’ಮೋಹನ ಮೃಷ್ಟಾನ್ನ’ !

'ಶ್ರೀವತ್ಸ ಜೋಶಿಯವರ ಇತ್ತೀಚಿನ ಲೇಖನ' ಕ್ಕೆ ನನ್ನ ಪ್ರತಿಕ್ರಿಯೆ :

 

 

-ಹೊರಂಲವೆಂ, ಕ್ಯಾಂಪ್ : ಟೊರಾಂಟೋ, ಕೆನಡಾ,

 

 

'ಭೂಪಾಲಿ' ಹಾಗೂ 'ಮೋಹನರಾಗ' ಗಳ ಜೊತೆಜೊತೆಯ ಮೃಷ್ಟಾನ್ನ ಸವಿದಮೇಲೆ, ನಿಮ್ಮ 'ವಿಚಿತ್ರಾನ್ನದ ಕೆಲವು ತುಣುಕು' ಗಳನ್ನೂ ಹೀಗೆಯೇ ರಾಗಮಯ-ಅನುರಾಗಮಯವಾಗಿ ಉಣ್ಣೀಸಿ ಮಾರಾಯ್ರೆ !

 

ಈಗ ನಿಮ್ಮ ಒಲವು ಸಂಗೀತದ ಕಡೆಗೆ ವಾಲಿದೆ. ಯಾವ ವಿಷಯವೂ ನಳನಕೈಗೆ ಸಿಕ್ಕರೆ, ಅದು 'ಜೋಶಿ-ನಳಪಾಕ'ವಾಗದೆ ಇರಲು ಸಾಧ್ಯವೇ ?!

 

ಅದೆಷ್ಟು ಉತ್ತಮವಾದ ರಚನೆಗಳನ್ನು ಹೆಕ್ಕಿ-ಹೆಕ್ಕಿ ಆರಿಸಿಕೊಂಡಿದ್ದೀರಿ-ಸಿನಿಮಾವಲಯ, ಕನ್ನಡ, ತೆಲುಗು, ಮರಾಠಿ, ಹಿಂದಿ, ಚಿತ್ರಗಳು. ಮಹಾನ್ ವಿದುಷಿ,  ಗಾನ ಕೋಕಿಲಾ, ಡಾ.ಎಮ್.ಎಸ್.ಎಸ್ ರಂತಹ ಮಹಾನ್ ಸಂಗೀತಗಾರರು,  ಮತ್ತೋರ್ವ ವಿದುಷಿ,  ಗಾನಕೋಗಿಲೆ, ಲತಾದೀದಿ, ಪಿ.ಬಿ, ಬಿಪೆನ್ ಹಝಾರಿಕಾ, ನಿಜಕ್ಕೂ ಕಿವಿಯಿದ್ದವರಿಗೆ ಇದು ಅಮೃತಪಾನ, ಸಂಗೀತ ರಸಿಕರಿಗೆ ಮಧುಪಾನ !

 

(ನಾನೂ ಸಂಗೀತ ರಸಿಕನೇ; ನನ್ನ ಕಾಲೇಜ್ ದಿನಗಳಲ್ಲಿ , 'ಬಡಗನಾಡು ಸಂಘ ಹಾಸ್ಟೆಲ್'  ನಲ್ಲಿದ್ದಾಗ, 'ರಾಮನವಮಿ ಸಂಗೀತೋತ್ಸವ' ದ ವೇಳೆ, ಅದೆಷ್ಟು ಬಾರಿ, ಸಮೀಪದ 'ಬೆಂಗಳೂರಿನ ಶೇಶಾದ್ರಿಪುರಂ ಹೈಸ್ಕೂಲಿನ ಹೊರಗಿನ ಹುಲ್ಲಿನಮೇಲೆ' ಕುಳಿತು/ಮಲಗಿ ! ಸಂಗೀತದ ಅಮೃತಪಾನಮಾಡಿದ್ದೇನೋ, ನೆನಪಿಲ್ಲ !

ಜಿ.ಎನ್.ಬಿ, ಆರ್.ಕೆ.ಶ್ರೀಕಂಠನ್,  ಬಾಲಮುರುಳಿಕೃಷ್ಣ, ಶೂಲಮಂಗಳಮ್ ಸೋದರಿಯರು, ರಾಧಾ ಜಯಲಕ್ಷ್ಮಿ, ಬಾಂಬೆ ಸೋದರಿಯರು, ಅನೇಕರು, ಭೀಮ್ ಸೇನ್ ಜೋಷಿ, ಮಹಾಲಿಂಗಮ್ ಮಾಸ್ಟರ್ ಸುರೇಶ್, ಕೊಳಲು, ಚೌಡಯ್ಯನವರ ಪಿಟೀಲ್ ವಾದನ, ವಿಚಿತ್ರವೀಣೆ, ದೊರೈಸ್ವಾಮಿಯವರ ವೀಣಾ ವಾದನ, ಇತ್ಯಾದಿ) 'ಸಿಟಿ ಇನ್ಸ್ಟಿಟ್ಯೂಟ್,'  'ಆರ್. ಏನ್.ಕಾಲೋನಿ', ಮೊದಲಾದಕಡೆ....

 

* ರಾಧಾ ಮಾಧವ ವಿನೋದ ಹಾಸ,

* ಜೇನಿನ ಹೊಳೆಯೋ,

* ಜ್ಯೋತಿ ಕಲಶ ಝಲಕೆ,

* ಕಾಂಚೀರೆ ಕಾಂಚೀರೆ,

* ಇಂನ್ ಆಂಖ್ ಕೆ ಮಸ್ತೀ ಮೆ,

* ಗಿರಿಧರ ಗೋಪಾಲ,

* ಘನ ಶ್ಯಾಮ ಸುಂದರಾ ಶ್ರೀಧರ,

* ಸ್ವಾಗತಂ ಕೃಷ್ಣ,

* ಜಯತು ಜಯ ವಿಠಲ, ಒಂದೇ ಎರಡೇ 

 

ಎಲ್ಲಕ್ಕಿಂತಾ ಮಿಗಿಲಾಗಿ, ಅತ್ಯಂತ ಉತ್ತಮವಾದ ಸ್ಪಷ್ಟ, ಹಾಗೂ 'ಕರ್ಣಮಧುರವಾದ ಆಡಿಯೋ', 'ಯು-ಟ್ಯೂಬ್' ಗಳ ಬಳಕೆಯಿಂದ ನಿಮ್ಮ 'ಪ್ರೆಸೆಂಟೇಶನ್ 'ತುಂಬಾ ’ಸಕತ್ತಾಗಿ’-ಬೊಂಬಾಟಾಗಿ ಬಂದಿದೆ (ಇದೇ ಸರಿಯಾದ ಪದ)

 

-'ಅತಿ ಉತ್ತಮ್, ಅತಿ ಉತ್ತಮ್' !!

 

ಬಹುಶಃ ಸಂಗೀತದಲ್ಲಿ ಒಳ್ಳೆಯ ಪ್ರಾವೀಣ್ಯತೆಯಿರುವ 'ಹಂಸನಂದಿ' ಅವರು ನಿಮ್ಮ ಈ ಲೇಖನ  ಬಹಳವಾಗಿ ಮೆಚ್ಚುತ್ತಾರೆ. 

 

ಅದೇಕೆ, 'ಸಂಗೀತ ಕಲಿಯುವ ಮಕ್ಕಳಿಗೆ ವರ್ಕ್ ಶಾಪ್,'  ನಡೆಸಿದಾಗ ಖಂಡಿತ ಈ ನಿಮ್ಮ ರಸಕಾವ್ಯ-ಸಂಗೀತದ ತುಣುಕುಗಳು , 'ಅತಿಸಹಾಯಕವಾದ ಕಲಿಕಾಸಾಮಗ್ರಿಗಳಾಗುವುವು' ಯೆನ್ನುವುದರಲ್ಲಿ ಸಂದೇಹವಿಲ್ಲ !

 

** ಸಾಮಾನ್ಯವಾಗಿ 'ಯೂ ಟ್ಯೂಬ್,' ಬಹಳ ತೊಡಕಿನದು. ಮಧ್ಯೆ 'ಕಟ್' ಆಗುತ್ತೆ.  ನಿಮ್ಮ ಕೈಗೆ ಅವು ಸಿಕ್ಕಮೇಲೇ ಮೈಕೊಡವಿಕೊಂಡು ಓಡಿರಬಹುದೇ ??!

 

* http://youtu.be/XjlTBTOJBPo,  'ಸೌಮ್ಯರವರ',  'ಸ್ವಾಗತಂ ಕೃಷ್ಣ'