ಕಣ್ಣೋಟಗಳ ಮಿಳಿತ

ಕಣ್ ಕಣ್ಣೋಟಗಳ ಮಿಳಿತ
ಮೈಮನಸಲೆನೋ ಪುಳಕ
ಎದೆಯೊಳಗೆ ತಿಳಿಸಂಕಟ
ತಡೆಯಲಾಗದ ಭಾವಾಟೋಪ

ಪ್ರೇಮ ಕಮಲವದು ಅರಳಿದೆ
ಕಂಪು ಸೂಸುತ ಹೆಸರ ಕರೆದಿದೆ
ಕಲ್ಪನೆಗಳ ತೋರಣ ಕಟ್ಟಿದೆ
ಹೃದಯ ಸಾಮ್ರಾಜ್ಯವ ಧಾರೆಯೆರೆದಿದೆ

ಚಾಂಚಲ್ಯವದು ಎಲ್ಲೆ ಮೀರಿದೆ
ಬೇಲಿ ಎದ್ದು ಹೊಲ ಮೆಯ್ದಿದೆ
ಎಡರು ತೊಡರುಗಳ ತೊರೆ ಎಂದಿದೆ
ಸ್ಥಿತಪ್ರಜ್ಞೆ ಆದೇಶ ನೀಡಿದೆ

ತುಟಿ ಬಿಗಿದು ಮಾತ ಮರೆಯೆನು
ಆಲೋಚನೆಗಳ ಕದಮುಚ್ಚೆನು
ಮನದರಸಿಯ ಓಲೈಸುವೆನು
ಬಾಳ ಪಯಣದಿ ಜೊತೆಸಾರುವೆನು.