ಹರಿ, ಹರಸಲಿ ಶ್ರೀಹರಿ, ನಿಮ್ಮನ್ನು ತೆರೆದ ಹಸ್ತಗಳಿಂದ !!!

ಹರಿ ನಿಮಗೆ ಶುಭ ಹಾರೈಕೆಗಳು ತುಂಬು ಹೃದಯದಿಂದ

ಶ್ರೀಹರಿ ಹರಸಲಿ ನಿಮ್ಮನ್ನು ತೆರೆದ ಮನ ಮತ್ತು ಹಸ್ತಗಳಿಂದ

ಸಂಪದದ ಹೊಸ ಯೋಜನೆಗಳು ಕೈಗೂಡಲಿ ಈ ವರುಷ

ಉತ್ತುಂಗಕ್ಕೇರಲಿ ಸಂಪದ ತಂದು ನಮ್ಮೆಲ್ಲರಿಗೂ ಹರುಷ

ವರುಷ ಕಳೆದುದಕೆ ಬೇಸರ ಮೂಡದಿರಲಿ  ಮನದೊಳಗೆ

ಹೊಸ ವರುಷ ದೊರೆತುದಕೆ ಕಸುವು ತುಂಬಲಿ ನಿಮ್ಮೊಳಗೆ

ಹುಟ್ಟು ಹಬ್ಬದ ಈ ದಿನ ನಮಗೆ ಬರಿದೆ ನೆಪ ಮಾತ್ರ ಇಂದು

ನೆನಪಿಸಲು ಇಂದೆಲ್ಲಾ ಸಂಪದಿಗರು ಜೊತೆಗೆ ಇದ್ದಾರೆ ಎಂದು

ನಿಮ್ಮ ವೈಯಕ್ತಿಕ ಆಶಯಗಳೂ ಗುರಿ ಮುಟ್ಟಿದರೆ ಈ ವರುಷ

ನಿಮ್ಮ ಜೊತೆಗೆ ನಿಜವಾಗಿಯೂ ಸಂಪದಿಗರೆಲ್ಲರಿಗೂ ಹರುಷ

*********************************

ಆತ್ರಾಡಿ ಸುರೇಶ್ ಹೆಗ್ಡೆ

ಆಸುಮನ