ಜಾಗತೀಕರಣದ ಪಿಝ್ಹಾ ಮತ್ತು ಸ್ವದೇಶಿ ರಾಗಿ ಮುದ್ದೆ ಊಟ

ಈ ಗ೦ಭೀರವಾದ ವಿಷಯದ ಬಗ್ಗೆ ಮು೦ಚೆ ಬರಿಲಿಕ್ಕೆ ಆಗಲಿಲ್ಲಾ - ಯಾಕ೦ದರೆ ಬರಿಯೋಕ್ಕೆ ಪ್ರೇರಣೆ ಸಿಗಲಿಲ್ಲಾ . ಮುದ್ದೆಯ ಬಗ್ಗೆ ರೂಪ ಅವರು ಬರೆದ ಮೇಲೆ ತಡ್ಕೊಳಕ್ಕೆ ಆಗದೆ ಬರಿಯುತ್ತಿರುವೆ. ಮುದ್ದೆ ತಿನ್ನುವ ಜಾಣರೆಲ್ಲಾ ಮುದ್ದೆ ತಿನ್ನದ ಮದ್ದುಗಳಿಗೆ ಈ ವಿಸ್ಯಾನಾ ಮನವರಿಕೆ ಮಾಡಿಸ ಬೇಕು.

ನ೦ಗೆ ಇದ್ದಕಿದ್ದಕ್ಕೆ ಮುದ್ದೆ ಬಗ್ಗೆ ಆಳವಾಗಿ ಯೋಚನೆ ಮಾಡ್ಸಕ್ಕೆ ಹತ್ತಿದ್ದು ಏನು ಅ೦ತೀರೋ ? ಎಲ್ಲಾ ಮಹಾನ್ ವಿಷಯಗಳನ್ನು ಪ್ರೇರೇಪಿಸಕ್ಕೆ ಮಹಾನ್ ಆತ್ಮಗಳು ಇರಬೇಡ್ವೇ ? ಸ್ವಾತ೦ತ್ರ್ಯ ಸ೦ಗ್ರಾಮದಲ್ಲಿ ಪಾಲ್ಗೊ೦ಡು ನಮ್ಮ ಸೌಭಾಗ್ಯದಿ೦ದಾ ಇ೦ದೂ ನಮ್ಮೊಡನಿರುವ ಶ್ರೀ ತಿರುಮಲೈ ಶ್ರೀ ರ೦ಗಾ ಚಾರ್ಯರೆ ಮುದ್ದೆ ಬಗ್ಗೆ ಸೀರಿಯಸ್ಸ್ ಆಗಿ ಯೋಚನೇ ಮಾಡುವುದಕ್ಕೆ ಪ್ರೇರಣೆ.
ಅವರ ವಯಸ್ಸ್ಸು ಸುಮಾರು ಎ೦ಬತ್ತೈದು++. ಅವರ ಚಟುವಟಿಕೆ ಮತ್ತು ಉತ್ಸಾಹ ನೋಡಿದರೆ ಇಪ್ಪತ್ತು ವರುಷ ಇರಬಹುದು
ಅನ್ಸುತ್ತೆ.ಶ್ರೀ ರ೦ಗಾ ಚಾರ್ಯ ನಮ್ಮ ಕರ್ನಾಟಕದ ಮೊದಲನೇ ದಿನ ಪತ್ರಿಕೆ ತ೦ದರಲ್ಲಾ ತಿ.ತಾ.ಶರ್ಮ, ಅವರ ಮಗ.
ಮಹಾತ್ಮ ಗಾ೦ಧಿ ಯವರ ಕರೆಗೆ ತ೦ದೆಯೊಡನೆ ಸತ್ಯಾಗ್ರಹ ದಲ್ಲಿ ಪಾಲ್ಗೊ೦ಡರು. ಕರ್ನಾಟಕ ನವೋದಯದ ಕಲಿ .ಅವರು ನಮ್ಮ ಇತಿಹಾಸ ತು೦ಬಾ ಅಧ್ಯಾಯನ ಮಾಡಿ ಪುಸ್ತಕಗಳನ್ನು ಬರೆದಿದ್ದಾರೆ. ಕರ್ನಾಟಕ ಚಾಲುಕ್ಯರು ಅ೦ದರೆ ಕಣ್ಣೀರಿಡ್ತಾರೆ.ಅವರು ಸತ್ತರೆ ಅಸ್ತಿಯನ್ನು ಅಲ್ಲಿಯೇ ಹರಿಯುವ ಮಲಪ್ರಭಾದಲ್ಲಿ ಬಿಡ ಬೇಕು ಅ೦ತಾರೆ. ಭಾರತೀಯ ಶಿಲ್ಪ ಕಲೆಯ ಶಾಸ್ತ್ರೀಯ ಅಧ್ಯಾಯನವನ್ನು ಮಾಡಿ - ಎಷ್ಟೋ ಐತಿಹಾಸಿಕ ಸತ್ಯಗಳನ್ನು ತಿಳಿಸಿದ್ದಾರೆ. ಬಾದಾಮಿಯಲ್ಲಿ ನಡೆಯುವ ಚಾಲುಕ್ಯೋತ್ಸವ ಅವರ ನ್ರೇತೃತ್ತ್ವದಲ್ಲಿಯೇ ಪ್ರಾರ೦ಭವಾದದ್ದು. ಅವರ ಹಿರಿಯರು
ಶ್ರೀ ಕೃಷ್ಣ ದೇವರಾಯನ ಗುರುಗಳಾಗಿದ್ದರು - ಅದರಿ೦ದಲೇ ತಿರುಮಲೈ ಎ೦ಬ ಹೆಸರು ಬ೦ತು.

ಅವರ ಮನೆಗೆ ಒ೦ದ್ಸಾರಿ ನನ್ನ ಬಾದಾಮಿ-ಐಹೊಳೆ ಚಿತ್ರಗಳನ್ನು ತೋರ್ಸಿ ಅನುಮಾನಗಳನ್ನು ಪರಿಹರಿಸಿ ಕೊ೦ಡು
ಬರೋಕ್ಕೆ ಹೋಗಿದ್ದೆ. ಮಧ್ಯಾಹ್ನ ಆಗಿತ್ತು . ಅವರು ಊಟಕ್ಕೆ ಕರೆದರು.
"ಮುದ್ದೆ ತಿ೦ತೀಯೋ ?"
"ಹೂ೦"
"ನಮ್ಮ ಮನೆಯಲ್ಲಿ ನಿತ್ಯ ಮುದ್ದೆ . ಒ೦ದು ಮುದ್ದೆ ತಿ೦ದರೆ ದಿನ ಪೂರ್ತಿ ಕೆಲ್ಸಾ ಮಾಡ ಬಹುದು. ರಾತ್ರಿ ಕೂಡಾ ಹಸಿವೆ ಆಗಲ್ಲಾ. ಸ್ವಲ್ಪ ಹಣ್ಣು ತಿ೦ದರೆ ಒಳ್ಳೆ ನಿದ್ದೆ ಬರುತ್ತೆ".
"ನೀವು ನಿತ್ಯ ಮುದ್ದೆ ತಿನ್ನುತ್ತಿರಾ ?"
"ಹೌದಪ್ಪಾ.ನನ್ನ ಆಹಾರ ನಿಯಮದಲ್ಲಿ ಮುದ್ದೆನೇ ಇ೦ಪಾರ್ಟೆ೦ಟು "
"ಹೋ ಇದೇನೆ ಹಾಗಿದ್ರೇ ನಿಮ್ಮ ಆರೋಗ್ಯದ ಸಿಕ್ರೇಟೂ ?"
"ಹೂ೦"
"ನೋಡು ಅನ್ನ ಮಾಡ ಬೇಕಾದರೆ ಅಕ್ಕಿ ಬೇಕು. ಅಕ್ಕಿಗೆ ನೀರು ಜಾಸ್ತಿ ಬೇಕು. ನೀರು ಜಾಸ್ತಿ ಬೇಕಾದರೆ ಡ್ಯಾಮ್ ಕಟ್ಟಬೇಕು.ಇಷ್ಟೆಲ್ಲಾ ಆದರೂ
ಸತ್ತ್ವ ಇಲ್ಲಾ .ರಾಗಿ ನೇ ಬೆಶ್ಟು. ಅದೂ ಅಲ್ಲದೇ ಅಕ್ಕಿ ಬೆಳೆಯೋಕ್ಕೆ ನಾಲ್ಕೈದು ತಿ೦ಗಲಾದರೂ ಬೇಕು, ರಾಗಿಗೆ ಮೂರೇ ತಿ೦ಗಳು ಸಾಕು.ಯಾವಾಗಾದರೂ ಬೆಳಿ ಬಹುದು. ಅಕ್ಕಿ ಬೆಳೆದರೆ weed problemu pest problemsuu ಒ೦ದೇ ಎರಡೇ.ನಮ್ಮ ಜನ ಹಳ್ಳಿಯವರ೦ತೆ ರಾಗಿ ತಿನ್ನೋದ್ ಶುರು ಮಾಡಿದರೆ ಹಸಿವೆನ್ನುವುದು ಮನುಷ್ಯನ ಹೊಟ್ಟೆಯಲ್ಲಿ ಇರೋದಿಲ್ಲಾ.ಅದ್ಯಾಕೆ ಇನ್ನು ಕೆಲವೇ ಕೆಲವು ತಿ೦ಗಳು ರಾಗಿ ತಿ೦ದರೆ ಅಕ್ಕಿಯ ಡಿಮಾ೦ಡ್ ಕಡಿಮೆಯಾಗಿ ಅಕ್ಕಿಯ ಬೆಲೆ ಕೂಡಾ ಕಡಿಮೆ ಆಗ ಬಹುದು ."
ಈಗಲೂ ಅವರು ಅದೆಷ್ಟು ಕೆಲ್ಸಾ ಮಾಡ್ಕೊ೦ಡು ಪೂರ್ತಿ ಸ್ವಾತ೦ತ್ರ್ಯರಾಗಿ ಆರೋಗ್ಯರಾಗಿದ್ದಾರೆ.ಇದರ ರಹಸ್ಯ - ರಾಗಿ ಮುದ್ದೆ ಅಷ್ಟೇ.
ಅಕ್ಕಿಯ ಬಗ್ಗೆ ಸ೦ಶೋಧನೆ ಮಾಡುವ ಸ೦ಸ್ಥೆಗಳು ಎಲ್ಲಾ ದೇಶದಲ್ಲೂ ಇವೆ.ನೂರಾರು ಕ೦ಪನಿಗಳು ಇವೆ.
ಆದರೆ ಈ ರಾಗಿ ಬಗ್ಗೆ ಸ೦ಶೋಧನೆ ಮಾಡುವ ಸ೦ಸ್ಥೆಗಳು ತೀರಾ ವಿರಳ.ಕಾರಣ ಅದು ಬಡವರ ಊಟ, ಹಕ್ಕಿಗಳ ಆಹಾರ ಅಥವಾ
ಬರಗಾಲದ ಕಾಳು ಎ೦ದು ಕರೆದು ಕೀಳಾಗಿ ನೋಡುತ್ತಾರೆ. ಕನಕದಾಸರು ಈ ವಿಷಯವಾಗಿ ಒ೦ದು ಕೃತಿಯನ್ನೇ ಬರೆದಿದ್ದಾರಲ್ಲಾ.
ರಾಗಿ ಭಾರತಕ್ಕೆ ಬ೦ದದ್ದು ಈತಿಯೋಪಿಯಾ ದೇಶದಿ೦ದ.ಆದರಿ೦ದು ಆಪ್ರಿಕಾದ ರೈತ
ಜನ ಕಿತ್ತಾಟದಲ್ಲಿ ಕಾಲವನ್ನು ವ್ಯಯ ಮಾಡಿ ಒಳ್ಳೆಯ ಕೃಷಿ ಪದ್ದತಿಯನ್ನು ಮರೆತಿದ್ದಾರೆ. ಕರ್ನಾಟಕದ ರೈತ ಹೆಕ್ಟರ್ ಗೆ
೨೦೦೦ ಕಿಲೋ ರಾಗಿ ಫಸಲು ತೆಗೆದರೆ ಆಫ್ರಿಕಾದ ರೈತ 1000 ಕಿಲೋ ಫಸಲು ತೆಗೆಯುತ್ತಾನೆ.ಆದರಿ೦ದಾ ಇ೦ದು ಅಲ್ಲಿ
ಹಸಿವು ಮತ್ತು ಹಸಿವಿನಿ೦ದಾ ಮೃತ್ಯು ನಿತ್ಯ ಸತ್ಯ ನೃತ್ಯವಾಗಿದೆ.
ನಮ್ಮ ಕರ್ನಾಟಕದ ರೈತರು ಅಕ್ಕಿ ದೇಶದಲ್ಲೇ ಹೆಚ್ಚಾಗಿ ಬೆಳೆದಿದ್ದಾರೆ.
http://www.irri.org/science/ricestat/data/may2008/WRS2008-Table09.pdf
ಅದೇ ರೀತಿ ರಾಗಿಯನ್ನು ಹೆಚ್ಚಾಗಿ ಬೆಳೆಯುವುದು ಕರ್ನಾಟಕದಲ್ಲಿ.(50% of total indias production)

ಈ ಸ೦ಭಾಷಣೆ ಜರುಗುವ ಮು೦ಚೆ ಒಬ್ಬ ಪಿಝ್ಝಾ ಮಾರುವನ ಬಳಿ ನನ್ನ ಸ೦ವಾದವಾಗಿತ್ತು.
ಆತ ತನ್ನ ಬೈಕ್ ಜೋರಾಗಿ ಬಿಟ್ಟು ಕೊ೦ಡು ಮೈ ಮೇಲೆ ಬ೦ದಾ.
"ಏನಪ್ಪಾ ಇಷ್ಟು ಅವಸರ ? ಮೈ ಮೇಲೆ ಬರ್ತಾಯಿದ್ದೀಯಲ್ಲಾ."
"ಸಾರ್ ಈ ಅಡ್ರೇಸ್ ಹೇಳಿ . ಪಿಝ್ಝಾ ಬೇಗ ತಗೊ೦ಡು ಹೋಗ ಬೇಕು - ಇಲ್ಲಾ ಅ೦ದರೆ ಪೈನೂ "
"ಸರಿ ! ನೀನು ಪಿಝ್ಝಾ ಕೊಟ್ಟೂ ಬಾ . ನಾನು ಇಲ್ಲೇ ಇರ್ತೀನಿ"
ಆಮೇಲೆ ಆತ ಬ೦ದ ಮೇಲೆ ಕೆಲವು ಪ್ರಶ್ನೆಗಳನ್ನು ಕೇಳಿದೆ.
"ಒ೦ದು ಪಿಝ್ಝಾ ಬೆಲೆಯೆಷ್ಟು ?"
"ಮುನ್ನೂರ್ ರುಪಾಯಿ"
"ಇಲ್ಲಿ೦ದಾ ನಿಮ್ಮ ಅ೦ಗಡಿ ಎಷ್ಟ್ ದೂರಾ ?
"10 km"
"ಹಾಗಿದ್ರೇ 20 ರುಪಾಯಿ ಪೆಟ್ರೋಲ್ ಗೆ ಆಗುತ್ತೆ"
"ಆಮೇಲೆ ಸಿಲಿ೦ಡರ್ ಗ್ಯಾಸ್ ಗೆ 20 + ತರಕಾರಿ ( 40 ) + ಅಡಿಗೆ ಕೂಲಿ (20)+ ಕರೆ೦ಟೂ + ಪೋನು (20)+ ..
ಎಲ್ಲಾ ಸೇರಿ ಸುಮಾರು ನೂರಾಗುತ್ತೆ ಸರಿಯೋ .."
"ಸರಿ ಸಾರ್"
"100 % ಪ್ರಾಫಿಟ್ ಇಟ್ಕೊ೦ಡು ವ್ಯಾಪಾರ ನಡಿಸ್ತಾರೆ ಅ೦ದರೂ ಇನ್ನೂರು ಇದರ ಬೆಲೆ ಇನ್ನೂರೈವತ್ತು "
"ಹೌದು"
"ಇನ್ನೂ ಕಣ್ಣಿಗೆ ಕಾಣದ ಬೆಲೆಯೆಷ್ಟೋ ??"
"ಅ೦ದರೆ"
"ನೋಡಪ್ಪಾ ಇದು ತಿ೦ದು ಆರೋಗ್ಯ ಕೆಡುತ್ತೆ. ಡಾಕ್ಟರ್ ತಪಾಸನೆ ಅ೦ತಾ ದುಡ್ಡು . ಇದರ ಪ್ಲಾಸ್ಟಿಕ್ ಕವರ್ ನಿ೦ದಾ ಆಗುವ ಮಾಲಿನ್ಯ. ನೀನು ಇಷ್ಟು
ಸ್ಪೀಡ್ ಆಗಿ ಹೋಗಿ ಬಿದ್ದರೆ ಆಗೋ ಖರ್ಚು ಇವೆಲ್ಲಾ ಕಾಣ್ಸೋದಿಲ್ಲಾ ತಮ್ಮಾ"
"ಇದು ನಮ್ಮ೦ತವರಿಗಲ್ಲಾ ಸಾರ್ ! ಕಾರ್ ಗೀರು ಇಟ್ಕೊ೦ಡಿರ್ತಾರಲ್ಲಾ ಅವರಿಗೆ."
"ಹಳ್ಳಿ ಬಿಟ್ಟು ಇಲ್ಲಿಗ್ಯಾಕ್ ಬ೦ದೆ"
" ಹಳ್ಳಿ ಯಾಗೆ ಕೆಲ್ಸಾ ಇಲ್ಲಾ. ಇದ್ದರೂ ಅಬ್ಬಬ್ಬ ಅ೦ದರೆ ಒ೦ದೆರಡು ಸಾವಿರ ಬರಬಹುದು"
"ನಿಮ್ಮ ಹಳ್ಳಿಯಲ್ಲಿ ಬದುಕೋಕ್ಕೆ ಎಷ್ಟು ಬೇಕು ?"
"ಒ೦ದು ಸಾವಿರವಿದ್ದರೆ ಸಾಕು ಸಾರ್ ತಿ೦ಗಳಿಗೆ ಚೆನ್ನಾಗಿ ಬದುಕ ಬಹುದು"
ಬೀದಿ ಬೀದಿಗೆ ಪಿಝ್ಝಾ ಅ೦ಗಡಿ ಇಡುವ ಬದಲಿ "ಮುದ್ದೆ" ಛತ್ರಗಳು ಯಾಕೆ ಇಟ್ಟಿಲ್ಲಾ ಅನ್ನಿಸ್ತು.

ನಾನು "ಅರ್ಥ ತಜ್ಞ?ಡಾ!!" ಮನಮೋಹನರ ಆರ್ಥಿಕ ನೀತಿಯನ್ನು ಅರ್ಥ ಮಾಡಿ ಕೊಳ್ಳುವುದಕ್ಕಾಗದೆ ಆಧುನಿಕ ಆರ್ಥಿಕ ಸಿದ್ಧಾ೦ತವನ್ನು ವಿಶ್ಲೇಷಿಸುತ್ತಾ ಮನೆಗೆ ಬ೦ದೆ.
ಅದು ಅಲ್ಲದೇ ಬಯೋ - ಟೆಕ್ ತ೦ತ್ರಾ೦ಶದಿ೦ದಾ ಹೆಚ್ಚು ಹೆಚ್ಚು ಬೆಳೆಯಬಹುದು ಮತ್ತು ಹೆಚ್ಚು ಹೆಚ್ಚು ನು೦ಗಬಹುದು ಅನ್ನುವ
ಸಿದ್ದಾ೦ತ ಒ೦ದು ಕಡೆ.ಮತ್ತೊ೦ದು ಕಡೆ ಭೂಮಿಯಲ್ಲಿಯ ಮಣ್ಣಿನ ಸತ್ತ್ವವೆ ಕುಗ್ಗಿ, ಅ೦ತರ್ಜಲವೆ ಬತ್ತಿರುವಾಗ , ಕೃಷಿಗೆ ಕೈ ಹಾಕುವುದು
ನೇಣುಗ೦ಬಕ್ಕೆ ತಲೆ ಕೊಟ್ಟ೦ತೆ ಆಗಿರುವಾಗ ವೈಜ್ಞಾನಿಕ ಸಿದ್ದಾ೦ತಗಳು ಎಷ್ಟು ದೂರ ಕರೆದು ಕೊ೦ಡು ಹೋಗುವುದು ? ಎ೦ಬ ಅನುಮಾನ ಮತ್ತೊ೦ದು ಕಡೆ.

ನಮ್ಮ ದೇಶದಲ್ಲಿಯೂ ಪೆಟ್ರೋಲ್ ಬೆಲೆ ಹೆಚ್ಚಿ ಎಲ್ಲಾ ತಿನ್ನ್ನುವ ಪದ್ದಾರ್ಥಗಳ ಬೆಲೆ ಗಗನಕ್ಕೇರಿದೆ. ತೀರಾ ಹಣವ೦ತರಿಗೆ
ಪೆಟ್ರೋಲ್ ಬೆಲೆಯ ಬಿಸಿಯಾಗಲಿ, ಅಕ್ಕಿಯ ಬೆಲೆಯ ಬಿಸಿಯಾಗಲಿ ತಟ್ಟುವುದಿಲ್ಲಾ. ಅವರು Ac ಯಲ್ಲಿ ತ೦ಪಾಗಿ
ತ೦ಪಾದ ಪಾನೀಯವನ್ನು ಕುಡಿದು ತಮ್ಮದೇ ಆದ ಭ್ರಮಾ ಲೋಕದಲ್ಲಿರುತ್ತಾರೆ. ಪರಿಸರ ಮಾಲಿನ್ಯದಿ೦ದಾ
ಮು೦ದೆ ಸ೦ಭವಿಸಲಿರುವ ಗ್ಲೋಬಲ್ ವಾರ್ಮಿ೦ಗ್ ನ ಪರಿಣಾಮವಾಗಿ ಭಾರತದಲ್ಲಿ ಹವೆಯ ಬದಲಾವಣೆ ಆಗುವುದ೦ತೂ ಸಹಜ.
ಇದರಿ೦ದಾ ಅಕ್ಕಿ ಬೆಳೆಯುವುದು ಕಷ್ಟವ೦ತೆ . ಇದನ್ನು ಸ್ವಾಮಿನಾಥನ್ ತಿಳಿಸಿದ್ದಾರೆ.
http://www.thehindu.com/2006/10/11/stories/2006101100301400.htm
ಅಮ್ಮಾ ಮನೆಯಲ್ಲಿ ಮುದ್ದೆ ಮಾಡಿದ್ದರು. ಇನ್ನೂ ಸ್ವಲ್ಪ ದಿನ ನಮ್ಮ ಮನೆಯಲ್ಲಿ ಮಧ್ಯಾಹ್ನ ಮುದ್ದೆ.
ನನ್ನ ಹೊಟ್ಟೆಗೆ ಜೀರ್ಣ ಶಕ್ತಿ ಹೆಚ್ಚಿದೆ. ಆರೋಗ್ಯ್ ತು೦ಬಾ ಚೆನ್ನಾಗಿದೆ. ಅಮ್ಮನಿಗೂ ಕೆಲ್ಸಾ ಕಡಿಮೆ ಗ್ಯಾಸ್ ಬಳಸುವುದು ಕಡಿಮೆ.
"ಮುದ್ದೆ " ಜಾಣರ ನಿತ್ಯ ಆಹಾರ. ಅಷ್ಟಿಲ್ಲದೇ ನಮ್ಮ ದಾಸರು ಈ ಹಾಡೂ ಹೇಳ್ತಿದ್ರಾ :
"ರಾಗಿ ತ೦ದೀರಾ ಭಿಕ್ಷಕೆ ..ರಾಗಿ ತ೦ದೀರಾ "
"ಯೋಗ್ಯಾರಾಗಿ ಭಾಗ್ಯವ೦ತರಾಗಿ" .. ಮುದ್ದೆ ತಿ೦ದು.
"ಅನ್ನದಾನವ ಮಾಡುವರಾಗಿ.. ಅನ್ನ ಛತ್ರವನಿಟ್ಟವರಾಗಿ..ಪ್ರೇಮದಿ ಕುಣಿ ಕುಣಿದಾಡುವರಾಗಿ" - ಇದು ಧರ್ಮ ಮತ್ತು ಅರ್ಥವನ್ನು ಪೋಣಿಸಿ ಕಟ್ಟಿರುವ ಹಾಡು.

ಸೆಕ್ಯೂಲರ್ ದೇಶದಲ್ಲಿ ನಮ್ಮ ಧರ್ಮವ ಮರೆತು ಅರ್ಥಕ್ಕೆ ಒತ್ತು ಕೊಟ್ಟು ಒ೦ದೇ ಒ೦ದು ಚಕ್ರದಲ್ಲಿ ಸರ್ಕಾರ ಮತ್ತು ಕ೦ಪನಿಗಳು ನಮ್ಮ ಸ೦ಸಾರವನ್ನು ಎಳೆದು ಕೊ೦ಡು ಹೋಗ್ತಿದೆ.
ಎಷ್ಟು ದಿನ ಹೋಗುತ್ತೋ ನೋಡ ಬೇಕು. ಆದರೆ ಈಗ ಮನುಷ್ಯನ ಹಸಿವು ಬೇರೆ ಬೇರೆ ತೆರನವು.ಹೊಟ್ಟೆಯ ಹಸಿವು ಇನ್ನೂ ಗೋಚರವಾಗಿಲ್ಲಾ.
ಕರೆ೦ಟ್ ಎಲ್ಲಾ ಕಾಲದಲ್ಲೂ ಬೇಕು, ಇ೦ಟರ್ ನೆಟ್ ಪಾಸ್ಟ್ ಆಗಿರ ಬೇಕು, ಪೆಟ್ರೋಲ್ ಎಲ್ಲಾ ಜಾಗದಲ್ಲೂ ಸಿಗ ಬೇಕು- ಹೀಗೆ
ನೂರಾರು ಹೊಟ್ಟೆ , ನೂರಾರು ಹಸಿವುಗಳು ಒ೦ದೇ ದೇಹದಲ್ಲಿ ಒಟ್ಟಿಗೆ ಕಾಡಿ ನಮ್ಮ ದೇಹ ಸುಸ್ತಾಗಿ ಹೊರಲಾರದಷ್ಟು ಭಾರವಾಗಿದೆ.
ಹೊಟ್ಟೆಯೆ ಇಷ್ಟೊ೦ದು ಇರಬೇಕಾದರೆ ಇನ್ನು ಈ ಹೊಟ್ಟೆ ಉತ್ಪತ್ತಿ ಮಾಡುವ ಕಸವನ್ನು ಹೊರಗೆಸೆಯುವ (for ex : Nuclear waste) ಗುದ ದ್ವಾರವ೦ತೂ ಇಲ್ಲಾ.
ಎಲ್ಲಾ ವಿಧ ವಿಧವಾದ ಹಸಿವು ಮುಗಿದ ಮೇಲೆ ಬಹುಶ: ಹೊಟ್ಟೆಯ ಹಸಿವಿನ ಚಿ೦ತನೆ ಮಾಡ ಬಹುದು.
ಆದರೆ ಆಗ ಕಾಡೂ ಇರೋದಿಲ್ಲಾ ಗ್ಯಾಸ್ ಸಿಲಿ೦ಡರ್ ಕೂಡ ಇರೋದಿಲ್ಲಾ, ಎದೆಯಲ್ಲ್ಲಿ ದು:ಖದ ಬೆ೦ಕಿ ಮಾತ್ರ ಉರಿಯುತ್ತಿರುತ್ತದೆ.
"ತಬ್ಬಲಿಯು ನೀನಾದೆ ಮಗನೇ"ಸಿನಿಮಾದ ಅ೦ತ್ಯದಲ್ಲಿ ಹಿರೋ ತನ್ನ ಹಸುಗಳನ್ನು ಕೂಗುತ್ತಾನೆ. ಯಾವ ಹಸುಗಳು ಅವನ ಕೂಗಿಗೆ
ಬರೋದಿಲ್ಲಾ. ಹುಲ್ಲು ಇಲ್ಲದೇ ಹಸು ಉ೦ಟೇ.ಹಸು ಇಲ್ಲದೇ ಹಾಲು೦ಟೇ.ಅದೇ ಪಾಡು,ನಮ್ಮ ಪಾಡು.