ಕವಿತೆ ಹುಟ್ಟುವ ಸಮಯ....

ಕವಿತೆಗಳು ಹುಟ್ಟುತ್ತವೆ
ನಿನ್ನ ಹೆಜ್ಜೆಯ ಗುರುತನ್ನು ಹೆಕ್ಕಿ
ಅದರ ಮೇಲೆ ನನ್ನ ಹೆಜ್ಜೆಯನ್ನಿಡುವಾಗ...

ಕವಿತೆಗಳು ಹುಟ್ಟುತ್ತವೆ
ನಿನ್ನ ಹಿತವಾದ ಸ್ಪರ್ಶದಂತೆ
ಮಂದ ಮಾರುತವು ನನ್ನ ಮೈ ತಾಕಿದಾಗ

ಕವಿತೆಗಳು ಹುಟ್ಟುತ್ತವೆ
ನಿನ್ನ ಹಾದಿಯಲಿ ಕಣ್ಣಿಟ್ಟು
ಕಾತರದಿ ಕಾಯುವ ಆ ವೇಳೆಗಳಲಿ...

ಕವಿತೆಗಳು ಹುಟ್ಟುತ್ತವೆ
ಕನಸಲ್ಲಿ ನೀ ಬಂದು ಹೋದರೂ
ಅದನ್ನೇ ನೆನಪಿಸಿ ದಿನ ಕಳೆದಾಗ

ಕವಿತೆಗಳು ಹುಟ್ಟುತ್ತವೆ ಹೀಗೆ...
ನಿನ್ನ ನಿರೀಕ್ಷೆಯಲ್ಲಿ ಸಮಯ
ಕಳೆಯುವಾಗ, ಮತ್ತೆ ಕಳೆದ
ಸಮಯವನ್ನು ನೆನಪಿಸಿದಾಗ.....