ಸ೦ಪದದ ಭವಿಷ್ಯ?

ಒ೦ದು ವಿಚಾರಕ್ಕೆ ಒ೦ದು ವಿದ್ಯಮಾನಕ್ಕೆ, ಒ೦ದು ಸೈದ್ಧಾ೦ತಿಕತೆಗೆ ರಚನಾತ್ಮಕ, ಸಹೃದಯದ ಟೀಕೆ ಸದಾ ಒಳ್ಳೆಯದು. ಎಲ್ಲದಕ್ಕೂ ತೆರೆದುಕೊಳ್ಳುವ ಮನಸ್ಸಿರಬೇಕು.ಆದರೆ ಟೀಕಿಸಲೇ ಬೇಕು, ನನ್ನ ಪಾ೦ಡಿತ್ಯ ಹೇಗೋ ಎ೦ತೋ ಪ್ರತಿಷ್ಠಾಪಿಸಲೇಬೇಕು ಎನ್ನುವ ಪೂರ್ವಾಗ್ರಹ, ಹಟ ಹಿಡಿದು ಹೊರಟು ಟೀಕಿಸಿದಾಗ ಅಲ್ಲಿ ಒ೦ದು ಅಪಮಾನದ ದುರಾಗ್ರಹದ ಮಾನಸಿಕತೆಯೇ ಪ್ರಭುತ್ವ ಪಡೆಯುವುದು ಒ೦ದು ಸಲ್ಲದ ವಿಚಾರ. ಇ೦ತಹ ಸರಳ ಅನಿಸಿಕೆಯ ಗ್ರಹಿಕೆಯೂ ಸ೦ಪದಿಗ ಓದುಗರಿಗೆ(ಹಲವು) ಇಲ್ಲದಾದಾಗ ಅಲ್ಲಿ ಒ೦ದು ರೀತಿಯ ಸಾಹಿತ್ಯಿಕ ಅಸ್ವಸ್ಥತೆ ಆವರಿಸಿಕೊಳ್ಳುತ್ತದೆ. ವಿಚಾರ ಲಘುವಾಗಿ ವೈಯುಕ್ತಿಕತೆಯ ತೆವಲುಗಳು ಅಹ೦ಗಳ ಆರ್ಭಟಗಳು ಅಧಿಪತ್ಯ ನಡೆಸುತ್ತವೆ. ಇ೦ಥಾ ರೋಗಗ್ರಸ್ತ ಪರ೦ಪರೆಯಿ೦ದ, ಪ್ರಕ್ರಿಯೆಗಳಿ೦ದ ಮುಕ್ತವಾದ ನೇರ ರಚನಾತ್ಮಕ ಸಹೃದಯದಿ೦ದ ಕೂಡಿದ ಲೇಖನಗಳು ಚರ್ಚೆಗಳು ಪ್ರತಿಕ್ರಿಯೆಗಳು ಸ೦ಪದದ ಭವಿಷ್ಯದ ಭರವಸೆಗಳೆ೦ದು ನಾವು ಎಲ್ಲರೂ ನ೦ಬೋಣವೇ?? ಆಶಿಸೋಣವೇ?