ಮಲ್ಲಿಗೆ ಮಗು.

ರೋಹಿಣಿ

ರತ್ನದಂತ ಹುಡುಗಿ ಇವಳು ರಾಮ ಕೋಟ್ಟ ಉಡುಗೊರೆ
ಕಪಟವರಿಯದ ಇವಳು ಕೃಷ್ಣ ಕೊಟ್ಟ ಉಡುಗೊರೆ
ಶಿವನ ಕೊಡುಗೆ ಶಿವಾನಿ
ಭಾಗ್ಯದಾತೆ ಭವಾನಿ

ಮೃದುವಾದ ವಾಕ್ ಸಿರಿಯು ವಾಣಿ ಕೊಟ್ಟ ಉಡುಗೊರೆ
ಬಡತನವ ಸರಿಸಿ ಹರಿಯ ಸಿರಿಯು ಕೊಟ್ಟ ಉಡುಗೊರೆ
ಮಧುರ ಸ್ವರದ ಇನಿದನಿ
ಮಾತಿನಲ್ಲಿ ಅರಗಿಣಿ

ಉಡುಗೆ ತೊಡುಗೆಯಲ್ಲಿ ಇವಳ ನೋಟವೇ ಉಡುಗೊರೆ
ಆಟಪಾಠದಲ್ಲಿ ಇವಳ ಮಾಟವೇ ಉಡುಗೊರೆ
ಮನೆಯ ಹಸಿರು ತೋರಣ
ಮನೆಗೆ ಬಂದ ಶ್ರಾವಣ

ಹೊಂಬೆಳಕಿನ ಮೈಬಣ್ಣ ರವಿಯು ಕೊಟ್ಟ ಉಡುಗೊರೆ
ಚಂದ್ರನಾ ಪಟ್ಟದರಸಿ ಹೆಸರು ಕೊಟ್ಟ ಉಡುಗೊರೆ
ನಮ್ಮೆಲ್ಲರ ಕಣ್ಮಣಿ
ಇವಳ ಹೆಸರು ರೋಹಿಣಿ.

ಅಹೋರಾತ್ರ.