ದ ಭಾವನೆಗಳನ್ನ ..!

*************************

ಎಲ್ಲವೂ 'ಸಾಫ್ಟ' ಸಂಬಂದಗಳು ;
ಮನಸ್ಸಿನಲ್ಲಿರುವ ಯಾರೂ  ಇಳಿಯುತ್ತಿಲ್ಲ ,ಹೃದಯಕ್ಕೆ!

*************************
ಮನ ತುಂಬಾ ಸೂತಕ ,
ಕಣ್ಣು ಮುಚ್ಚದ ರಾತ್ರೆಗಳಲ್ಲಿ, ನೆನಪುಗಳ ಕೊಲೆ !

*********************
ಕ್ಷಮಿಸು ಹುಡುಗಿ ,
ಮಾನೀಟರ್ ನ ಪಿಕ್ಸೆಲ್ ಗಳಲ್ಲಿ ಮೂಡಿಸಿದ್ದ ನಿನ್ನ ಚಿತ್ರ
ಮೂಡಿಸಲಾಗುತ್ತಿಲ್ಲ ನಕ್ಷತ್ರಗಳ ಆಡಿಯಲ್ಲಿ..!