ಹಿಂದಿಯಲ್ಲಿ ಡಬ್ ಆದ ರಾಜ್ ಕುಮಾರ್ ಚಿತ್ರ ?

ಕನ್ನಡಕ್ಕೆ  ಪರಭಾಶಾ ಚಿತ್ರಗಳು , ಟೀವೀ ಕಾರ್ಯಕ್ರಮಗಳು ಡಬ್ ಆಗ ಬೇಕೇ ಬೇಡವೇ ಅಂತ ಚರ್ಚೆ ನಡೆದಿರೋದೂ  ರಾಜ್ ಬಳಗ ಮತ್ತು  ಇತರರು ಅದನ್ನು ವಿರೋಧಿಸುತ್ತಿರುವದೂ  ನಿಮಗೆ  ಗೊತ್ತು.

ಆದರೆ ಹಿಂದಿ ಭಾಶೆಗೆ ತೆಲುಗು ಸಿನಿಮಾಗಳು ಹೆಚ್ಚು ಡಬ್ ಆದ ಹಾಗೆ ಇದೆ . ನಂತರ ತಮಿಳು ಮಲಯಾಳಂ ಭಾಶೆಗಳ ಸಿನಿಮಾ ಅಂತ ಅನಿಸುತ್ತದೆ. ಕನ್ನಡದ ಸಿನಿಮಾಗಳು - ಟೈಂ ಬಾಂಬ್  ನಂತಹ ಹೊಡೆದಾಟದ ಸಿನಿಮಾಗಳೂ , ನಾಗಕನ್ಯೆ ಯಂತಹ ಪೌರಾಣಿಕ ಸಿನಿಮಾಗಳೂ ಅಪರೂಪಕ್ಕೆ  ಹಿಂದಿ ಚಾನೆಲ್ಲುಗಳಲ್ಲಿ ನೋಡುತ್ತೇವೆ.

ಇರಲಿ, ಡಾ||ರಾಜ್ ಕುಮಾರ್ ರವರ ಯಾವ ಚಿತ್ರಗಳು ಹಿಂದಿಗೆ ಡಬ್ ಆಗಿವೆ ? ನಿಮಗೇನಾದರೂ ಮಾಹಿತಿ ಇದ್ದರೆ ತಿಳಿಸಿ .

ಏಕೆ ಹೇಳಿದೆ ಅಂದರೆ ,  ಇತ್ತೀಚೆಗೆ ಮುಂಬೈಯಲ್ಲಿ ಮನೆಯಿಂದ ಹೊರಗೆ ಬಿದ್ದಾಗ ಆಶ್ಚರ್ಯ ಕಾದಿತ್ತು. ಗೋಡೆಗಳ ಮೇಲೆ ರಾಜ್ ಕುಮಾರ್  ಪೋಸ್ಟರ್ ಗಳು !  ಹೌದು. 'ತಿರುಪತಿ ಶ್ರೀ ಬಾಲಾಜಿ' ಅನ್ನುವ ಹೆಸರು ಹಿಂದಿಯಲ್ಲಿ . ಮೆಲೆ ಎಡಮೂಲೆಯಲ್ಲಿ with the blessings of Smt Parvatamma Rajkumar , Shri Chinnegowda presents ಅನ್ನುವ ಬರಹ . ಕೆಳಗೆ ಸಿನಿಮಾ ಹೆಸರಿನ ಅಡಿಯಲ್ಲಿ , First time in Bollywood Story of Lord Venkatesh ಅಂತ ಇತ್ತು. ಇದು  ಕನ್ನಡದ ಶ್ರೀನಿವಾಸ ಕಲ್ಯಾಣ ಸಿನಿಮಾದ ಡಬ್ಬಿಂಗ್ ಇರಬೇಕು. ಅನಿಸಿತು. ಮರುದಿನ ಈ ಪೋಸ್ಟರ್ ಗಳ ಚಿತ್ರ್ವನ್ನು ಕ್ಯಾಮೆರಾದಲ್ಲಿ ಹಿಡಿದಿದಬೇಕು ಅಂದ್ಕೊಂಡೆ.  ಆದರೆ ಮರುದಿನದ ಒಳಗೆ ಮಳೆಯಿಂದ ಎಲ್ಲ ಪೋಸ್ಟರ್ ಗಳು  ನೆಂದು ಬಿಚ್ಚಿಕೊಂಡು ಹೋಗಿದ್ದವು.

ಇದು ಇವತ್ತಿಗೆ  ಒಂದೆರಡು  ತಿಂಗಳ ಹಿಂದಿನ ಸಂಗತಿ.  ಡಾ||ರಾಜ್ ಕುಮಾರ್ ರವರ ಬೇರೆ ಯಾವ ಚಿತ್ರಗಳು ಹಿಂದಿಗೆ ಡಬ್ ಆಗಿವೆ ? ನಿಮಗೇನಾದರೂ ಮಾಹಿತಿ ಇದ್ದರೆ ತಿಳಿಸಲು ಮರೆಯಬೇಡಿ.