ತುಮಕೂರು ಸ್ಪೆಷಲ್ - ರಾಗಿ ಬಿಸ್ಕತ್ತು

ನೀರ ನಿಶ್ಚಿಂತೆ ಕಾರ್ಯಕ್ರಮ ಮುಗಿಸಿ ಕಾಫಿ ಕುಡೀಲಿಕ್ಕೆ ಹೊರಟ ನಮಗೆಲ್ಲ ಬಿಸ್ಕೆಟ್ ಹಾಕ್ತೀವಿ ( ;) ) ಅಂದ್ರೆ ಬಿಸ್ಕೆಟ್ ಕೊಡಿಸ್ತೀವಿ ಅಂದವರು ಭೂಷಣ್ ಮತ್ತು   ಮಲ್ಲಿಕಾರ್ಜುನ ಹೊಸಪಾಳ್ಯ. ಈಗಾಗ್ಲೇ ಹರಿ ಹಾಕಿದ ರಾಗಿ ಬಿಸ್ಕಟ್ ಚಿತ್ರ ಎಷ್ಟೋ ಜನರ ಬಾಯಲ್ಲಿ ನೀರೋರಿಸಿದೆ. ಅದಕ್ಕೆ ಮತ್ತೆ ಹೇಳ್ತಿದ್ದೀನಿ, ಇದು ತುಮಕೂರು ಸ್ಪೆಷಲ್. 

ರಾಗಿ ಮುದ್ದೆ, ಉಪ್ಸಾರು, ಸೊಪ್ ಸಾರು, ಮೊಸಪ್ ಸಾರು ಅಂತ ಊಟಕ್ಕೆ ಕುಂತಾಗ ಅದರ ಜೊತೆ ಉಪ್ಪಿನ್ ಕಾಯಿ, ಮೊಸರು ಅಬ್ಬ ಎಂತ ಕಾಂಬಿನೇಷನ್ನು. ರಾಗಿಯನ್ನ ಯಥೇಚ್ಚ ಬೆಳೆದು, ಯಥೇಚ್ಚವಾಗೇ ಉಪಯೋಗಿಸೋರು ಕರ್ನಾಟಕದವರು. ರೈತನ ಗಟ್ಟಿ ಮೈಕಟ್ಟಿನ ಗುಟ್ಟು ರಾಗಿ. ಆದ್ರೆ ಇದು ನಮ್ಮ ಕೈಗೆ ಬೆಂಗಳೂರಿನಲ್ಲಿ ಸಿಗೂ ಹೊತ್ತಿಗೆ, ಪ್ರಾಸೆಸ್ ಆಗಿ, ಮಾಲ್ಟ್ ಅಂತನೋ, ಸಿರೇಲ್ ಅಂತಾನೋ ಗಾಂಧೀ ನೋಟಿಗೂ ಜೇಬಿನಲ್ಲಿ ಭಾರವಾಗೋಗಿರತ್ತೆ.

ಪ್ಯಾಕೇಜ್ ಮಾಡಿದ ರಾಗಿ ಬಿಸ್ಕತ್ತು

ತುಮಕೂರಿನ ನಂಜುಂಡೇಶ್ವರ ಬೇಕರಿಯಲ್ಲಿ ಆಗತಾನೇ ಬಂದಿದ್ದ ರಾಗಿ ಬಿಸ್ಕತ್ತುಗಳು

ರಾಗಿಗೆ ಏನಂತಾರೆ Wordnet ನಲ್ಲಿ: raagi/millet — (any of various
small-grained annual cereal and forage grasses of the genera Panicum,
Echinochloa, Setaria, Sorghum, and Eleusine)

ಕರ್ನಾಟಕದಲ್ಲಿ ಇಂತಹ ತಿಂಡಿ ತಿನಿಸುಗಳಿಗೆ ಕಡಿಮೆಯೇ ಇಲ್ಲ. ಹೊರಗಿನಿಂದ ಬಂದವರಿಗೆ ಇವುಗಳ ಪರಿಚಯವಿಲ್ಲ. ಇವುಗಳನ್ನೆಲ್ಲ ಜಗತ್ತಿಗೆ ಪರಿಚಯಿಸೋ ಕಾರ್ಯವಾಗಬೇಕು. ಸಂಪದದ ನಳಿನಾಮಣಿಯರು ಇದರ ಬಗ್ಗೆ ಸ್ವಲ್ಪ ಗಮನ ಹರಿಸಿ ಎಲ್ಲರ ಬಾಯಲ್ಲಿ ಆಗಾಗ ಸ್ವಲ್ಪನೀರೋರಿಸಿದರೆ ಸಂಪದದ ಪಾಕಶಾಲೆ ಅಂಥಾ ಹೊಸದೊಂದು ಪೋರ್ಟಲ್ ಕೂಡ ಮಾಡಬಹುದು. ನೋಡಿ ಯಾರು ಈ ಪಾಕಶಾಲೆಯ ಯಜಮಾನಿಯಾಗ್ಲಿಕ್ಕೆ ತಯಾರಿದ್ದೀರಿ ಅಂತ. ನಳ ಮಹರಾಜರೆ, ಬೇಜಾರ್ ಮಾಡ್ಕೋಬೇಡಿ. ನಿಮಗೂ ಚಾನ್ಸ್ ಇದೆ. ನೀವೂ ಅದರ ಬಗ್ಗೆ ಬರೀರಿ.