ಕನ್ನಡಿಗರೇಕೆ ಹೀಗೆ?

ನೀವು ಇದನ್ನು ಗಮನಿಸಿರುತ್ತೀರೋ ಇಲ್ಲವೋ ಗೊತ್ತಿಲ್ಲ. office ಗಳಲ್ಲಿ, ಅದರಲ್ಲೂ cosmopolitan ಆಗುತ್ತಿರುವ ಬೆಂಗಳೂರಿನಲ್ಲಂತೂ ಕನ್ನಡಕ್ಕೆ ಪ್ರಾಧಾನ್ಯತೆ ದೊರಕುತ್ತಿಲ್ಲ.

ಮೊದಲನೆಯದಾಗಿ, ಇದು ಬೇರೆ ಯಾವುದೇ ಭಾಷೆಯ ಬಗ್ಗೆ ಹೇಳುವುದಕ್ಕಲ್ಲ. ಏನಿದ್ದರೂ ಕನ್ನಡ ಜನರ ಬಗ್ಗೆ.

ನಾನು ಕೆಲಸ ಮಾಡುತ್ತಿರುವಲ್ಲಿ, ಭಾರತದ ಎಲ್ಲಾ ಕಡೆಗಳಿಂದ ಬಂದವರೂ ಇದ್ದಾರೆ. ಪಕ್ಕದ ಆಂಧ್ರ, ತಮಿಳುನಾಡಿನವರಿಂದ ದಿಲ್ಲಿಯವರೆಗೂ, ಕೇರಳದವರೆಗೂ ಇದ್ದಾರೆ. ನಾನು ನೋಡಿದ ಹಾಗೆ, ಕೆಲಸಕ್ಕೆ ಸೇರುವಾಗ ಸಾಮಾನ್ಯವಾಗಿ, ಒಬ್ಬರಿಗೊಬ್ಬರು ಗೊತ್ತೇ ಇರುವುದಿಲ್ಲ. ಆದರೆ, ಸೇರಿ ಒಂದು ತಿಂಗಳಾಗುವಷ್ತರಲ್ಲಿ, ಒಂದು ಪ್ರದೇಶದವರೆಲ್ಲ ತುಂಬಾ close ಆಗ್ಬಿಡ್ತಾರೆ.

ಆದ್ರೆ ನಮ್ಮ ಕನ್ನಡದವರೆಲ್ಲ ಯಾಕೆ ಹಾಗೋ ಗೊತ್ತಿಲ್ಲ. ಸೇರಿ ಎಷ್ತೋ ತಿಂಗಳಾದರೂ ಬಹಳಷ್ತು ಜನ ಪರಿಚಯವೇ ಆಗಿರಲ್ಲ.

ಜೊತೆಗೇ, ಬೇರೆಯವರೆಲ್ಲಾ ಅವರವರ ಭಾಷೆಯಲ್ಲಿ ಮಾತನಾಡಿಕೊಂಡರೆ, ನಮ್ಮವರು ಕನ್ನಡದಲ್ಲಿ ಮಾತಾಡಿದರೆ "ಚೆನ್ನಾಗಿರಲ್ಲವೇನೋ..." ಅನ್ನುವ ಹಾಗಾಡ್ತಾರೆ.

ಈ ಭಾವನೆ ಬದಲಾಗದಿದ್ದರೆ, ಮುಂದೆ ಕನ್ನಡಕ್ಕಾಗುವ ನಷ್ತ ದೊಡ್ಡ ಪ್ರಮಾಣದ್ದಾಗಿರುವುದು ಖಂಡಿತ.

ಸದಸ್ಯರು ತಮ್ಮ ತಮ್ಮ ಅಭಿಪ್ರಾಯ/ಅನುಭವಗಳನ್ನು ಹಂಚಿಕೊಂಡರೆ ಪ್ರಶಂಸನೀಯ.

-ಮೇಘಶ್ಯಾಂ