ವೈಜ್ಙಾನಿಕ ಮೂಲಭೂತವಾದ ಅಂದರೆ ಏನು?!!!

ವೈಜ್ಙಾನಿಕ ಮೂಲಭೂತವಾದ ಎಂದರೆ ಏನು? ವಿಜ್ಙಾನವನ್ನು ಅಕ್ಷರಶಹ ನಂಬುವವರು, ಮೇಲಾಗಿ ಆ ನಂಬಿಕೆಯ ಆಧಾರದ ಮೇಲೆ ಇತರ ನಂಬುಗೆಗಳನ್ನು ತಿರಸ್ಕರಿಸುವವರು, ಅದಕ್ಕಿಂತಲೂ ಮೇಲಾಗಿ ಇತರ ವಿಚಾರಗಳನ್ನು ನಂಬಿಕೆಗಳನ್ನು ಥಿಯರಿಗಳನ್ನು ridicule ಮಾಡುವವರು. ಅಂತಹವರು ಎಲ್ಲಿದ್ದಾರೆ? ಎಲ್ಲೆಲ್ಲೂ ಇದ್ದಾರೆ. ಕೆಲವರು ಅರಿಯದೆ ಮೂಲಭೂತವಾದಿಗಳಾದರೆ, ಇನ್ನು ಕೆಲವರು ಮೂಲಭೂತವಾದವನ್ನೇ ವಿಜ್ಙಾನ ಎಂದು ತಿಳಿಯುತ್ತಾರೆ. ಇದೇ ವಿಚಾರಗಳು ಧರ್ಮ/ಮತಗಳಿಗೂ ಅನ್ವಯಿಸುತ್ತದೆ, ಆದರೆ ಅದು ಈ ಬರಹದ ವ್ಯಾಪ್ತಿಯಲ್ಲಿಲ್ಲ.

ಈಗ ತಮಗರಿವಿಲ್ಲದೆಯೇ ಜನರು ಮೂಲಭೂತವಾದವನ್ನು ಹುಟ್ಠಾಕುತ್ತಾರೆ ನೋಡೋಣ. ಈ ಉದಾಹರಣೆ ವಿಜ್ಙಾನಕ್ಕೆ ಸಂಬಂಧಿಸಿದ್ದು. ನಾವೆಲ್ಲರೂ ನಮ್ಮ ವಿಜ್ಙಾನದ ತರಗತಿಗಳಲ್ಲಿ ಕಲಿತಂತೆ ಪರಮಾಣುವೊಂದರಲ್ಲಿ ಪ್ರೋಟಾನಿನ ಸುತ್ತ ಇಲೆಕ್ಟ್ರಾನುಗಳು 'ಸುತ್ತುತ್ತಿರುತ್ತವೆ'. ಈ ವಿಶಯವನ್ನು ಯಾವನೇ ವಿಜ್ಙಾನದ ವಿದ್ಯಾರ್ಥಿಯಲ್ಲಿ ಕೇಳಿದರೂ ಹೇಳುತ್ತಾನೆ. ಅಲ್ಪ ಸ್ವಲ್ಪ ವಿಜ್ಙಾನ ಕಲಿತವರೂ ಇದರಲ್ಲಿ ಏನೂ ತಪ್ಪು ಕಾಣಲಾರರು.ಆದರೆ ಇದು ನಿಜ ಅರ್ಥದಲ್ಲಿ ಎಷ್ಟು ಸರಿ? ಇಲೆಕ್ಟ್ರಾನುಗಳು ನಿಜವಾಗಿಯೂ ಪ್ರೋಟಾನಿನ ಸುತ್ತ ಸುತ್ತುತ್ತವೆಯೇ? ಇದಕ್ಕೆ ಉತ್ತರ ಹೌದು ಮತ್ತು ಅಲ್ಲ. ಸುತ್ತುತ್ತವೆ ಅನ್ನುವುದು ಕ್ವಾಂಟಮ್ ಫಿಸಿಕ್ಸ್ ನ perceived/translated statement. ಆದರೆ ಕ್ವಾಂಟಮ್ ಫಿಸಿಕ್ಸ್ ಅನ್ನು ಆಳವಾಗಿ ಅಧ್ಯಯನ ಮಾಡಿದವರಿಗೆ ಮಾತ್ರ ಈ 'ಸುತ್ತುವಿಕೆಯ' ನಿಜ ಅರ್ಥ ತಿಳಿದಿರುತ್ತದೆ. ಹೆಚ್ಚಿನ ಮಾಹಿತಿಗೆ ಕೆಳಗಿನ ಲಿಂಕ್ ಓದಿ. ಇದು ಸರಳವಾಗಿ, ಸುಂದರವಾಗಿ ವಿವರಿಸುತ್ತದೆ.

http://www.chemguide.co.uk/atoms/properties/orbitsorbitals.html#top

ಈಗ ಹೇಳಿ, ಇಲೆಕ್ಟ್ರಾನು ಪ್ರೋಟಾನಿನ ಸುತ್ತ ಸುತ್ತುತ್ತದೆ ಎನ್ನುವುದು ಅರ್ಧ ಸತ್ಯವಲ್ಲವೇ? ಇದುವೇ ಮೂಲಭೂತವಾದದ ಪ್ರಾರಂಭವಲ್ಲವೇ? ಇದು ಮುಂದುವರೆದು "ಇಲೆಕ್ಟ್ರಾನು ಪ್ರೊಟಾನಿನ ಸುತ್ತ ಸುತ್ತುವುದಿಲ್ಲ" ಎಂದು ಹೇಳುವವರನ್ನು ಅವೈಜ್ಙಾನಿಕರೆಂದು, ಮೂಢರೆಂದು ಕರೆಯಬಹುದಲ್ಲವೇ?

ಇದು ತಮಗರಿವಿಲ್ಲದೆಯೇ ಇತರರಿಗೆ ಪಸರಿಸುವ ಮೂಲಭೂತವಾದ. ಇದು ಇನ್ನೂ ಶೈಶಾವಸ್ಥೆಯಲ್ಲಿದೆ ಹಾಗೂ ಇವರಿಗೆ ಯಾರಿಗೂ ಹಾನಿಮಾಡುವ ಉದ್ದೇಶವಿರುದಿಲ್ಲ. ಇನ್ನು ದುರುದ್ದೇಶದ, ಅಹಂಕಾರದ ಮೂಲಭೂತವಾದವೂ ಇದೆ. ಅದು ತನ್ನ ಮನಸ್ಸಿನಲ್ಲಿರುವ ಪ್ರಶ್ನೆಗಳು ಉತ್ತರಿಸಲ್ಪಡುವ ಮೊದಲೇ ಇನ್ನೊಬ್ಬರ ಮನಸ್ಸಿನಲ್ಲಿರುವ ನಂಬಿಕೆಗಳನ್ನು (ನಂಬಿಕೆ ಎಂದರೆ ಏನು? ಯಾವುದೋ ಒಂದು ಪ್ರಶ್ನೆಗೆ ಅವರು ಕಂಡುಕೊಂಡ ಉತ್ತರ. ಅದು ಇತರರಿಗೆ ಸರಿ ಇರಬಹುದು, ಇಲ್ಲದೆಯೂ ಇರಬಹುದು, ಆದರೆ ಅವರಿಗೆ ಅದು ಸರಿ) ridicule ಮಾಡುವುದು, ಅವು 'ಕಾಲ್ಪನಿಕ' ಎಂದು sweeping statement ಕೊಡುವುದು, ಆ ನಂಬಿಕೆಗಳಿಗೆ proof ಕೇಳುವುದು (ಅದೂ ತನ್ನದೇ ಉತ್ತರ/ನಂಬಿಕೆಗಳಿಗೆ proof ಇಲ್ಲದಿರುವಾಗ) ಇತ್ಯಾದಿ. ಇಂತಹವರು ನಮ್ಮ ಸುತ್ತ ಇದ್ದಾರೆ. ಅವರಿಗೆ ಶಾಸ್ತ್ರಗಳು, ಧರ್ಮಗ್ರಂಥಗಳೆಂದರೆ ಅಲರ್ಜಿ, ಅಷ್ಟು ಮಾತ್ರವಲ್ಲ, ಅವುಗಳು ಚರ್ಚೆಗೂ ಯೋಗ್ಯವಲ್ಲ, ಅದನ್ನು ನಂಬುವವರಿಗೆ ವೈಜ್ಙಾನಿಕ ವಿರೋಧಿಗಳು, ಮೂಢರು ಎಂಬ ಪಟ್ಟ ಕಟ್ಟಿಬಿಡುತ್ತಾರೆ. ಇಪ್ಪತ್ತೊಂದನೇ ಶತಮಾನದಲ್ಲಿ ಆವಿಶ್ಕರಿಸಲ್ಪಟ್ಟ ಕ್ವಾಂಟಮ್ ಫಿಸಿಕ್ಸ್ ನಲ್ಲೇ ಮೂಢನಂಬಿಕೆಗಳು ಶುರುವಾಗಿ ನಿಜವಾದ ಜ್ಙಾನ ಕೆಲವೇ ಕೆಲವರಲ್ಲಿ ಉಳಿದುಬಿಡಬಹುದಾದರೆ, ಸಾವಿರಾರು ವರ್ಷಗಳ ಹಿಂದೆ ಇದ್ದ ಜ್ಙಾನ ಪುಸ್ತಕ ರೂಪದಲ್ಲಿ ಬಂದಾಗ ಇದು ಶುಧ್ಧವಾಗಿ ಹೇಗೆ ಉಳಿಯುತ್ತದೆ? ಹಾಗಂದ ಮಾತ್ರಕ್ಕೆ ಅವುಗಳಲ್ಲಿ ಏನೂ ಜ್ಙಾನವಿಲ್ಲ ಎಂದರೆ ಹೇಗೆ? ಅವುಗಳನ್ನು ಅಕ್ಷರಷಹ ನಂಬಬಾರದು ನಿಜ, ಆದರೆ ಸಾರಾಸಗಟಾಗಿ ಅವುಗಳ ಬಗ್ಗೆ ತಿರಸ್ಕಾರ ಏಕೆ? ಇದೇ ರೀತಿ ಮುಂದೊಂದು ದಿನ ಕ್ವಾಂಟಮ್ ಫಿಸಿಕ್ಸ್ ಪುಸ್ತಕವನ್ನೂ ತಿರಸ್ಕರಿಸಬಹುದಲ್ಲವೇ?

ನನ್ನ ಅಭಿಪ್ರಾಯವೇನೆಂದರೆ ನಾವು ವಿಜ್ಙಾನವಾದಿಗಳಾಗಬಾರದು, ಶಾಸ್ತ್ರವಾದಿಗಳಾಗಬಾರದು, ಅಸಲಿಯಾಗಿ ಯಾವ ವಾದಿಯೂ ಆಗಬಾರದು. ಜ್ಙಾನ, ಒಳ್ಳೆಯ ವಿಶಯಗಳು ಎಲ್ಲಿದ್ದರೂ (ವಿಜ್ಙಾನದಲ್ಲಿ ಅಥವಾ ಧರ್ಮಗ್ರಂಥಗಳಲ್ಲಿ, ತಿಳಿದವರಲ್ಲಿ, ಹಿರಿಯರಲ್ಲಿ, ಕಿರಿಯರಲ್ಲಿ ಎಲ್ಲಿದ್ದರೂ) ಅವನ್ನು ತೆಗೆದುಕೊಳ್ಳುವ ಮುಕ್ತ ಮನಸ್ಸು ನಮ್ಮದಾಗಬೇಕು. ಅಲ್ಲವೇ?

ನಿಮ್ಮ ಅಭಿಪ್ರಾಯ ಏನು?