ಸಾಗಲಿ ಜೀವನ ಯಾನ

ಸಾಗಲಿ ಜೀವನ ಯಾನ 

 ಆಸೆ ಮೊಡಿದ ಮುತ್ತಿನ ಕ್ಷಣ

ಕನಸಿನ ಹಕ್ಕಿಯು ಹಾಡಿದ ಗಾನ

ನೂರು ಕನಸುಗಳ ಹೊತ್ತ ದಿನ

ಸಾವಿರ ಭಾವಗಳ ಸುಪ್ತ ಮನ

   ಇದುವೇ ಜೀವನ, ಬಾಳಿನ ಪಯಣ !

ಕಲಿಕೆಯು ಇದರ ಅಡಿಪಾಯ

ಕಾಯಕ ಇದರ ಸ್ವರೂಪವು

ತಿಳಿಯುವ ಗುಟ್ಟು ನೂರೆಂಟು

ಆದರೂ ಬಿಡಿಸಲಾಗದ ಕಗ್ಗಂಟು

ಇದುವೇ ಜೀವನ, ಬಾಳಿನ ಪಯಣ !

ಅರಿವೆಗೆ ಬಾರದ ತಿರುವುಗಳು

ಎಂದೂ ಮರೆಯದ ನೋವುಗಳು

ಆದರೂ ಬಾಳುವ ಕಾತರ

ಏನೋ ತಿಳಿಯದ ಆತುರ

ಇದುವೇ ಜೀವನ, ಬಾಳಿನ ಪಯಣ !

 ಬಯಸದ ಭಾವನೆಗಳ ನಂಟು

ಮರೆತ ನೆನಪುಗಳ ಇಡಿಗಂಟು

ಕಾಡುತ ಸಾಗುವ ದಾರಿಯಲಿ

ಅರಿಯದೆ ತೊರುವ ದಿಕ್ಕುಗಳು

ಇದುವೇ ಜೀವನ, ಬಾಳಿನ ಪಯಣ !

ಏರಿಳಿಯುವ ತೆರೆಗಳಿಗುಂಟು ದಡವು

ಉರಿಯುವ ಧರೆಗುಂಟೂ ತಂಪಿನ ಮಳೆಯು

ಪ್ರತಿ ನೋವಿನ ಕೊನೆ ಸುಖವು

ಶಿಸ್ತು, ಸಂಯಮ, ಧೈರ್ಯ,

ಇವುಗಳು ನಮ್ಮಯ ಶಕ್ತಿಯು

ಇದುವೇ ಜೀವನ, ಬಾಳಿನ ಪಯಣ ! ಸಾಗಲಿ ಜೀವನ ಯಾನ !! 

ನನ್ನ "ಒಲವ ಮಾತುಗಳು ..... ನೀ ಕೇಳದೇಯೇ ಹೋಗುವೆಯಾ ??"  ಕವನ ಸಂಕಲನದಲ್ಲಿನ ಕವಿತೆ .

http://pothi.com/pothi/preview?pFile=659#preview-top