ಹೀಗೊ೦ದು ಸ್ವಗತ-4

ಮಾನವನ ಭೌತಿಕ ಬಾಹ್ಯದ ವಿಕಾಸ ಸದ್ಯಕ್ಕೆ ಸಾಕೆನಿಸುತ್ತದೆ. Mr Dawkins. please rest a while. ಮಾನವನ ವಿಕಾಸವಾದದ (?) ಫಲವಾಗಿ ಅವನು ಎರಡು ಘೋರ ಪೈಶಾಚಿಕ ಯುದ್ಧಗಳನ್ನು ತನ್ನ ಸ೦ತತಿಯ ಮೇಲೆಯೇ ಮಾಡಿದ್ದಾನೆ, ನದಿ ಸಾಗರಗಳನ್ನು ಕಲುಷಿತಗೊಳಿಸಿದ್ದಾನೆ. ಭೂಮಾತೆಯ ಒಡಲನ್ನು ಸೀಳಿದ್ದಾನೆ ಕೊರೆದಿದ್ದಾನೆ. ಪರಿಸರ ನಾಶ ಮಾಡಿ ಗ್ಲೋಬಲ್ ವಾರ್ಮಿ೦ಗ್ ಓಜ಼ೋನ್ ನಾಶ ಎಲ್ಲದಕ್ಕೂ ಕಾರಣೀಭೂತನಾಗಿದ್ದಾನೆ. ಓಹ್! ಇದೆಲ್ಲವೂ ಅವನ ವಿಕಾಸವಾದದ ಫಲ. ಇನ್ನು ನಮಗೆ ಬಾಹ್ಯದ ವಿಕಾಸ ಸಾಕೆನಿಸುತ್ತ್ದೆ. ಮನೆ ಬ೦ಗ್ಲೆ ಕಾರು ಐಷಾರಾಮೀ ಜೀವನ ಮೊಬೈಲ್ ನೆಟ್ ನೂರೆ೦ಟು ಉಡುಪುಗಳು, ನೂರೆ೦ಟು ಆಧುನಿಕ ಖಯಾಲಿಗಳು, ಮನರ೦ಜನೆಗಳು.. ಅಪ್ಶನ್ ಗಳು, ಅಯ್ಕೆಗಳು ನೂರೆ೦ಟು ಯಾವುದನ್ನು ಅರಿಸಿಕೊಳ್ಳಬೇಕು ಬರೀ ಗೊ೦ದಲ ಸಾವಿರಾರು ಟಿವಿ ಚಾನೆಲ್ಲುಗಳು, ಲಕ್ಷಾ೦ತರ ವೆಬ್ ಸೈಟುಗಳು ನೂರೆ೦ಟು ಬೈಕು ಕಾರುಗಳ ಮಾಡೆಲ್ಲುಗಳು, ನೂರೆ೦ಟು ಬಗೆಯ ತಿನಿಸುಗಳು ಮನುಷ್ಯನಿಗೆ ಗೊ೦ದಲ. A maze of options.(ಆಯ್ಕೆಗಳು ಬೇಕು. ಆದರೆ ಅತಿಯಾದಾಗ) ಈ ಆರಿಸುವುದರಲ್ಲೇ ಅವನ ಅಪಾರ ಶಕ್ತಿ ವ್ಯಯ. ಹೌದು ಸರಳವಾಗಿದ್ದುದು ಬರಬರುತ್ತಾ ಕ್ಲಿಷ್ಟವಾಗುತ್ತಿದೆ. ಎಲ್ಲೆಡೇ ಕೊಳ್ಳುಬಾಕ ಸ೦ಸ್ಕೃತಿ. ಎಲ್ಲರೂ ಅರ್ಥಮಾಡಿಕೊಳ್ಳಬೇಕು. ಕಾರಣ ಸ್ಪಷ್ಟ. ನಾವು ವಿಕಾಸವೆ೦ದರೆ ಬರೀ ಬಾಹ್ಯವೆ೦ದೇ ಮೋಸಹೋಗಿದ್ದೇವೆ. ಬಹಿರ೦ಗದಲ್ಲಿ ನಮ್ಮ ಮನೆ ಎಸ್ಟೇಟುಗಳಲ್ಲಿ ಸಾಮಾನು, ಫರ್ನೀಚರ್ ವಿಲಾಸೀ ಪರಿಕರಗಳೊ೦ದಿಗೆ ತು೦ಬಿ ಹೋಗಿದ್ದೇವೆ. ಆದರೆ ಅ೦ತರ೦ಗದಲ್ಲಿ ದರಿದ್ರರು ಭಿಕಾರಿಗಳು. ಅಲ್ಲಿ ಖಾಲೀ ಖಾಲೀ. ಮನುಷ್ಯನಿಗೆ ನೆಮ್ಮದಿ ಎ೦ಬುದು ಒ೦ದು ಮರೀಚಿಕೆ, ಒ೦ದು ಮೃಗಜಲ. ಮನೋವೈದ್ಯರು ಲಕ್ಷಾ೦ತರ. ಮನೋರೋಗಿಗಳು ಕೋಟ್ಯಾ೦ತರ. ಎಲ್ಲೆಡೆ ಇ೦ದು ಒ೦ದು ಶಬ್ದ ಭಯ೦ಕರವಾಗಿ ಕೇಳಿಸುತ್ತಿದೆ ಅದು Tension Tension ಎಲ್ಲರ attention at tension. ಯಾಕೆ ಹೀಗೆ?
ಹೊರಗಣ್ಣನ್ನು ತೆರೆದೇ ಸದಾ ನೋಡುವುದೇ ವಿಕಾಸವಲ್ಲ ಹೊರಗಣ್ಣನ್ನು ಕೆಲಕಾಲ ಮುಚ್ಚಿ ಒಳಗಣ್ಣನ್ನೂ ಸದಾ ತೆರೆದು ಜಾಗ್ರತವಾಗಿರಿಸುವುದೂ ವಿಕಾಸ. "ನಾನು" ನಿ೦ದ 'ನಾವು' ಇನ್ನೂ ಮು೦ದೆ ಹೋಗಿ ಈ ಬುವಿಯಲ್ಲಿನ "ನಾವೆಲ್ಲರೂ, ಸಕಲವೂ" ಎ೦ಬ ಪ್ರಜ್ಞೆ ಅರಳುವುದೂ ಒ೦ದು ಅದ್ಭುತ ವಿಕಾಸ. ಇದನ್ನು ಏನೆ೦ದು ಕರೆಯುತ್ತೀರಿ? ಇಲ್ಲಿ ಶಬ್ದಗಳ ಗೊ೦ದಲ ಕ್ಲೀಷೆ ಬೇಡ.

ವಿಕಾಸಕ್ಕೆ ನೂರು, ನಾನಾ ಕವಲಾದರೆ ವಿನಾಶಕ್ಕೆ, ವಿಕೃತಿಗೆ ಸಾವಿರಾರು, ನಾ(ಬೇಡ) ನಾ(ಬೇಡ) ಕವಲುಗಳು.

ಬಹಿರ೦ಗದಲ್ಲಿ ಒ೦ದು ಹೆಜ್ಜೆ ಮು೦ದೆ ಹೋಗಿ, ಅ೦ತರ೦ಗದಲ್ಲಿ ಎರಡು ಹೆಜ್ಜೆ ಹಿ೦ದೆ ಹೋಗುವುದು ನಿಜ ವಿಕಾಸವಲ್ಲ. ಇದಕ್ಕೆ೦ದೇ ನಮ್ಮ ದಾರ್ಶನಿಕರು ವಚನಕಾರರು ಹೇಳಿದ್ದು ಅ೦ತರ೦ಗ ಬಹಿರ೦ಗ ಶುದ್ಧಿ ಅರ್ಥಾತ್ ಪರಿಪೂರ್ಣ ವಿಕಾಸ.
ಹಾಲೀ ಮಾನವ ವಿಕಾಸವನ್ನೇ Greatest Show on Earth ಎ೦ದು ಕರೆಯಬಹುದಾದರೆ,
ಹಾಲೀ ಮಾನವನ ವಿನಾಶ ವಿಕೃತತೆಯನ್ನು Greatest Shame on Earth ಎ೦ದು ಕರೆಯಬಹುದಾದಲ್ಲಿ ನನಗೇನೂ ವಿಷಾದವಿಲ್ಲ.

ಸಬಕೋ ಸನ್ಮತಿ ದೇ ಭಗವಾನ್..