ದನಿ ಇರದ ಮೌನ (ಕವನ)

ಪದೇ ಪದೇ ನಿನ್ನ ನೆನಪಿಸಿಕೊಂಡಾಗ
ಬಿಕ್ಕಳಿಸಿ ಅಳುತಿದೆ ಮನಸು
ಯಾರದೋ ದನಿಯ ಕೇಳಿ
ತಿರುಗಿ ನೋಡುತಿದೆ ಹೃದಯ
ನೀ ಸನಿಹ ಬಂದಿಲ್ಲವೆಂದು ತಿಳಿದು
ಬೇಸರದಿಂದ ಮುದುಡಿಕೊಳ್ಳುತ್ತಿದೆ ಕಣ್ಣು

ಪ್ರೀತಿಯು ಹೃದಯದಲ್ಲಿ ಬಂದಿಯಾಗಿದೆ
ಯಾತನೆಯ ಅನುಭವಿಸದೆ ನರಳುತ್ತಿದೆ
ಬಿಡುಗಡೆಗಾಗಿ ನಿನಗಾಗಿ ದಾರಿ ಕಾಯುತ್ತಿದೆ
ನಾನು ಪ್ರೀತಿ ಪಡೆಯಲು ಕಾದು ಕುಳಿತಿರುವ ಪರಾವಲಂಬಿ
ನನ್ನಷ್ಟಕ್ಕೆ ನಾನು ದುಃಖವ ನುಂಗುವ ಸ್ವಾವಲಂಬಿ

ನೀನಿಲ್ಲದ ನೋವಿನ ಅಲೆಗಳು ಬಂದೆರಗಿ ಅಪ್ಪಳಿಸುತ್ತಿವೆ
ನೀನಾಡಿದ ಸವಿ ಮಾತುಗಳು ಎದೆಯಲ್ಲಿ ಪ್ರತಿದ್ವನಿಸುತ್ತಿವೆ
ನನ್ನ ಮೌನದೊಂದಿಗೆ ಸೇರಿ ವಿರಹದ ಹಾಡಾಗಿದೆ