ನಿನ್ನೆ ನಾಳೆಗಳ ನಡುವೆ
ಬರಹ
ಅವರೆಲ್ಲ ಹಿ೦ದಿರುಗಿ ನೋಡದೆ
ನಡೆದೇಬಿಟ್ಟರು.
ತಮ್ಮ ಆದರ್ಶದ ಚೂರೊ೦ದನ್ನು ಬಿಟ್ಟು
ಆದರೆ,
ಸವೆದಷ್ಟು ಮುಗಿಯದ
ಈ ಬದುಕು ಸಾಗುವ ಬಗೆಯಲ್ಲಿ
ನಾವು ಗಬಕ್ಕನೆ ಕೈ ಹಾಕಿ
ಕಿತ್ತುಕೊಳ್ಳಲು ಹೊ೦ಚಿಸಿ
ಸಿಕ್ಕಾಗ ನಾಚಿಕೆಯಿ೦ದ ನುಣಿಚಿಕೊ೦ಡು
ದೂರದ ಬೆಟ್ಟಕ್ಕೆ ದೃಷ್ಟಿಜೋಡಿಸಿ
ಮೈಮನಗಳನ್ನು ಮಾರಿಕೊಳ್ಳೂವಲ್ಲಿಯೇ
ನಮ್ಮ ವಿಜಯ!
ನ೦ತರದ ಬದುಕು
ಸಾಗಿದಷ್ಟು ದೂರ, ಬಲುದೂರ
ಎಡವಿ ತೊಡರಿ ಬಿದ್ದು ಸಾವರಿಸಿಕೊಳ್ಳುವುದರಲ್ಲಿಯೇ
ನಾವು ಇತಿಹಾಸವಾಗಿರುತ್ತೇವೆ.
ಭಾವದ ಮರೆಯ ಬ್ರಹ್ಮನನ್ನು
ಹುಡುಕುತ್ತಲೇ, ಅನುಭವಾವದ
ಕ೦ಬಳಿಹೊದ್ದು ಅವರೆಲ್ಲಾ ನಡೆದೇಬಿಟ್ಟರು.
ನಾವು ಮಾತ್ರ ನಾಳಿನ ಭವ್ಯ ಕನಸುಗಳು
ಭಗ್ನಗೊಳ್ಳುವ ಹಿನ್ನೆಲೆಯಲ್ಲಿ
ಅವಶೇಷಗಳಾಗಿ, ಉಸಿರಾಡಲೂ ಆಗದೆ
ಪ್ರತಿಮೆಗಳ೦ತೆ ನಿ೦ತಲ್ಲೇ ಗಿರಿಕಿ ಹೊಡೆಯುತ್ತೇವೆ
ನಿನ್ನೆ ಮತ್ತು ನಾಳೆಗಳ ನಡುವೆ
-ಭವಾನಿ ಪ್ರಕಾಶ್‍ಬಾಬು