"ತನ್ಭಾಷೆನ್ಮಾತಾಡೋಕ್ಕೇ ಹಿಂಜರಿಯೋನು ಕನ್ನಡ್ದೋನೆ ಇರ್ಬೇಕು", ಯಾರೋ (ಬೇರ್ಯೋರೇ) ಹೇಳಿದ್ಡೆಫಿನಿಷನ್ನು

ಮೊನ್ನೆ ಹೊಸಾ ಕನ್ನಡ್ಕಾ ಮಾಡ್ಸೋಕ್ಕೆ ಅಂತ ನಮ್ಮೈಸೂರಿನ್ಕುವೆಂಪು ನಗರದ್ದಿಸ್ಸ್ಮಾಯಿಲ್ ಅಂಗ್ಡೀಗೆ ನಾನು, ನನ್ಸ್ನೇಹಿತ ಇಬ್ಬ್ರೂ ಹೋದ್ವಿ (ಪ್ಯೂಪಿಲ್ ಡೈಲೇಟ್ಮಾಡೋ ಡ್ರಾಪ್ಸ್ ಹಾಕ್ಸ್ಕೊಂಡು ಹೋದ್ಸಲ ಬೈಕ್ ಓಡ್ಸಿದ್ದೆ, ಮರೀಲಾರ್ದನುಭವ ಅದು :) ಸೋ, ಆ ರಿಸ್ಕ್ ಈ ಸಲ ಬೇಡಾಂತ ನನ್ ಸ್ನೇಹಿತ ಜೊತೇಗ್ಬಂದ).

ನಾನು 'ಎಸ್ಪೀ 2 ಬೇಕು, ಹೈ ಇಂಡೆಕ್ಸ್ 1.8 ನಲ್ಲಿ ಇದ್ಯಾ ನೋಡಿ', (ಅದೂ ಇದೂ) ಕೇಳ್ತಾ ಇದ್ದೆ. ಅಂಗ್ಡೀನೋನೂ ಕನ್ನಡ್ದಲ್ಲಿ ತುಂಬಾನೇ ಸ್ಪಷ್ಟ್ವಾಗ್ಮಾತಾಡ್ತಿದ್ದ. ಆಗೊಬ್ಬ್ಳು ಬಂದ್ಳು. ಅಮ್ಮಣ್ಣಿ, ನಮ್ಮಾತುಕತೆ cut short ಮಾಡಿ, ಮಧ್ಯ ನುಗ್ಗಿ, 'hi, I am here to get the glasses that I had ordered last week. Please make it a bit fast, am in a hurry.' ಅಂದ್ಳು. ಏನೋ ಪಾಪ ಅವ್ಸ್ರಾ, ಹೋಗ್ಲಿ ಹೆಣ್ಣ್ಮಗ್ಳು ಅಂತಾ ನಾನೂ ಸುಮ್ನಾದೆ. ;) ಅಷ್ಟ್ ಹೊತ್ತೂ ಕನ್ನಡ್ವೇ ಗೊತ್ತಿಲ್ಲಾ ಅನ್ನೋ ಹಾಗೇ ಮಾತಾಡ್ತಿದ್ದಾಪ್ರೆಟ್ಟಿ ಯಂಗ್ಥಿಂಗು ಫೋನ್ಬಂದಾಗ 'ಹುಪ್ಪಾ, ಹು. ಸರಿ ಅಪ್ಪಾ, ಎರ್ಡೆ ನಿಮ್ಷಾ ಬಂದೇ' ಅಂದಿಟ್ಟ್ಳು.

ವಾಹ್! ಇವ್ಳೇ ನಮ್ಕರ್ನಾಟಕ ಹೆಮ್ಮೆ ಪಡೋಂತಾ ಕನ್ನಡಿತಿ ಅಂದ್ಕೊಂಡೆ. ಅಲ್ಲಾ, ದೊಡ್ದಾಗಿ ಕನ್ನಡ ಉಳ್ಸಿ/ಬಳ್ಸಿ/ಬೆಳ್ಸಿ ಅಂತಾ (ಇವ್ರ್ಗಳೇ) ಮೈಲ್ಮೇಲ್ಮೈಲು ಫಾರ್ವರ್ಡ್ಮಾಡಿದ್ದೇ ಮಾಡ್ತಾರೆ, ಹೊರ್ಗಡೆ ಬಂದಾಗ ಮಾತಾಡೋಕ್ಕೇ ಅಸಹ್ಯ ಪಟ್ಕೋತಾರೆ! :) ನಾವೇ ಕನ್ನಡ ಬಳ್ಸ್ದೇ ಹೊರ್ಗ್ನೋರ್ಕನ್ನಡ್ದೋರ್ಗೆ ಬೆಲೆ ಕೊಡಲ್ಲ ಅಂದ್ರಿನ್ನೇನ್ಹೇಳೋದು? ಹೇಳೋದಾಚಾರ ತಿನ್ನೋದ್ಬದ್ನೇಕಾಯ್ಕತೆ! "ತನ್ಭಾಷೆನ್ಮಾತಾಡೋಕ್ಕೇ ಹಿಂಜರಿಯೋನು ಕನ್ನಡ್ದೋನೆ ಇರ್ಬೇಕು" ಅಂತಾ ಯಾರೋ (ಬೇರ್ಯೋರೇ) ಹೇಳಿದ್ಡೆಫಿನಿಷನ್ನು ನೆನ್ಪಿಗ್ಬಂತು; ಅದ್ನಿರ್ವ್ರು ಸಾಬೀತ್ಪಡ್ಸ್ತಿದಾರಲ್ಲಾಂತಾ ಬೇಜಾರೂ ಆಯ್ತು.

ಏನ್ಮಾಡೋಡು, ಅವ್ರ್ಗೇ ಬುದ್ಧಿ ಬರ್ಬೇಕು ಅಂದ್ಕೊಂಡ್ಸುಮ್ನಾದೆ.

/* ಕೊನೇಗ್ ಹೋಗ್ತಾ ನಾನ್ಸಾಧಾರಣ್ವಾಗ್ಕೊಡೋ cold stare ಒಂದ್ಕೊಟ್ಟು ಬಂದಿದ್ದಾಯ್ತು. ;) */