ಗುರುತಿನ ಚೀಟಿ-ಝೆನ್ ಕಥೆ

ಕಿತಾಗಾಕಿ ಗುರುವನ್ನು ಭೆಟ್ಟಿಯಾಗಲು ಬಂದ . ಆಗ ಅವನು ಕ್ಯೋಟೊ ಪ್ರಾಂತದ ರಾಜ್ಯಪಾಲನಾಗಿದ್ದ . ತನ್ನ ಗುರುತಿನ ಚೀಟಿಯನ್ನು ಗುರುವಿನ ಸಹಾಯಕನ ಮೂಲಕ ಕೊಟ್ಟು ಕಳಿಸಿದ . ಆ ಚೀಟಿಯಲ್ಲಿ ಹೀಗೆ ಬರೆದಿತ್ತು - " ಕಿತಾಗಾಕಿ , ಕ್ಯೋಟೊದ ಗವರ್ನರ್ ". ಗುರು ಅದನ್ನು ನೋಡಿ ಹೇಳಿದ - " ಗವರ್ನರ್ ಜತೆಗೆ ನನಗೆ ಏನು ಕೆಲಸ ? ಅವನಿಗೆ ಹೋಗಲು ಹೇಳಿ " . ಸಹಾಯಕ ವಿಷಾದ ಸೂಚಿಸುತ್ತ ಆ ಚೀಟಿಯನ್ನು ಹೊರಗೆ ಕಾದು ನಿಂತಿದ್ದ ಕಿತಾಗಾಕಿಗೆ ಮರಳಿಸಿದ . "ನನ್ನದೇ ತಪ್ಪು " ಎಂದ ರಾಜ್ಯಪಾಲ ಚೀಟಿಯಲ್ಲಿದ್ದ " ಕ್ಯೋಟೊದ ಗವರ್ನರ್ " ಎಂಬ ಬರಹವನ್ನು ಗೀಚಿ ಮರೆ ಮಾಡಿ ' ನಿಮ್ಮ ಗುರುಗಳನ್ನು ಇನ್ನೊಮ್ಮೆ ವಿನಂತಿಸುತ್ತೀರಾ ? ' ಎಂದು ಕೇಳಿದ . ಗುರು ಆ ಚೀಟಿಯನ್ನು ನೋಡಿದವನೇ " ಓ! ಇದು ನಮ್ಮ ಕಿತಾಗಾಕಿಯಲ್ಲವೇ ? ನಾನು ಈ ಮನುಷ್ಯನನ್ನು ನೋಡಬೇಕಲ್ಲ ? " ಎಂದ .