'ಸಂಪದ' ಕುರಿತು

೨೦೦೪ ರಲ್ಲಿ ಕನ್ನಡದ ಬ್ಲಾಗುಗಳು, ಕನ್ನಡ ಯುನಿಕೋಡ್ ನಲ್ಲಿದ್ದ ವೆಬ್ಸೈಟುಗಳು ಹೆಚ್ಚು ಇರಲಿಲ್ಲ. ಆಗ ಕನ್ನಡ ಲಿಪಿ ಬಳಸಿ ಕನ್ನಡದಲ್ಲಿ ಬರೆಯುವವರಿಗಾಗಿ ಎಂದು ಒಂದು ವೇದಿಕೆ ನಿರ್ಮಿಸುವ ಪ್ರಯತ್ನದಲ್ಲಿ ॑ಸಂಪದ॑ ಹುಟ್ಟಿಕೊಂಡಿದು. ಸಂಪದಕ್ಕೀಗ ಹತ್ತು ವರ್ಷಗಳು. ಇಷ್ಟು ವರ್ಷಗಳಲ್ಲಿ ಸಂಪದ ಎಷ್ಟೋ ಬರಹಗಾರರಿಗೆ ನೆಲೆ ನೀಡಿದೆ, ಅವರ ಆತ್ಮವಿಶ್ವಾಸ ಬೆಳೆಸಿದೆ. ಈಗಲೂ ಹೊಸ ಬರಹಗಾರರಿಗೆ ಪ್ರೋತ್ಸಾಹ ನೀಡುವುದಲ್ಲದೆ ಮುಂಚಿನಿಂದ ಬರೆಯುತ್ತಿರುವವರಿಗೂ ಸಹೃದಯೀ ವೇದಿಕೆಯಾಗಿ ಬಹಳಷ್ಟು ಕನ್ನಡಿಗರ ನಿತ್ಯ ಆನ್ಲೈನ್ ಜೀವನದ ಒಂದು ಅಂಗವಾಗಿಯೇ ಹೋಗಿದೆ.

ಇತ್ತೀಚೆಗೆ ಫೇಸ್ಬುಕ್ ಜನಪ್ರಿಯತೆಯಿಂದಾಗಿ ಇರುವ ಕೆಲವೇ ಕನ್ನಡ ಅಂತರ್ಜಾಲ ತಾಣಗಳು ಸೊರಗುತ್ತಿರುವಾಗ ॑ಸಂಪದ॑ಕ್ಕೆ ಕೂಡ "ಮುಂದೇನು?" ಎಂಬ ಪ್ರಶ್ನೆ ಕಾಡಿದ್ದುಂಟು. ನಡೆಸಿಕೊಂಡು ಹೋಗುವುದು ಸ್ವಲ್ಪ ಕಷ್ಟವಾದರೂ ಇದನ್ನು ನಿಲ್ಲಿಸಬಾರದು ಎಂಬ ಧೃಡ ನಿರ್ಧಾರದೊಂದಿಗೆ ಸಾಧ್ಯವಾದಷ್ಟು ನಡೆಸಿಕೊಂಡು ಹೋಗುತ್ತಿದ್ದೇವೆ. ಇನ್ನು ಇದರ ಉಪಯುಕ್ತ ಬಳಕೆ ಮಾಡುವುದು ಸಹೃದಯೀ ಓದುಗರು, ಬರಹಗಾರರಾದ ನಿಮಗೆ ಬಿಟ್ಟದ್ದು.