ಹೊಸ ಪತ್ರಿಕೆಗೆ ನಿಮ್ಮ ಸಲಹೆ

ಸ್ನೇಹಿತರೆ ಕಳೆದ ಕೆಲ ದಿನಗಳಿಂದ ನಾನು ಉತ್ತರ ಕರ್ನಾಟಕದಲ್ಲಿ ಹೊಸ ಪತ್ರಿಕೆಯೊಂದನ್ನು ಆರಂಭಿಸಬೇಕು ಎನ್ನುವ ಉದ್ದೇಶ ಹೊಂದಿರುವುದರಿಂದ ಸಂಪದಕ್ಕೆ ಬರದೇ ಹಲವು ದಿನಗಳೇ ಕಳೆದಿದೆ. ಇಲ್ಲಿ ಓದುಗರು ಹೆಚ್ಚಿದ್ದಾರೆ. ಆದರೆ ಸಂಜೆ ದೈನಿಕ ಯಾವುದೂ ಇಲ್ಲ ಎನ್ನುವ ಸ್ನೇಹಿತ ಮಲ್ಲೂರು ಹೇಳಿದ ಹಿನ್ನಲೆಯಲ್ಲಿ ಪತ್ರಿಕೆ ಆದಷ್ಟು ಶೀಘ್ರದಲ್ಲಿ ಆರಂಭಿಸಬೇಕು ಎನ್ನುವ ಚಿಂತನೆಯಿದೆ. ಇದೀಗ ಪತ್ರಿಕೆಗೆ "ನಮ್ಮೂರು" ಎನ್ನುವ ಹೆಸರು ಇಡಬೇಕೆಂಬ ಚಿಂತನೆ ನಡೆಯುತ್ತಿದೆ. ಮೂರು ಅಕ್ಷರಗಳಲ್ಲಿ ಇದ್ದರೆ ಹೆಸರು ಹೇಳುವುದಕ್ಕೆ ಸುಲಭವಾಗುತ್ತದೆ ಎನ್ನುವ ಕಾರಣಕ್ಕೆ. ಬೇರೆ ಹೆಸರುಗಳನ್ನು ಕೂಡ ನೀವು ಸೂಚಿಸಬಹುದಾಗಿದೆ. ಹಾಗೇ ಪತ್ರಿಕೆ ಯಾವ ಸುದ್ದಿಗಳಿಗೆ ಹೆಚ್ಚು ಒತ್ತು ನೀಡಿದರೆ ಗ್ರಾಮಾಂತರ ಹಾಗೂ ನಗರದ ಜನರನ್ನು ತಲುಪಬಹು ಎಂದು ನಿಮಗನ್ನಿಸುತ್ತದೆ. ವಿಮರ್ಶೆಗೆ ಹೆಚ್ಚು ಒತ್ತು ನೀಡಬೇಕಾ ಅಥವಾ ಕಾರ್ಯಕ್ರಮಗಳಿಗೆ ಅಥವಾ ರಾಜಕಾರಣಕ್ಕೆ ಎನ್ನುವುದನ್ನು ಕೂಡ ತಿಳಿಸಿ. ಪತ್ರಿಕೆ ಆರಂಭವಾದ ನಂತರ ಇಲ್ಲಿ ಪ್ರಕಟವಾಗುತ್ತಿರುವ ಲೇಖನಗಳನ್ನು ಪತ್ರಿಕೆಯಲ್ಲಿ ಪ್ರಕಟಿಸುವ ಇಚ್ಛೆ ಖಂಡಿತಾ ಇದೆ. ನಿಮ್ಮ ಉತ್ತರದ ನಿರೀಕ್ಷೆಯಲ್ಲಿ...