ಮಿರೋ ಎಂಬ ಮೀಡಿಯ ಕಿಟಕಿ
ಡೆಮಾಕ್ರಸಿ ಪ್ಲೇಯರ್ ಎಂದು ಶುರುವಾದ ಮಿರೋ ಯೋಜನೆಗೆ ಈಗ ೨.೦ ಆವೃತ್ತಿಯ ಸಂತಸ. ಇದೊಂದು ಇಂಟರ್ನೆಟ್ ಟಿವಿ ಪ್ರೋಗ್ರಾಮು. ಅಂದರೆ ಇಂಟರ್ನೆಟ್ಟಿನಲ್ಲಿ ಲಭ್ಯವಿರುವ ವೀಡಿಯೋ, ಲೈವ್ ಸ್ಟ್ರೀಮುಗಳು - ಇವನ್ನೆಲ್ಲ ಒಂದೆಡೆಯೇ ಲಭ್ಯವಾಗಿಸುವ ತಂತ್ರಾಂಶ. ಟಿ ವಿ ಇದ್ದ ಮೇಲೆ ಮತ್ಯಾಕೆ ಇಂಟರ್ನೆಟ್ ಟಿವಿ? ಎಂಬ ಪ್ರಶ್ನೆ ಬರಬಹುದು. ಈ ಸಾಫ್ಟ್ವೇರಿನಲ್ಲಿ ನಿಮಗೆ ಬೇಕಾದ ಕಾರ್ಯಕ್ರಮವನ್ನು ನಿಮಗೆ ಬೇಕಾದ ಸಮಯಕ್ಕೆ ನೋಡಬಹುದು! ಸಾಮಾನ್ಯವಾಗಿ ನೀವು ಮಾಡುವುದೇನು? "ಎಂಟು ಗಂಟೆಗೆ ನನ್ನ ಫೇವರೇಟ್ ಕಾರ್ಯಕ್ರಮ... ಅಷ್ಟರಲ್ಲಿ ಮನೆ ಸೇರಬೇಕು" ಎಂದುಕೊಂಡು ಓಡುತ್ತಿರುತ್ತೀರಿ.
ಒಂದೊಮ್ಮೆ - ನಿಮಗೆ ಬೇಕಾದ ಕಾಯಕ್ರಮದ ಬೇಕಾದ ಎಪಿಸೋಡು ನಿಮಗೆ ಬೇಕಾದ ಸಮಯಕ್ಕೆ ಪ್ಲೇ ಮಾಡುವ ಹಾಗಿದ್ದರೆ? ಇದನ್ನು ಮಿರೋ ಮಾಡುತ್ತದೆ.
('ಟೆಕ್' ಸಂಪದ ತಂತ್ರಜ್ಞಾನ ಆಸಕ್ತ ಕನ್ನಡಿಗರ ತಂತ್ರಜ್ಞಾನ ಕುರಿತ ಟಿಪ್ಪಣಿಗಳು, ಬರಹಗಳನ್ನು ಒಂದೆಡೆ ಲಭ್ಯವಾಗಿಸುವ 'ಸಂಪದ' ಸಮುದಾಯದ ಮತ್ತೊಂದು ಪೋರ್ಟಲ್. ಈ ಪೋರ್ಟಲ್ಲಿನ ಸುತ್ತ ಈಗಾಗಲೇ ಇರುವ ಟೆಕ್ ಆಸಕ್ತರ ಸಮುದಾಯ ತಂತ್ರಜ್ಞಾನ ಕುರಿತು ಕನ್ನಡದಲ್ಲಿ ಹೆಚ್ಚು ಹೆಚ್ಚು ಬರೆಯಲು ಎಲ್ಲ ಟೆಕ್ ಆಸಕ್ತರನ್ನು ಪ್ರೋತ್ಸಾಹಿಸುವ ಉದ್ದೇಶ ಇಟ್ಟುಕೊಂಡಿದೆ. ಟೆಕ್ ಸಂಪದದಲ್ಲಿ ಪಾಲ್ಗೊಳ್ಳುವುದು ಬಹಳ ಸುಲಭ - ನಿಮ್ಮ ಸಂಪದ ಐಡಿ ಬಳಸಿ ಇಲ್ಲಿ ಲಾಗಿನ್ ಆಗಿ)