ನಾನು ಓದಿದ ಇನ್ನೊಂದು ಇಂಗ್ಲಿಶ್ ಕಾದಂಬರಿ Nectar in a Sieve

ಕಮಲಾ ಮಾರ್ಕಂಡೇಯ ಅವರ  ಕಾದಂಬರಿ Nectar in a Sieve    ಅನ್ನು  ಇತ್ತೀಚಿಗೆ ಓದಿದೆ . 
( ಇಂಗ್ಲಿಶ್  ಪುಸ್ತಕ  ಓದುತ್ತ ಇದ್ದೀನಿ ಅಂದರೆ   ಕನ್ನಡದಲ್ಲಿ  ಎಲ್ಲ ಓದಿದ್ದೀನಿ ಅಂತ  ಅಲ್ಲ .  ಕನ್ನಡದಲ್ಲಿ ಕಾರಂತ , ತರಾಸು , ಭೈರಪ್ಪ ಇವರುಗಳನ್ನೇ ಓದದೆ ಬಾಕಿ ಉಳಿಸಿಕೊಂಡಿದ್ದೀನಿ.  ಸದ್ಯ ಇಲ್ಲಿ  ಕನ್ನಡ ಪುಸ್ತಕಗಳು ಇಲ್ಲ ; ಸ್ವಲ್ಪ ಸಮಯ ಸಿಕ್ಕಿದೆ ; ಹೀಗಾಗಿ ಇಂಗ್ಲಿಷಿಗೆ ಕೈ ಹಾಕಿದ್ದೀನಿ ಅಷ್ಟೇ )
ಕಚೇರಿಯ ಲೈಬ್ರರಿಯಿಂದ ಓದಲು ಸುಲಭ ಆಗಿರುವ , ಭಾರತೀಯ ಇಂಗ್ಲಿಶ್ ಬರಹಗಾರರ ಪುಸ್ತಕಗಳಿಂದ ಶುರು ಮಾಡಿದ್ದೀನಿ , ಇಂಗ್ಲಿಶ್ ಓದಲು ಹೆಚ್ಚು ಸಮಯ ಬೇಕು  , ಅದಕ್ಕೆ ಸುಲಭವಾಗಿ ಕಂಡ  ಈ ಪುಸ್ತಕ ತೆಗೆದುಕೊಂಡೆ  )  

ಬಡತನದ ಒಂದು ಸಂಸಾರದ ಚಿತ್ರಣ ಇದೆ,   ಒಂದರ ಹಿಂದೊಂದು ಕಷ್ಟಗಳಿಗೆ  ತಮ್ಮನ್ನು ಒಡ್ಡಿಕೊಂಡ   ಪಾತ್ರಗಳು  ಆಶ್ಚರ್ಯವೆಂದರೆ  ಯಾರನ್ನೂ  ದೂರುವದಿಲ್ಲ .  ಕಾದಂಬರಿಯಲ್ಲಿ ಯಾರು ವಿಲನ್ ಅಲ್ಲ !   ವಿಧಿಯಾಗಲೀ  , ದೇವರನ್ನಾಗಲೀ  ತಮ್ಮ ಸ್ಥಿತಿಗೆ  ಕಾರಣ   ಎನ್ನುವುದಿಲ್ಲ .  ಶೋಷಣೆ , ಶೋಷಿತರು  ಎಂದು ಬರಹಗಾತಿ         ಬೊಬ್ಬೆ ಹೊಡೆಯುವುದಿಲ್ಲ .   ಇಳಿಥರ ( ಅವನತಿಯ  ಗತಿ ) ಕ್ಕೆ ಹೊಂದಿಕೊಂಡು  ಹೋಗುವುದು ಮನವನ್ನು ತಟ್ಟುತ್ತದೆ .

ಈಗ ತಾನೆ ನೋಡುತ್ತಾ ಇದ್ದೀನಿ . ಈ  ಬರಗತಿ ಯಾರು ಅಂತ ,  ಭಾರತೀಯ ಇಂಗ್ಲಿಶ್ ಬರಹಗಾರರಲ್ಲಿ ಮೊದಲಿಗರಲ್ಲಿ  ಒಬ್ಬರಂತೆ . ಇದು ಅವರ ಮೊದಲ ಕಾದಂಬರಿ ಅಂತೆ . ಜಗತ್ತಿನಾದ್ಯಂತ  ಬಹಳ ಪ್ರತಿಗಳು ಮಾರಾಟವಾಗಿವೆ .  ಇವರು ಮೈಸೂರಿನವರಂತೆ .